Ferric ammonium citrate

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការថតMRIទៅលើផ្នែកពោះ រួមមាន ការថតប្រដាប់រំលាយអាហារ (ក្រពះ គល់ពោះវៀនតូច(Duodenum) ផ្នែកJejunumនៃពោះវៀនតូច) និង ការថតបំពង់ទឹកប្រមាត់(Bile duct)និងបំពង់លំពែង(Pancreatic duct)។

    • កម្រិតប្រើប្រាស់

      ថ្នាំលេប：

      ・ករណីប្រើនៅក្នុងការថតប្រដាប់រំលាយអាហារ (ក្រពះ គល់ពោះវៀនតូច(Duodenum) ផ្នែកJejunumនៃពោះវៀនតូច)：

      មនុស្សពេញវ័យ：ប្រើក្នុងកម្រិត600mg លាយនៅក្នុងទឹក300mL រួចពិសារ។

      ・ករណីប្រើនៅក្នុងការថតបំពង់ទឹកប្រមាត់(Bile duct)និងបំពង់លំពែង(Pancreatic duct)：

      មនុស្សពេញវ័យ：ប្រើក្នុងកម្រិត1200mg លាយនៅក្នុងទឹក150mL រួចពិសារ។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថជាតិដែកផ្សេងទៀត។

      ・អ្នកដែលកំពុងទទួលការព្យាបាលជំងឺលើសជាតិដែកក្នុងរាងកាយ (Hemochromatosis ជាដើម)។

    • ផលរំខាន

      ផលរំខានរួមមាន រាករូស ឡើងកន្ទួលក្រហម ក្រហាយទ្រូង ចង់ក្អួត ឈឺស្មា ជាតិដែកក្នុងឈាមថយចុះ សារធាតុFerritinក្នុងឈាមកើនឡើង ប្លាកែតកើនឡើង សារធាតុប៉ូតាស្យូមក្នុងឈាមកើនឡើង សារធាតុBilirubinក្នុងឈាមកើនឡើង ។ល។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថប្រឆាំងបាក់តេរីប្រភេទTetracycline, ឱសថប្រឆាំងបាក់តេរីប្រភេទNew quinolone, ឱសថCefdinir - អាចធ្វើអោយសកម្មភាពនៃឱសថទាំងនេះថយចុះ។ ដូច្នេះ គួរទុកគម្លាតនៃការប្រើប្រាស់ឱសថទាំងនេះប្រមាណ3ម៉ោងក្រោយបញ្ចប់ការថត។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើប្រាស់ឱសថនេះទេ។

    • សកម្មភាពឱសថ

      ឱសថនេះមានសកម្មភាពបង្កើនសញ្ញាប្រូតុងនៃម៉ូលេគុលទឹកនៅT1 weighted image (T1WI) និង បន្ថយសញ្ញាប្រូតុងនៃម៉ូលេគុលទឹកនៅT2 weighted image (T2WI) ដើម្បីធ្វើអោយរូបភាពមានលក្ខណៈកាន់តែច្បាស់។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល