Etidronate disodium

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺពុកឆ្អឹង (Osteoporosis)

- ដំណាក់កាលដំបូងនិងដំណាក់កាលវិវត្តន៍នៃរោគសញ្ញាកកើតឆ្អឹងនៅកន្លែងខុសប្រក្រតីដែលកើតមាននៅក្រោយពេលរងរបួសខួរឆ្អឹង ឬ ក្រោយការវះកាត់នៅសន្លាក់ក្រលៀន។

- ជំងឺផេជិតឆ្អឹង(Paget's disease of bone, PDB)។

ថ្នាំលេប：

・ករណីជំងឺពុកឆ្អឹង：

មនុស្សពេញវ័យ：លេប1ថ្ងៃ1ដង 200mg នៅចន្លោះពេលបរិភោគអាហារ។ ប្រើរយៈពេល2សប្ដាហ៍ ហើយទុកគម្លាត10～12សប្ដាហ៍មុននឹងប្រើឱសថនេះម្ដងទៀត(1វដ្ត)។ ករណីស្ថានភាពជំងឺធ្ងន់ធ្ងរ លេប1ថ្ងៃ1ដង 400mg នៅចន្លោះពេលបរិភោគអាហារ។ ប្រើរយៈពេល2សប្ដាហ៍ ហើយទុកគម្លាត10～12សប្ដាហ៍មុននឹងប្រើឱសថនេះម្ដងទៀត(1វដ្ត)។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ 400mg។ ដើម្បីអាចស្រូបឱសថនេះបានល្អ គួរចៀសវាងបរិភោគអាហាររយៈពេល2ម៉ោងមុននិងក្រោយប្រើឱសថនេះ។

・ ដំណាក់កាលដំបូងនិងដំណាក់កាលវិវត្តន៍នៃរោគសញ្ញាកកើតឆ្អឹងនៅកន្លែងខុសប្រក្រតីដែលកើតមាននៅក្រោយពេលរងរបួសខួរឆ្អឹង ឬ ក្រោយការវះកាត់នៅសន្លាក់ក្រលៀន：

មនុស្សពេញវ័យ：លេប1ថ្ងៃ1ដង 800～1000mg នៅចន្លោះពេលបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ដើម្បីអាចស្រូបឱសថនេះបានល្អ គួរចៀសវាងបរិភោគអាហាររយៈពេល2ម៉ោងមុននិងក្រោយប្រើឱសថនេះ។

・ ជំងឺផេជិតឆ្អឹង(Paget's disease of bone, PDB)：

មនុស្សពេញវ័យ：លេប1ថ្ងៃ1ដង 200mg នៅចន្លោះពេលបរិភោគអាហារ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ 1000mg។

・អ្នកដែលមានបញ្ហាតម្រងនោមកម្រិតធ្ងន់ធ្ងរ។

・ជំងឺឆ្អឹងទន់ (Osteomalacia)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・កុមារ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

រាករូស ចង់ក្អួត ក្អួត ឈឺពោះ បាត់បង់ចំណង់អាហារ។

・ដើម្បីធ្វើអោយការស្រូបសារធាតុឱសថមានលក្ខណៈល្អប្រសើរ គួរចៀសវាងបរិភោគអាហារ2ម៉ោងមុននិងក្រោយពេលប្រើប្រាស់ឱសថនេះ ជាពិសេស អាហារដែលមានផ្ទុកជាតិកាល់ស្យូមច្រើន។

ទប់ស្កាត់សកម្មភាពនៃកោសិការំលាយឆ្អឹង(Osteoclasts)។ ម្យ៉ាងទៀត ឱសថទាំងនេះមានសកម្មភាពភ្ជាប់ទៅនឹងស្រទាប់លើនៃឆ្អឹងដោយផ្ទាល់ ដើម្បីទប់ស្កាត់ដំណើរការរំលាយឆ្អឹង។