Febuxostat

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺលើសអាស៊ីតអ៊ុយរិចនៅក្នុងឈាម។

- ជំងឺរលាកសន្លាក់ដោយសារការកើនឡើងនៃអាស៊ីតអ៊ុយរិច(Gout)។

- អាការៈកើនឡើងនៃអាស៊ីតអ៊ុយរិចនៅក្នុងឈាមដែលកើតមាននៅក្នុងការព្យាបាលជំងឺមហារីកដោយគីមី។

ថ្នាំលេប：

・ជំងឺលើសអាស៊ីតអ៊ុយរិចនៅក្នុងឈាម ជំងឺរលាកសន្លាក់ដោយសារការកើនឡើងនៃអាស៊ីតអ៊ុយរិច(Gout)：

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ1ដង10mg។ បន្ទាប់ពីនោះ ត្រូវតាមដានកម្រិតអាស៊ីតអ៊ុយរិចក្នុងឈាម ដោយអាចបង្កើនកម្រិតឱសថបន្តិចម្ដងៗ។ ជាទូទៅ កម្រិតប្រើជាប្រចាំគឺ1ថ្ងៃ1ដង40mg។ អាចបង្កើនឬបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ ប៉ុន្តែ កម្រិតអតិបរមាគឺ1ថ្ងៃ1ដង60mg។

・អាការៈកើនឡើងនៃអាស៊ីតអ៊ុយរិចនៅក្នុងឈាមដែលកើតមាននៅក្នុងការព្យាបាលជំងឺមហារីកដោយគីមី：

មនុស្សពេញវ័យ：លេប1ថ្ងៃ1ដង60mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថMercaptopurine hydrate ឬ ឱសថAzathioprine។

ផលរំខានរួមមាន អាការៈឈឺសន្លាក់បណ្ដោះអាសន្នដោយសារបណ្ដុំនៃអាស៊ីតអ៊ុយរិច ឈឺនៅតាមដៃជើង រាករូស អស់កម្លាំង។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឡើងកន្ទួលក្រហមនៅលើស្បែក (រោគប្រតិកម្ម)

- អស់កម្លាំង បាត់បង់ចំណង់អាហារ ភ្នែកនិងស្បែកប្រែពណ៌លឿង (មុខងារថ្លើមចុះខ្សោយ)។

・ឱសថMercaptopurine hydrate, ឱសថAzathioprine - អាចធ្វើអោយផលប៉ះពាល់លើខួរឆ្អឹងកើនឡើង។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថVidarabine - អាចធ្វើអោយសកម្មភាពនៃVidarabineកើនឡើង បង្កជាផលរំខានផ្សេងៗ។

・ឱសថDidanosine - អាចធ្វើអោយកំហាប់ក្នុងឈាមនៃDidanosineកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងការប្រើប្រាស់ឱសថនេះនៅរយៈពេលដំបូង អាចឃើញមានការកើតឡើងនូវអាការៈឈឺសន្លាក់ដោយសារបណ្ដុំនៃអាស៊ីតអ៊ុយរិចជាបណ្ដោះអាសន្ន។ ដូច្នេះ គួរពិនិត្យមើលព័ត៌មានបន្ថែមទាក់ទងនឹងកម្រិតនៃការប្រើប្រាស់ឱសថនៅដំណាក់កាលដំបូងអោយបានសមស្រប។

・ករណីកើតមានអាការៈឈឺចាប់ក្នុងអំឡុងពេលនៃការប្រើប្រាស់ឱសថនេះ គួរប្រើប្រាស់ឱសថColchicine ឬ ឱសថប្រភេទNSAIDs ឬ ឱសថស្តេរ៉ូអ៊ីត ជាដើម ដើម្បីបំបាត់អាការៈឈឺចាប់។

・អ្នកជំងឺគួរបរិភោគទឹកអោយបានច្រើន ដើម្បីបង្ការកុំអោយកើតមានក្រួសក្នុងតម្រងនោមដោយសារបណ្ដុំនៃអាស៊ីតអ៊ុយរិច។

・ប្រើត្រឹម1ថ្ងៃ1ដង។ ការប្រើឱសថនេះរួមជាមួយឱសថ Mercaptopurine hydrate ឬ Azathioprine អាចធ្វើអោយផលរំខានប៉ះពាល់ខួរឆ្អឹងជាដើមកើនឡើង។

ឱសថនេះមានប្រសិទ្ធិភាពបង្អាក់សកម្មភាពរបស់អង់ស៊ីមXanthine oxidaseដែលមានតួនាទីនៅក្នុងការសំយោគអាស៊ីតអ៊ុយរិចនៅក្នុងរាងកាយ។ ជាលទ្ធផល ធ្វើអោយកម្រិតនៃអាស៊ីតអ៊ុយរិចនៅក្នុងឈាមមានការថយចុះ។