Evolocumab

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺលើសកម្រិតកូឡេស្តេរ៉ូលក្នុងឈាម

- ជំងឺលើសកូឡេស្តេរ៉ូលក្នុងឈាមលក្ខណៈតំណពូជ(Familial hypercholesterolemia)។

ប៉ុន្តែ គេប្រើឱសថនេះក្នុងករណីដូចតទៅតែប៉ុណ្ណោះ: 1. អ្នកជំងឺមានហានិភ័យខ្ពស់ក្នុងការកើតមានអាការៈដោយសារបញ្ហាសរសៃឈាមនៅបេះដូង ឬ 2. ការប្រើឱសថប្រភេទHMG-CoA reductase inhibitor(ឱសថស្តាទីន)មិនផ្ដល់ប្រសិទ្ធិភាពគ្រប់គ្រាន់ឬអ្នកជំងឺមិនអាចប្រើឱសថទាំងនេះតែប៉ុណ្ណោះ។

ថ្នាំចាក់：

・ករណីជំងឺលើសកម្រិតកូឡេស្តេរ៉ូលក្នុងឈាម និង ជំងឺលើសកូឡេស្តេរ៉ូលក្នុងឈាមលក្ខណៈតំណពូជ(Familial hypercholesterolemia)ប្រភេទអេតេរ៉ូស៊ីហ្កូត(Heterozygote):

មនុស្សពេញវ័យ ប្រើក្នុងកម្រិត1ដង140mg ដោយចាក់ក្រោមស្បែក រៀងរាល់2សប្ដាហ៍ម្ដង ឬ ប្រើក្នុងកម្រិត1ដង420mg ដោយចាក់ក្រោមស្បែក រៀងរាល់4សប្ដាហ៍ម្ដង។

・ករណីជំងឺលើសកូឡេស្តេរ៉ូលក្នុងឈាមលក្ខណៈតំណពូជ(Familial hypercholesterolemia)ប្រភេទអូម៉ូស៊ីហ្កូត(Homozygote):

មនុស្សពេញវ័យ ប្រើក្នុងកម្រិត1ដង420mg ដោយចាក់ក្រោមស្បែក រៀងរាល់4សប្ដាហ៍ម្ដង។ ករណីប្រសិទ្ធិភាពមិនគ្រប់គ្រាន់ អាចប្រើក្នុងកម្រិត1ដង420mg ដោយចាក់ក្រោមស្បែក រៀងរាល់2សប្ដាហ៍ម្ដង។ ករណីប្រើឱសថនេះសម្រាប់ជាជំនួយនៅក្នុងការព្យាបាលដោយLDL apheresis អាចចាប់ផ្ដើមប្រើក្នុងកម្រិត1ដង420mg ដោយចាក់ក្រោមស្បែក រៀងរាល់2សប្ដាហ៍ម្ដង។

អាចប្រើឱសថនេះរួមជាមួយឱសថប្រភេទHMG-CoA reductase inhibitor លើកលែងករណីដែលអ្នកជំងឺមិនអាចទទួលឱសថប្រភេទHMG-CoA reductase inhibitor បាន។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។