Exenatide

ជាទូទៅ ឱសថនេះប្រើនៅក្នុងការព្យាបាលជំងឺទឹកនោមផ្អែមប្រភេទទី2 ក្នុងករណីអ្នកជំងឺមិនទទួលបានប្រសិទ្ធិភាពគ្រប់គ្រាន់ពីការព្យាបាលដោយរបបអាហារនិងការហាត់ប្រាណ បូករួមនឹងការប្រើឱសថបញ្ចុះជាតិស្ករតែប៉ុណ្ណោះ។

ថ្នាំចាក់：

<ប្រភេទរយៈពេលសកម្មភាពធម្មតា>

មនុស្សពេញវ័យ：ប្រើ1ដង5μg, 1ថ្ងៃ2ដង មុនអាហារពេលព្រឹកនិងពេលល្ងាច ចាក់ក្រោមស្បែក។ ប្រើក្នុងកម្រិតនេះ ដោយតាមដានស្ថានភាពអ្នកជំងឺរយៈពេលយ៉ាងហោចណាស់1ខែ ទើបបង្កើនកម្រិតដល់1ដង10μg, 1ថ្ងៃ2ដង ទៅតាមស្ថានភាពរបស់អ្នកជំងឺ។ ជាទូទៅ ត្រូវប្រើឱសថនេះនៅក្នុងអំឡុងពេល60នាទីមុនបរិភោគអាហារពេលព្រឹកនិងពេលល្ងាច គឺមិនប្រើនៅក្រោយពេលបរិភោគអាហាររួចនោះទេ។

<ប្រភេទរយៈពេលសកម្មភាពវែង>
មនុស្សពេញវ័យ：ប្រើ1សប្ដាហ៍1ដង2mg ដោយចាក់ក្រោមស្បែក។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងមានរោគសញ្ញានៃការកើនឡើងសារធាតុកេតូននៅក្នុងរាងកាយ(Ketosis)ធ្ងន់ធ្ងរ ឬ ស្ថិតក្នុងស្ថានភាពបាត់បង់ស្មារតីដោយសារជំងឺទឹកនោមផ្អែម ឬ អ្នកដែលមានជំងឺទឹកនោមផ្អែមប្រភេទទី1។

・អ្នកដែលកំពុងមានជំងឺឆ្លងធ្ងន់ធ្ងរ ឬ ស្ថិតក្នុងស្ថានភាពបន្ទាន់ដូចជាការវះកាត់ជាដើម ដែលគួរគ្រប់គ្រងស្ថានភាពកម្រិតជាតិស្ករដោយឱសថចាក់អាំងស៊ុយលីន។

・អ្នកដែលមានបញ្ហាតម្រងនោមធ្ងន់ធ្ងរ រួមទាំង អ្នកជំងឺដែលទទួលការលាងឈាម។

ទល់លាមក កម្រិតជាតិស្ករក្នុងឈាមចុះទាបខ្លាំង(អស់កម្លាំង បែកញើស បេះដូងលោតញាប់ ញ័រដៃជើង វិលមុខ ។ល។) រលាកលំពែង។

GLP-1ជាអរម៉ូនអ៊ីនក្រេទីន (Incretin)ដែលបញ្ចេញពីពោះវៀន ដើម្បីជម្រុញការបញ្ចេញអរម៉ូនអាំងស៊ុយលីន។ អរម៉ូននេះក៏មានប្រសិទ្ធិភាពកាត់បន្ថយទម្ងន់ផងដែរ។