Estradiol + Norethisterone acetate

ជាទូទៅ ឱសថនេះប្រើនៅក្នុងការព្យាបាលរោគសញ្ញាទាក់ទងនឹងសរសៃប្រសាទចលនានិងសរសៃឈាម ដូចជា អារម្មណ៍ក្ដៅច្រាលឡើង(Hot flush) និង បែកញើស ជាដើម ដែលកើតឡើងនៅក្រោយពេលស្ត្រីអស់រដូវ(Postmenopausal syndrome) ឬ នៅក្នុងជំងឺមុខងារក្រពេញអូវែរថយចុះ (Ovarian insufficiency)។

ថ្នាំបិទលើស្បែក：

មនុស្សពេញវ័យ ប្រើក្នុងកម្រិត1ថ្ងៃ1បន្ទះ(ទំហំ9cm²) (ដែលរួមមានសារធាតុEstradiol 0.62mg និង សារធាតុNorethisterone acetate 2.70mg) ដោយផ្លាស់ប្ដូររៀងរាល់3～4ថ្ងៃម្ដង (ត្រូវជា2ដងក្នុង1សប្ដាហ៍)។ ប្រើឱសថនេះបិទនៅលើផ្នែកខាងក្រោមនៃពោះ។

・អ្នកដែលកំពុងមានឬសង្ស័យថាមានជំងឺមហារីកដែលបណ្ដាលមកពីអរម៉ូនអេស្ត្រូជេន (ដូចជា ជំងឺមហារីកសុដន់ ជំងឺមហារីកភ្នាសក្នុងស្បូន(Endometrial cancer))។

・អ្នកដែលមានជំងឺភ្នាសក្នុងស្បូនកើនឡើងខុសប្រក្រតី(Endometrial hyperplasia)និងមិនទាន់ទទួលការព្យាបាល។

・អ្នកដែលធ្លាប់មានជំងឺមហារីកសុដន់។

・អ្នកដែលកំពុងឬធ្លាប់មានជំងឺរលាកសរសៃវ៉ែនដោយសារកំណកឈាម(Thrombophlebitis) ឬ ជំងឺស្ទះកំណកឈាមនៅសួត(Pulmonary embolism)។

・អ្នកដែលកំពុងឬធ្លាប់មានជំងឺស្ទះកំណកឈាមនៅក្នុងសរសៃអាកទែ (ដូចជា ជំងឺបេះដូងទាក់ទងនឹងសរសៃអាកទែបេះដូង(Coronary heart disease) ជំងឺស្ទះឬដាច់សរសៃឈាមក្នុងខួរក្បាល(Stroke))។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះឬស្ត្រីបំបៅដោះកូន។

・អ្នកដែលមានបញ្ហាថ្លើមកម្រិតធ្ងន់ធ្ងរ។

・អ្នកដែលមានរោគសញ្ញាហូរឈាមខុសប្រក្រតីពីប្រដាប់ភេទដោយមិនទាន់ដឹងពីមូលហេតុច្បាស់លាស់។

・អ្នកដែលមានជំងឺPorphyria។