Entecavir hydrate

ជាទូទៅ ឱសថនេះប្រើនៅក្នុងការព្យាបាលជំងឺរលាកថ្លើមរ៉ាំរ៉ៃប្រភេទB ដែលពិនិត្យឃើញភាពខុសប្រក្រតីនៃមុខងារថ្លើមដោយសារការកើនឡើងនៃវីរុសរលាកថ្លើមB។

ថ្នាំលេប：

មនុស្សពេញវ័យ：លេប1ថ្ងៃ1ដង 0.5mg នៅពេលពោះទទេ (យ៉ាងហោចណាស់2ម៉ោងមុនឬក្រោយបរិភោគអាហារ)។ ចំពោះអ្នកជំងឺដែលមិនអាចប្រើឱសថ Lamivudineបាន (ដោយសារពិនិត្យឃើញវីរុសរលាកថ្លើមBក្នុងអំឡុងពេលប្រើឱសថLamivudineឬកើតមានវីរុសដែលស៊ាំនឹងLamivudine) គួរប្រើឱសថនេះក្នុងកម្រិត1ថ្ងៃ1ដង 1mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន ឈឺក្បាល រាករូស រលាកច្រមុះឬបំបង់ក ឈឺខ្នង គេងមិនលក់ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- រួយខ្លួន ចង់ក្អួត ក្អួត រមាស់ស្បែក ភ្នែកស្បែកនិងទឹកនោមប្រែពណ៌លឿង (មុខងារថ្លើមមានបញ្ហា រលាកថ្លើមកាន់តែធ្ងន់ធ្ងរបន្ទាប់ពីបញ្ឈប់ការប្រើប្រាស់ឱសថនេះ)

- រួយខ្លួន ឡើងកន្ទួលក្រហម រមាស់ស្បែក ដង្ហក់ ពិបាកដកដង្ហើម (រោគសញ្ញាស្រដៀងរោគប្រតិកម្មធ្ងន់ធ្ងរ)

- រួយខ្លួន ចង់ក្អួត ក្អួត ឈឺពោះ ពិបាកដកដង្ហើម (រោគសញ្ញាអាស៊ីតឡាក់តិចក្នុងឈាមកើនឡើង(Lactic acidosis))។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។ ម្យ៉ាងទៀត ស្ត្រីដែលអាចមានផ្ទៃពោះគួរប្រើប្រាស់វិធីពន្យារកំណើត ក្នុងអំឡុងពេលប្រើប្រាស់ឱសថនេះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ក្រោយបញ្ឈប់ការប្រើប្រាស់ឱសថនេះ អ្នកជំងឺអាចនឹងកើតមានការកើនឡើងនៃវីរុសសារជាថ្មី ហើយមុខងារថ្លើមឬអាការៈរលាកថ្លើមមានសភាពកាន់តែមិនល្អ។ ដូច្នេះ ក្រោយបញ្ឈប់ការប្រើប្រាស់ឱសថនេះ ត្រូវតាមដានស្ថានភាពរបស់អ្នកជំងឺរៀងរាល់2សប្ដាហ៍ម្ដងយ៉ាងហោចណាស់រយៈពេល4ខែ ដោយពិនិត្យតាមដានHBV-DNA, ALT(GPT) (និងTotal bilirubin ប្រសិនបើចាំបាច់) ជាពិសេស អ្នកជំងឺដែលមានប្រតិកម្មនៃប្រព័ន្ធភាពស៊ាំខ្លាំង(អ្នកដែលធ្លាប់មានរោគសញ្ញាខាន់លឿង ឬ អ្នកដែលធ្លាប់កើតមានអាការៈស្រួចស្រាវធ្ងន់ធ្ងរ ជាដើម) ឬ អ្នកជំងឺថ្លើមដំណាក់កាលមិនអាចដំណើរការមុខងារថ្លើមបាន(Decompensated liver cirrhosis)។ អ្នកជំងឺទាំងនេះអាចនឹងត្រូវបន្តប្រើប្រាស់ឱសថនេះក្នុងរយៈពេលវែង។

・ការស្រូបសារធាតុឱសថអាចថយចុះដោយសារអាហារដែលបរិភោគ ដូច្នេះ ត្រូវប្រើឱសថនេះនៅពេលពោះទទេ។ ក្រោយបញ្ចប់ការប្រើប្រាស់ឱសថនេះ គួរបន្តតាមដានស្ថានភាពជំងឺរយៈពេលកន្លះឆ្នាំទៀត។ Lamivudineត្រូវបានគេដឹងថាអាចមានប្រសិទ្ធិភាពចំពោះវីរុសរលាកថ្លើមBដែលមានលក្ខណៈស៊ាំ។

ពេលចូលដល់ក្នុងកោសិកា ឱសថនេះនឹងបំលែងទៅជាសារធាតុសកម្មEntecavir triphosphate ហើយនឹងបង្អាក់សកម្មភាពនៃអង់ស៊ីមDNA polymerase ដោយប្រជែងជាមួយDeoxyguanosine triphosphate ក្នុងការភ្ជាប់ទៅនឹងខ្សែDNAដើម្បីផលិតDNAថ្មីៗរបស់វីរុស។