Epoetin alfa

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺខ្វះឈាមដោយសារបញ្ហាតម្រងនោម

- ជំងឺខ្វះឈាមដោយសារបញ្ហាតម្រងនោមចំពោះអ្នកជំងឺលាងឈាម

- ជំងឺខ្វះឈាមនៅក្នុងទារកកើតមិនគ្រប់ខែ

- នៅពេលត្រូវការស្តុកឈាមអ្នកជំងឺសម្រាប់ការវះកាត់។

ថ្នាំចាក់：

・ជំងឺខ្វះឈាមដោយសារបញ្ហាតម្រងនោមចំពោះអ្នកជំងឺដែលកំពុងទទួលការលាងឈាម：：

មនុស្សពេញវ័យ：ប្រើ1ដង3000ខ្នាត, 1សប្ដាហ៍3ដង ចាក់តាមសរសៃវ៉ែនយឺតៗតាមដែលអាចធ្វើទៅបាន។ ក្រោយពេលរោគសញ្ញាខ្វះឈាមធូរស្បើយហើយ(កំហាប់Hbប្រហែល10g/dLឬHematocrit 30%) អាចប្រើជាប្រចាំក្នុងកម្រិត1ដង1500ខ្នាត, 1សប្ដាហ៍2～3ដង។ ឬ ក្នុងកម្រិត1ដង3000ខ្នាត, 1សប្ដាហ៍2ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតប្រើអតិបរមា គឺ 1ដង3000ខ្នាត, 1សប្ដាហ៍3ដង។

・ជំងឺខ្វះឈាមនៅក្នុងទារកកើតមិនគ្រប់ខែ：

ប្រើ1ដង200ខ្នាត/kg, 1សប្ដាហ៍2ដង ចាក់ក្រោមស្បែក។ ក្រោយពេលរោគសញ្ញាខ្វះឈាមធូរស្បើយហើយ(កំហាប់Hbប្រហែល10g/dLឬHematocrit 30%) ត្រូវបញ្ឈប់ការប្រើប្រាស់ឱសថនេះ។

・ជំងឺខ្វះឈាមដោយសារបញ្ហាតម្រងនោម：

- មនុស្សពេញវ័យ：ប្រើ1ដង6000ខ្នាត, 1សប្ដាហ៍1ដង ចាក់ក្រោមស្បែក។ ក្រោយពេលរោគសញ្ញាខ្វះឈាមធូរស្បើយហើយ អាចប្រើជាប្រចាំក្នុងកម្រិត1ដង6000～12000ខ្នាត, 2សប្ដាហ៍1ដង ចាក់ក្រោមស្បែក។

- កុមារ：ប្រើ1ដង100ខ្នាត/kg, 1សប្ដាហ៍1ដង ចាក់ក្រោមស្បែក រហូតដល់រោគសញ្ញាខ្វះឈាមបានធូរស្បើយ (កំហាប់Hbប្រហែល10g/dLឬHematocrit 30%)។

・ករណីត្រូវការស្តុកឈាមអ្នកជំងឺសម្រាប់ការវះកាត់：

- អ្នកជំងឺដែលមានកំហាប់Hbតិចជាង13g/dL：ចាប់ផ្ដើមប្រើឱសថនេះចាប់ពី1សប្ដាហ៍មុនពេលត្រូវបូមឈាម ដោយមនុស្សពេញវ័យ ប្រើក្នុងកម្រិត1សប្ដាហ៍1ដង24,000ខ្នាត ចាក់ក្រោមស្បែក រហូតដល់ការបូមឈាមលើកចុងក្រោយ។

- អ្នកជំងឺដែលមានកំហាប់Hb 13～14g/dL：ចាប់ផ្ដើមប្រើឱសថនេះចាប់ពីលើកទី1នៃការបូមឈាម ដោយមនុស្សពេញវ័យ ប្រើក្នុងកម្រិត1សប្ដាហ៍1ដង24,000ខ្នាត ចាក់ក្រោមស្បែក រហូតដល់ការបូមឈាមលើកចុងក្រោយ។

ការបូមឈាមលើកទី1 គួរធ្វើឡើងនៅ2សប្ដាហ៍មុនការវះកាត់សម្រាប់ការស្តុកឈាម800mL ឬ 3សប្ដាហ៍មុនការវះកាត់សម្រាប់ការស្តុកឈាម1200mL។

អាចបង្កើនឬបន្ថយចំនួនដងនៃការប្រើប្រាស់និងរយៈពេលប្រើប្រាស់ទៅតាមកំហាប់Hbនិងបរិមាណឈាមស្តុករបស់អ្នកជំងឺ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថErythropoietinផ្សេងទៀត ឬ ឱសថDarbepoetin alfa។

ផលរំខានរួមមាន សម្ពាធឈាមកើនឡើង ឈឺក្បាល។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ស្ពឹកមួយចំហៀងខ្លួន រឹងអណ្តាត (ជំងឺស្ទះសរសៃឈាមក្នុងខួរក្បាល)

- ឈឺក្បាល វិលមុខ ចង់ក្អួត (ហូរឈាមក្នុងខួរក្បាល)

- រួយខ្លួន បាត់បង់ចំណង់អាហារ ភ្នែកនិងស្បែកប្រែពណ៌លឿង (មុខងារថ្លើមចុះខ្សោយ ខាន់លឿង)

- ឈឺក្បាល សាច់ដុំកន្ត្រាក់ បាត់បង់ស្មារតី (បញ្ហាប៉ះពាល់ខួរក្បាលដោយសារសម្ពាធឈាមខ្ពស់)

- កន្ទាលត្រអាក ពិបាកដកដង្ហើម ហើមបបូរមាត់ ហើមបំពង់ក (រោគប្រតិកម្មធ្ងន់ធ្ងរ)

- ទឹកមុខស្លេកស្លាំង រួយខ្លួន ដង្ហក់នៅពេលឡើងជណ្ដើរឬទីទួល (ជំងឺPure red cell aplasia: PRCA)

- ឈឺទ្រូង បែកញើសទាំងត្រជាក់ អារម្មណ៍ដូចត្រូវសង្កត់លើទ្រូងខ្លាំង (ជំងឺស្ទះសរសៃឈាមក្នុងបេះដូង)

- ឈឺទ្រូង ពិបាកដកដង្ហើម បាត់បង់ស្មារតី (ជំងឺស្ទះសរសៃឈាមក្នុងសួត)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ដើម្បីទទួលបានប្រសិទ្ធិភាពនៃឱសថនេះ ចាំបាច់ត្រូវការអោយមានកម្រិតជាតិដែកគ្រប់គ្រាន់ក្នុងរាងកាយ។ ដូច្នេះ ប្រសិនបើអ្នកជំងឺស្ថិតក្នុងស្ថានភាពខ្វះជាតិដែក អ្នកជំងឺត្រូវប្រើឱសថជាតិដែករួមជាមួយឱសថនេះ។

・ការប្រើឱសថនេះអាចធ្វើអោយកម្រិតប៉ូតាស្យូមក្នុងឈាមកើនឡើង ដូច្នេះ សូមប្រុងប្រយ័ត្នចំពោះការបរិភោគអាហារដែលមានជាតិប៉ូតាស្យូមខ្ពស់។

・នៅពេលប្រើចំពោះអ្នកជំងឺខ្សោយតម្រងនោម អាចធ្វើអោយសម្ពាធឈាមកើនឡើង។

・គេអាចប្រើឱសថនេះព្យាបាលរោគសញ្ញាខ្វះឈាមដែលកើតឡើងដោយសារការប្រើប្រាស់ឱសថព្យាបាលជំងឺអេដស៍(Azidothymidine, AZT)ផងដែរ។

ឱសថនេះមានប្រសិទ្ធិភាពជម្រុញការវិវត្តន៍នៃកោសិកាមុនគ្រាប់ឈាមក្រហម ជាពិសេសកោសិកាCFU-E ដើម្បីបន្តការបំលែងទៅជាគ្រាប់ឈាមក្រហមដែលមានមុខងារពេញលេញ។