Epoetin beta

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺខ្វះឈាមដោយសារបញ្ហាតម្រងនោម ចំពោះអ្នកជំងឺដែលកំពុងទទួលការលាងឈាម ឬ អ្នកជំងឺដែលនឹងទទួលការលាងឈាម

- ជំងឺខ្វះឈាមនៅក្នុងទារកកើតមិនគ្រប់ខែ

- នៅពេលត្រូវការស្តុកឈាមអ្នកជំងឺសម្រាប់ការវះកាត់បរិមាណចាប់ពី800mLឡើងទៅ រយៈពេលចាប់ពី1សប្ដាហ៍ឡើងទៅ។

ថ្នាំចាក់：

・ជំងឺខ្វះឈាមដោយសារបញ្ហាតម្រងនោមចំពោះអ្នកជំងឺដែលកំពុងទទួលការលាងឈាម：

-ករណីចាក់តាមសរសៃវ៉ែន：

ប្រើ1ដង3000ខ្នាត, 1សប្ដាហ៍3ដង ចាក់តាមសរសៃវ៉ែនយឺតៗ។

ក្រោយពេលរោគសញ្ញាខ្វះឈាមធូរស្បើយហើយ(កំហាប់Hbប្រហែល10g/dLឬHematocrit 30%) អាចប្រើជាប្រចាំក្នុងកម្រិត1ដង1500ខ្នាត, 1សប្ដាហ៍2～3ដង។ ឬ ក្នុងកម្រិត1ដង3000ខ្នាត, 1សប្ដាហ៍2ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើជាប្រចាំ គឺ 1ដង3000ខ្នាត, 1សប្ដាហ៍3ដង។ គោលដៅនៃកំហាប់Hbគឺប្រហែល10g/dLឬHematocrit 30%។

-ករណីចាក់ក្រោមស្បែក：

+ មនុស្សពេញវ័យ：ប្រើ1ដង6000ខ្នាត, 1សប្ដាហ៍1ដង។

ក្រោយពេលរោគសញ្ញាខ្វះឈាមធូរស្បើយហើយ អាចប្រើជាប្រចាំក្នុងកម្រិត 1ដង6000～12000ខ្នាត 2សប្ដាហ៍1ដង។

+ កុមារ：ប្រើ1ដង50～100ខ្នាត/kg, 1សប្ដាហ៍1ដង។ ក្រោយពេលរោគសញ្ញាខ្វះឈាមធូរស្បើយហើយ អាចប្រើជាប្រចាំក្នុងកម្រិត 1ដង100～200ខ្នាត/kg 2សប្ដាហ៍1ដង។

អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា ដោយគោលដៅនៃកំហាប់Hbគឺប្រហែល10g/dLឬHematocrit 30%។

・ជំងឺខ្វះឈាមដោយសារបញ្ហាតម្រងនោមចំពោះអ្នកជំងឺដែលនឹងទទួលការលាងឈាម：

-ករណីចាក់តាមសរសៃវ៉ែន：

ប្រើ1ដង6000ខ្នាត, 1សប្ដាហ៍1ដង ចាក់តាមសរសៃវ៉ែនយឺតៗ។

ក្រោយពេលរោគសញ្ញាខ្វះឈាមធូរស្បើយហើយ(កំហាប់Hbប្រហែល10g/dLឬHematocrit 30%) អាចប្រើជាប្រចាំក្នុងកម្រិត1សប្ដាហ៍6000ខ្នាតចុះក្រោម។ គោលដៅនៃកំហាប់Hbគឺប្រហែល10g/dLឬHematocrit 30%។

-ករណីចាក់ក្រោមស្បែក：

+ មនុស្សពេញវ័យ：ប្រើ1ដង6000ខ្នាត, 1សប្ដាហ៍1ដង។

ក្រោយពេលរោគសញ្ញាខ្វះឈាមធូរស្បើយហើយ អាចប្រើជាប្រចាំក្នុងកម្រិត 1ដង6000～12000ខ្នាត 2សប្ដាហ៍1ដង។

+ កុមារ：ប្រើ1ដង50～100ខ្នាត/kg, 1សប្ដាហ៍1ដង។ ក្រោយពេលរោគសញ្ញាខ្វះឈាមធូរស្បើយហើយ អាចប្រើជាប្រចាំក្នុងកម្រិត 1ដង100～200ខ្នាត/kg 2សប្ដាហ៍1ដង។

អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា ដោយគោលដៅនៃកំហាប់Hbគឺប្រហែល10g/dLឬHematocrit 30%។

・ជំងឺខ្វះឈាមនៅក្នុងទារកកើតមិនគ្រប់ខែ：

ប្រើ1ដង200ខ្នាត/kg, 1សប្ដាហ៍2ដង ចាក់ក្រោមស្បែក។

ក្រោយពេលរោគសញ្ញាខ្វះឈាមធូរស្បើយហើយ(កំហាប់Hbប្រហែល10g/dLឬHematocrit 30%) ត្រូវបញ្ឈប់ការប្រើប្រាស់ឱសថនេះ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

・ករណីត្រូវការស្តុកឈាមអ្នកជំងឺសម្រាប់ការវះកាត់ បរិមាណចាប់ពី800mLឡើងទៅ រយៈពេលចាប់ពី1សប្ដាហ៍ឡើងទៅ：

-ករណីចាក់តាមសរសៃវ៉ែន：

ចំពោះអ្នកជំងឺដែលមានកំហាប់Hb 13～g/dL：ប្រើ1ដង 6000 ខ្នាត 1សប្ដាហ៍3ដងឆ្លាស់ថ្ងៃគ្នា ចាក់តាមសរសៃវែនយឺតៗតាមដែលអាចធ្វើទៅបាន ដោយចាប់ផ្ដើមប្រើឱសថនេះចាប់ពី2សប្ដាហ៍មុនពេលវះកាត់ករណីត្រូវស្តុកឈាមបរិមាណ800mL និង ចាប់ពី3សប្ដាហ៍មុនពេលវះកាត់ករណីត្រូវស្តុកឈាមបរិមាណ1200mL។ នៅថ្ងៃត្រូវបូមឈាមស្តុក ត្រូវប្រើឱសថនេះនៅក្រោយពេលបូមឈាមរួច។

អាចបង្កើនឬបន្ថយចំនួនដងនៃការប្រើប្រាស់និងរយៈពេលប្រើប្រាស់ទៅតាមកំហាប់Hbនិងបរិមាណឈាមស្តុករបស់អ្នកជំងឺ។

-ករណីចាក់ក្រោមស្បែក：

+ អ្នកជំងឺដែលមានកំហាប់Hbតិចជាង13g/dL：ចាប់ផ្ដើមប្រើឱសថនេះចាប់ពី1សប្ដាហ៍មុនពេលត្រូវបូមឈាម ដោយមនុស្សពេញវ័យ ប្រើក្នុងកម្រិត1សប្ដាហ៍1ដង24,000ខ្នាត ចាក់ក្រោមស្បែក រហូតដល់ការបូមឈាមលើកចុងក្រោយ។

+ អ្នកជំងឺដែលមានកំហាប់Hb 13～g/dL：ចាប់ផ្ដើមប្រើឱសថនេះចាប់ពីលើកទី1នៃការបូមឈាម ដោយមនុស្សពេញវ័យ ប្រើក្នុងកម្រិត1សប្ដាហ៍1ដង24,000ខ្នាត ចាក់ក្រោមស្បែក រហូតដល់ការបូមឈាមលើកចុងក្រោយ។

ការបូមឈាមលើកទី1 គួរធ្វើឡើងនៅ2សប្ដាហ៍មុនការវះកាត់សម្រាប់ការស្តុកឈាម800mL ឬ 3សប្ដាហ៍មុនការវះកាត់សម្រាប់ការស្តុកឈាម1200mL។

អាចបង្កើនឬបន្ថយចំនួនដងនៃការប្រើប្រាស់និងរយៈពេលប្រើប្រាស់ទៅតាមកំហាប់Hbនិងបរិមាណឈាមស្តុករបស់អ្នកជំងឺ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថErythropoietinផ្សេងទៀត ឬ ឱសថDarbepoetin alfa។

ផលរំខានរួមមាន សម្ពាធឈាមកើនឡើង ឈឺក្បាល ចង់ក្អួត រមាស់ស្បែក អស់កម្លាំង។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- រងាញាក់ បែកញើសទាំងត្រជាក់ ស្ពឹកដៃជើង ងងឹតមុខ ពិបាកដកដង្ហើម ពិបាកក្នុងទ្រូង ឡើងកន្ទួលក្រហម កន្ទាលត្រអាក រមាស់ ហើម សម្ពាធឈាមធ្លាក់ចុះ (រោគប្រតិកម្មធ្ងន់ធ្ងរ)

- ឈឺក្បាល សាច់ដុំកន្ត្រាក់ បាត់បង់ស្មារតី (បញ្ហាប៉ះពាល់ខួរក្បាលដោយសារសម្ពាធឈាមខ្ពស់)

- ឈឺក្បាល វិលមុខ ចង់ក្អួត (ហូរឈាមក្នុងខួរក្បាល)

- ស្ពឹកមួយចំហៀងខ្លួន រឹងអណ្តាត (ជំងឺស្ទះសរសៃឈាមក្នុងខួរក្បាល)

- ឈឺទ្រូង បែកញើសទាំងត្រជាក់ អារម្មណ៍ដូចត្រូវសង្កត់លើទ្រូងខ្លាំង (ជំងឺស្ទះសរសៃឈាមក្នុងបេះដូង)

- ឈឺទ្រូង ពិបាកដកដង្ហើម បាត់បង់ស្មារតី (ជំងឺស្ទះសរសៃឈាមក្នុងសួត)

- រួយខ្លួន បាត់បង់ចំណង់អាហារ ភ្នែកនិងស្បែកប្រែពណ៌លឿង (មុខងារថ្លើមចុះខ្សោយ ខាន់លឿង)

- ទឹកមុខស្លេកស្លាំង រួយខ្លួន ដង្ហក់នៅពេលឡើងជណ្ដើរឬទីទួល (ជំងឺPure red cell aplasia: PRCA)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ដើម្បីទទួលបានប្រសិទ្ធិភាពនៃឱសថនេះ ចាំបាច់ត្រូវការអោយមានកម្រិតជាតិដែកគ្រប់គ្រាន់ក្នុងរាងកាយ។ ដូច្នេះ ប្រសិនបើអ្នកជំងឺស្ថិតក្នុងស្ថានភាពខ្វះជាតិដែក អ្នកជំងឺត្រូវប្រើឱសថជាតិដែករួមជាមួយឱសថនេះ។

・ការប្រើឱសថនេះអាចធ្វើអោយកម្រិតប៉ូតាស្យូមក្នុងឈាមកើនឡើង ដូច្នេះ សូមប្រុងប្រយ័ត្នចំពោះការបរិភោគអាហារដែលមានជាតិប៉ូតាស្យូមខ្ពស់។

・នៅពេលប្រើចំពោះអ្នកជំងឺខ្សោយតម្រងនោម អាចធ្វើអោយសម្ពាធឈាមកើនឡើង។

・គេអាចប្រើឱសថនេះព្យាបាលរោគសញ្ញាខ្វះឈាមដែលកើតឡើងដោយសារការប្រើប្រាស់ឱសថព្យាបាលជំងឺអេដស៍(Azidothymidine, AZT)ផងដែរ។

ឱសថនេះមានរចនាសម្ព័ន្ធម៉ូលេគុលស្ទើរតែដូចគ្នាទាំងស្រុងទៅនឹងសារធាតុErythropoietinពីធម្មជាតិ ដោយមានប្រសិទ្ធិភាពជម្រុញការវិវត្តន៍នៃកោសិកាមុនគ្រាប់ឈាមក្រហម(CFU-E, BFU-E, CFU-Meg) ដើម្បីបន្តការបំលែងទៅជាគ្រាប់ឈាមក្រហមដែលមានមុខងារពេញលេញ។