Fenoterol hydrobromide

ករណីថ្នាំលេប ទម្រង់ជាថ្នាំគ្រាប់：

ជាទូទៅ ឱសថនេះប្រើនៅក្នុងការកាត់បន្ថយអាការៈពិបាកដកដង្ហើមបណ្ដាលមកពីការស្ទះផ្លូវដង្ហើម ដែលកើតមាននៅក្នុង ជំងឺហឺត(Bronchial asthma) ជំងឺរលាកទងសួតរ៉ាំរ៉ៃ ជំងឺខ្យល់ដក់ក្នុងសួត (Pulmonary emphysema) និង ជំងឺPneumoconiosis។

ករណីថ្នាំលេប ទម្រង់ជាថ្នាំទឹក：

ជាទូទៅ ឱសថនេះប្រើនៅក្នុងការកាត់បន្ថយអាការៈពិបាកដកដង្ហើមបណ្ដាលមកពីការស្ទះផ្លូវដង្ហើម ដែលកើតមាននៅក្នុង ជំងឺហឺត(Bronchial asthma) ជំងឺរលាកទងសួតលក្ខណៈហឺត ជំងឺរលាកទងសួតស្រួចស្រាវ។

ករណីថ្នាំទម្រង់ជាឧបករណ៍បាញ់ស្រូបតាមមាត់：

ជាទូទៅ ឱសថនេះប្រើនៅក្នុងការកាត់បន្ថយអាការៈពិបាកដកដង្ហើមបណ្ដាលមកពីការស្ទះផ្លូវដង្ហើម ដែលកើតមាននៅក្នុង ជំងឺហឺត(Bronchial asthma) ជំងឺរលាកទងសួតរ៉ាំរ៉ៃ ជំងឺខ្យល់ដក់ក្នុងសួត (Pulmonary emphysema) និង ជំងឺPneumoconiosis។

ករណីថ្នាំលេប ទម្រង់ជាថ្នាំគ្រាប់：

មនុស្សពេញវ័យ：លេប1ដង2.5mg, 1ថ្ងៃ3ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំលេបទម្រង់ជាថ្នាំទឹក(0.05%)：

កុមារ：ពិសារ1ថ្ងៃ0.375mg/kg (ត្រូវនឹង0.75mL/kg) បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ជាទូទៅ កម្រិតប្រើប្រាស់ទៅតាមអាយុកុមារ គឺ៖

+ អាយុ6ខែ～ក្រោម1ឆ្នាំ - 1ថ្ងៃ1.5～3.0mg (3～6mL) បែងចែកជា3ដងក្នុង1ថ្ងៃ។

+ អាយុ1ឆ្នាំ～ក្រោម3ឆ្នាំ - 1ថ្ងៃ3.0～4.5mg (ត្រូវនឹង6～9mL) បែងចែកជា3ដងក្នុង1ថ្ងៃ។

+ អាយុ3ឆ្នាំ～ក្រោម5ឆ្នាំ - 1ថ្ងៃ4.5～7.5mg (ត្រូវនឹង9～15mL) បែងចែកជា3ដងក្នុង1ថ្ងៃ។

ករណីថ្នាំទម្រង់ជាឧបករណ៍បាញ់ស្រូបតាមមាត់：

មនុស្សពេញវ័យ：ប្រើ1ដង200μg ស្រូបតាមមាត់។ ក្រោយ2～5នាទី ប្រសិនបើប្រសិទ្ធិភាពមិនគ្រប់គ្រាន់ទេ អាចប្រើ 100～200μg បន្ថែមទៀត។ អាចប្រើដល់4ដងក្នុង1ថ្ងៃ ដោយទុកគម្លាតរយៈពេលយ៉ាងហោចណាស់6ម៉ោង។

・អ្នកដែលកំពុងប្រើប្រាស់ឱសថកាតេកូឡាមីន (Epinephrine, Isoproterenol, Dopamine ជាដើម)។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន ញ័រដៃជើង បេះដូងលោតញាប់ ឈឺក្បាល ឡើងកន្ទួលក្រហម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- អស់កម្លាំង កម្លាំងសាច់ដុំធ្លាក់ចុះ ពិបាកដកដង្ហើម ស្ពឹកដៃជើង (រោគសញ្ញានៃកម្រិតប៉ូតាស្យូមក្នុងឈាមធ្លាក់ចុះទាប)។

・ឱសថកាតេកូឡាមីន (Epinephrine, Isoproterenol, Dopamine ជាដើម) - អាចធ្វើអោយបេះដូងឈប់ដើរ។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រភេទXanthine (Theophylline, Aminophylline), ឱសថប្រភេទស្តេរ៉ូអ៊ីត(Betamethasone, Prednisolone, Hydrocortisone sodium succinate), ឱសថបញ្ចុះទឹកនោម(Furosemide) - អាចធ្វើអោយកម្រិតប៉ូតាស្យូមនៅក្នុងឈាមធ្លាក់ចុះទាប។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន គួរប្រើឱសថនេះក្នុងករណីចាំបាច់តែប៉ុណ្ណោះ ព្រោះសារធាតុឱសថអាចជ្រៀតចូលក្នុងទឹកដោះម្តាយ។

ឱសថនេះមានសកម្មភាពភ្ញោចគ្រឿងទទួលβ2(β2 receptor) ធ្វើអោយអង់ស៊ីមAdenylyl cyclaseមានសកម្មភាពបំលែងសារធាតុATPនៅក្នុងកោសិកាទៅជាcAMP។ ការកើនឡើងនៃcAMPមានប្រសិទ្ធិភាពពង្រីកមុខកាត់នៃទងសួតអោយរីកធំទូលាយ សម្រួលដល់ការដកដង្ហើម។