Edaravone

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- កាត់បន្ថយរោគសញ្ញាទាក់ទងនឹងសរសៃប្រសាទ បញ្ហាទាក់ទងនឹងចលនានិងមុខងាររាងកាយផ្សេងៗសម្រាប់សកម្មភាពរស់នៅប្រចាំថ្ងៃ ដែលកើតមាននៅដំណាក់កាលស្រួចស្រាវនៃជំងឺស្ទះសរសៃឈាមក្នុងខួរក្បាល (Cerebral infarction)

- ទប់ស្កាត់ការវិវត្តនៃបញ្ហាមុខងាររាងកាយផ្សេងៗដែលកើតមាននៅក្នុងជំងឺ Amyotrophic lateral sclerosis (ALS)។

ថ្នាំចាក់：

・ករណីប្រើនៅក្នុងការកាត់បន្ថយរោគសញ្ញាទាក់ទងនឹងសរសៃប្រសាទ បញ្ហាទាក់ទងនឹងចលនានិងមុខងាររាងកាយផ្សេងៗសម្រាប់សកម្មភាពរស់នៅប្រចាំថ្ងៃ ដែលកើតមាននៅដំណាក់កាលស្រួចស្រាវនៃជំងឺស្ទះសរសៃឈាមក្នុងខួរក្បាល (Cerebral infarction):

មនុស្សពេញវ័យ ប្រើក្នុងកម្រិត 1ដង30mg ដោយពង្រាវនៅក្នុងសេរ៉ូមប្រៃ(Saline)ជាដើមក្នុងបរិមាណសមស្រប រួចព្យួរសេរ៉ូមតាមសរសៃវ៉ែនរយៈពេល30នាទី 1ថ្ងៃ2ដង ពេលព្រឹកនិងពេលល្ងាច។ ចាប់ផ្ដើមបញ្ចូលឱសថនេះក្នុងអំឡុងពេល24ម៉ោងបន្ទាប់ពីកើតមានអាការៈ ហើយរយៈពេលនៃការប្រើឱសថនេះគឺ14ថ្ងៃចុះ។

・ករណីប្រើនៅក្នុងការទប់ស្កាត់ការវិវត្តនៃបញ្ហាមុខងាររាងកាយផ្សេងៗដែលកើតមាននៅក្នុងជំងឺ Amyotrophic lateral sclerosis (ALS):

មនុស្សពេញវ័យ ប្រើក្នុងកម្រិត 1ដង60mg ដោយពង្រាវនៅក្នុងសេរ៉ូមប្រៃ(Saline)ជាដើមក្នុងបរិមាណសមស្រប រួចព្យួរសេរ៉ូមតាមសរសៃវ៉ែនរយៈពេល60នាទី 1ថ្ងៃ1ដង។ ជាទូទៅ គេប្រើឱសថនេះជាលក្ខណៈវដ្ដ ដោយរួមមានរយៈពេលប្រើឱសថនិងរយៈពេលផ្អាកការប្រើឱសថ សរុប28ថ្ងៃក្នុង1វដ្ដ។ នៅវដ្ដទី1 កំណត់រយៈពេលប្រើឱសថចំនួន14ថ្ងៃជាប់ៗគ្នានិងរយៈពេលផ្អាកការប្រើឱសថចំនួន14ថ្ងៃ។ ចាប់ពីវដ្ដទី2ទៅ កំណត់រយៈពេលប្រើឱសថចំនួន10ថ្ងៃក្នុងអំឡុងពេល14ថ្ងៃដំបូង បន្ទាប់ពីនោះផ្អាកការប្រើឱសថចំនួន14ថ្ងៃ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានបញ្ហាតម្រងនោមធ្ងន់ធ្ងរ។