Enzalutamide

ជាទូទៅ ឱសថនេះប្រើនៅក្នុងការព្យាបាលជំងឺមហារីកក្រពេញប្រូស្តាតដែលមិនអាចព្យាបាលដោយឱសថប្រឆាំងអរម៉ូនបុរសបាន(Castration-resistant prostate cancer, CRPC)។

ថ្នាំលេប：

មនុស្សពេញវ័យ លេប1ថ្ងៃ1ដង 1ដង160mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន សម្ពាធឈាមកើនឡើង ទល់លាមក ហត់ មិនសូវឃ្លានអាហារ ស្រកទម្ងន់ ចង់ក្អួត ក្ដៅក្នុងខ្លួន គ្មានកម្លាំង។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- វិលមុខ ញ័រខ្លួន កន្ត្រាក់សាច់ដុំ (អាការៈប្រកាច់)

- ក្ដៅខ្លួន ក្អកស្ងួត ពិបាកដកដង្ហើម ដកដង្ហើមដង្ហក់ (ជំងឺរលាកសួតប្រភេទInterstitial pneumonia)

- ឈាមច្រមុះ ឈាមតាមអញ្ចាញធ្មេញ ឈាមក្រោមស្បែក (ចំនួនប្លាកែតថយចុះ)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលងាយធ្វើអោយកើតមានអាការៈកន្ត្រាក់សាច់ដុំ (ឱសថព្យាបាលជំងឺផ្លូវចិត្តប្រភេទPhenothiazine ឱសថព្យាបាលជំងឺបាក់ទឹកចិត្តប្រភេទTricyclicនិងប្រភេទTetracyclic ឱសថប្រឆាំងបាក់តេរីប្រភេទNew quinolone។ល។) - អាចធ្វើអោយកើតមានអាការៈកន្ត្រាក់សាច់ដុំឬប្រកាច់។

・ឱសថដែលទប់ស្កាត់អង់ស៊ីមCYP2C8 (ឱសថGemfibrozil។ល។) - អាចធ្វើអោយសកម្មភាពនៃឱសថEnzalutamideកើនឡើង។

・ឱសថដែលជម្រុញសកម្មភាពនៃអង់ស៊ីមCYP2C8 (ឱសថRifampicin។ល។) - អាចធ្វើអោយសកម្មភាពនៃឱសថEnzalutamideថយចុះ។

・ឱសថដែលទទួលប្រតិកម្មពីអង់ស៊ីមCYP3A4 (ឱសថMidazolam ។ល។) - អាចធ្វើអោយសកម្មភាពនៃឱសថទាំងនេះថយចុះ។

・ឱសថដែលទទួលប្រតិកម្មពីអង់ស៊ីមCYP2C9 (ឱសថWarfarin ។ល។) - អាចធ្វើអោយសកម្មភាពនៃឱសថទាំងនេះថយចុះ។

・ឱសថដែលទទួលប្រតិកម្មពីអង់ស៊ីមCYP2C19 (ឱសថOmeprazole ។ល។) - អាចធ្វើអោយសកម្មភាពនៃឱសថទាំងនេះថយចុះ។

ឱសថនេះមិនប្រើចំពោះស្ត្រីទេ។

ឱសថនេះនេះនឹងទៅរារាំងការភ្ជាប់នៃអរម៉ូនបុរសអង់ដ្រូជេន(Androgen)ទៅនឹងគ្រឿងទទួលអង់ដ្រូជេន(Androgen receptor)ដែលស្ថិតនៅលើជាលិកាមហារីកក្រពេញប្រូស្តាត។ ម្យ៉ាងទៀត ឱសថនេះក៏មានសកម្មភាពរារាំងការធ្វើដំណើរទៅក្នុងណ្វែយ៉ូរបស់អរម៉ូនបុរសអង់ដ្រូជេន និង សកម្មភាពរារាំងការភ្ជាប់នៃកត្តារជម្រុញដំណើរការថតចម្លង(Transcription factors)ទៅនឹងគ្រឿងទទួលអង់ដ្រូជេន(Androgen receptor)និងDNA។