Emtricitabine + Tenofovir alafenamide fumarate

ជាទូទៅ ឱសថនេះប្រើនៅក្នុងការព្យាបាលជំងឺឆ្លងវីរុសហ៊ីវប្រភេទទី1 (HIV-1) ដោយប្រើរួមជាមួយឱសថប្រឆាំងវីរុសហ៊ីវផ្សេងទៀត។

ថ្នាំលេប：

មនុស្សពេញវ័យ និង កុមារដែលមានអាយុ12ឆ្នាំឡើងនិងទម្ងន់35kgឡើង：លេប1ថ្ងៃ1ដង 200mg។ ត្រូវប្រើរួមជាមួយឱសថប្រឆាំងHIVផ្សេងទៀត។

・ករណីប្រើរួមជាមួយឱសថRitonavirឬឱសថCobicistat：លេប1ថ្ងៃ1ដងក្នុងបរិមាណEmtricitabine 200mg និង Tenofovir alafenamide fumarate 10mg។

・ករណីមិនប្រើរួមជាមួយឱសថRitonavirឬឱសថCobicistat：លេប1ថ្ងៃ1ដងក្នុងបរិមាណEmtricitabine 200mg និង Tenofovir alafenamide fumarate 25mg។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថTelaprevir។

ផលរំខានរួមមាន រាករូស ចង់ក្អួត ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ហើម បរិមាណទឹកនោមថយចុះ ស្ងួតក (មុខងារតម្រងនោមចុះ)

- អស់កម្លាំង ឈឺសាច់ដុំ ពិបាកដកដង្ហើម (Lactic acidosis)។

・ឱសថTelaprevir - អាចធ្វើអោយសកម្មភាពនៃTenofovir alafenamide fumarateថយចុះ។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថCarbamazepine, Phenobarbital, Phenytoin, Fosphenytoin, Rifabutin, Rifampicin, អាហារដែលផ្ទុកSt. Johnʼs Wort) - អាចធ្វើអោយកំហាប់ក្នុងឈាមនៃTenofovir alafenamide fumarateថយចុះ។

・ឱសថAciclovir, Valaciclovir, Ganciclovir, Valganciclovir hydrochloride - អាចធ្វើអោយកំហាប់ក្នុងឈាមនៃឱសថទាំងនេះ និង ឱសថEmtricitabineឬឱសថTenofovir alafenamide fumarate កើនឡើង ដែលអាចនាំអោយកើតមានផលរំខាននៃឱសថទាំងអស់នេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។ ម្យ៉ាងទៀត វីរុសហ៊ីវអាចឆ្លងទៅទារកតាមទឹកដោះម្ដាយ ដូច្នេះ ស្ត្រីដែលមានផ្ទុកវីរុសហ៊ីវមិនគួរបំបៅទឹកដោះដល់ទារកនោះទេ។

・សម្រាប់អ្នកដែលមានជំងឺរលាកថ្លើមBរ៉ាំរ៉ៃ នៅក្រោយពេលបញ្ឈប់ការប្រើឱសថនេះ អ្នកជំងឺអាចកើតមានអាការៈរលាកថ្លើមរើឡើងវិញ ដូច្នេះត្រូវតាមដានស្ថានភាពជំងឺអោយបានដិតដល់។

・ឱសថនេះមានប្រសិទ្ធិភាពត្រឹមទប់ទល់នឹងការកើនឡើងនៃវីរុសហ៊ីវក្នុងរាងកាយ ប៉ុន្តែមិនអាចកម្ចាត់វីរុសហ៊ីវអស់ទាំងស្រុងនោះទេ។

ជាឱសថមានសារធាតុផ្សំ2ប្រភេទ ដែលសុទ្ធសឹងជាសារធាតុប្រឆាំងវីរុសហ៊ីវ(HIV)ប្រភេទNRTI ដោយមានប្រសិទ្ធិភាពបង្អាក់សកម្មភាពរបស់អង់ស៊ីម HIV-1 Reverse transcriptaseនិងសកម្មភាពផលិតDNAរបស់វីរុស ធ្វើអោយវីរុសមិនអាចកើនចំនួនបាន។