Famciclovir

ជាទូទៅ ឱសថនេះប្រើនៅក្នុងការព្យាបាលជំងឺរើម(Herpes simplex និង Herpes zoster)។

ថ្នាំលេប：

・ជំងឺរើមសាមញ្ញ(Herpes simplex)：

មនុស្សពេញវ័យ：លេប1ដង250mg, 1ថ្ងៃ3ដង។ ករណីជាជំងឺរើមសាមញ្ញ(Herpes simplex)លក្ខណៈរើឡើងវិញ លេប1ដង1000mg, 1ថ្ងៃ2ដង។

・ជំងឺរើមហ្សូស្ទើ (Herpes zoster)：

មនុស្សពេញវ័យ：លេប1ដង500mg, 1ថ្ងៃ3ដង។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន ឈឺក្បាល ងងុយគេង រាករូស ហើម ចង់ក្អួត ឈឺពោះ ឡើងកន្ទួលក្រហម រមាស់ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- រវើរវាយឃើញរូបភាពឬស្ដាប់លឺសម្លេងមិនពិត ពិបាកសម្រេចចិត្តឬគិតពិចារណា (បញ្ហាប៉ះពាល់ផ្នែកខួរក្បាលនិងស្មារតី)

- ក្ដៅខ្លួនខ្លាំង ភ្នែកក្រហម រលាត់ស្បែកនៅបបូរមាត់ ក្នុងមាត់ ត្របកភ្នែកជាដើម (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN)ជាដើម)

- បរិមាណទឹកនោមថយចុះ ហើម អស់កម្លាំង (មុខងារតម្រងនោមថយចុះ)

- ឈឺសាច់ដុំដៃជើង អស់កម្លាំង ទឹកនោមមានពណ៌ក្រហមត្នោត (ជំងឺរលាយសាច់ដុំ(Rhabdomyolysis))

- កន្ទាលត្រអាកលើស្បែក សម្ពាធឈាមធ្លាក់ចុះ ពិបាកដកដង្ហើម (រោគប្រតិកម្មធ្ងន់ធ្ងរ)

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថProbenecid - អាចធ្វើអោយកំហាប់ក្នុងឈាមនៃឱសថFamciclovirកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ចំពោះអ្នកជំងឺដែលមានមុខងារតម្រងនោមចុះខ្សោយឬអ្នកជំងឺជាមនុស្សចាស់ កម្រិតឱសថត្រូវប្រើគួរគណនាទៅតាមលទ្ធផលពិនិត្យCreatinine clearance(Ccr)។

・ឱសថនេះអាចផ្ដល់ផលរំខានដូចជាងងុយគេងឬស្មារតីដឹងខ្លួនធ្លាក់ចុះជាដើម ដូច្នេះ ត្រូវប្រុងប្រយ័ត្ននៅពេលបើកបរឬនៅពេលបញ្ជាម៉ាស៊ីនដែលមានគ្រោះថ្នាក់។

・ប្រសិនបើប្រើឱសថនេះរយៈពេល7ថ្ងៃហើយ រោគសញ្ញានៅមិនទាន់ជាសះស្បើយឬកាន់តែធ្ងន់ធ្ងរ គួរផ្លាស់ប្ដូរការព្យាបាលផ្សេងទៀត។

ជាឱសថប្រឆាំងវីរុស ដោយមានប្រសិទ្ធិភាពបង្អាក់សកម្មភាពផលិតDNAរបស់វីរុស ធ្វើអោយវីរុសមិនអាចរស់រានឬកើនចំនួនបាន។