Dutasteride

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - ជំងឺក្រពេញប្រូស្តាតរីកធំ(Prostatomegaly)។

      - ជំងឺជ្រុះសក់របស់បុរស។

    • កម្រិតប្រើប្រាស់

      ថ្នាំលេប：

      ・ករណីជំងឺក្រពេញប្រូស្តាតរីកធំ(Prostatomegaly)：

      មនុស្សពេញវ័យ：លេប1ថ្ងៃ1ដង 0.5mg។ ត្រូវការរយៈពេល6ខែដើម្បីវាយតម្លៃលើប្រសិទ្ធិភាពនៃឱសថនេះ។

      ・ករណីជំងឺជ្រុះសក់របស់បុរស：

      បុរសពេញវ័យ：លេប1ថ្ងៃ1ដង0.1mg។ អាចបង្កើនកម្រិតប្រើប្រាស់ដល់1ថ្ងៃ1ដង0.5mg ទៅតាមការចាំបាច់។ ត្រូវការរយៈពេល6ខែដើម្បីវាយតម្លៃលើប្រសិទ្ធិភាពនៃឱសថនេះ។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ ឬ ឱសថប្រភេទទប់ស្កាត់អង់ស៊ីម5α-Reductase (5α-Reductase inhibitors)។

      ・ស្ត្រី។

      ・កុមារ។

      ・អ្នកដែលមានបញ្ហាថ្លើមធ្ងន់ធ្ងរ។

    • ផលរំខាន

      ផលរំខានរួមមាន អសមត្ថភាពផ្លូវភេទ ចំណង់ផ្លូវភេទធ្លាក់ចុះ ឡើងដោះឬឈឺដោះ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - រួយខ្លួន បាត់បង់ចំណង់អាហារ ស្បែកនិងភ្នែកប្រែពណ៌លឿង (មុខងារថ្លើមមានបញ្ហា ខាន់លឿង)។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថដែលមានសកម្មភាពទប់ស្កាត់អង់ស៊ីមCYP3A4 (Ritonavir ជាដើម) - អាចធ្វើអោយកំហាប់ក្នុងឈាមនៃDutasterideកើនឡើង។

    • ស្ត្រីមានផ្ទៃពោះ និង ស្ត្រីបំបៅដោះកូន

      មិនត្រូវប្រើឱសថនេះចំពោះស្ត្រីនោះទេ។ ជាពិសេស ស្ត្រីឬកុមារមិនត្រូវប៉ះពាល់សារធាតុថ្នាំដែលជ្រាបចេញពីសម្បកកាប់ស៊ុលនោះទេ ដោយសារសារធាតុឱសថនេះអាចជ្រាបចូលក្នុងរាងកាយតាមរយៈស្បែកបាន។

    • ការប្រុងប្រយ័ត្នជាពិសេស

      ・ស្ត្រីឬកុមារមិនត្រូវប៉ះពាល់សារធាតុថ្នាំដែលជ្រាបចេញពីសម្បកកាប់ស៊ុលនោះទេ ដោយសារសារធាតុឱសថនេះអាចជ្រាបចូលក្នុងរាងកាយតាមរយៈស្បែកបាន។

      ・ត្រូវពន្យល់ប្រាប់អ្នកជំងឺអំពីហានិភ័យនៃការរីកក្រពេញប្រូស្តាតឡើងវិញ ប្រសិនបើបញ្ឈប់ការប្រើប្រាស់ឱសថនេះ ដូច្នេះ គួរប្រើប្រាស់ឱសថនេះរយៈពេលវែង ឬ ចាប់ផ្ដើមប្រើឱសថសាជាថ្មីនៅពេលក្រពេញប្រូស្តាតរីកធំឡើងវិញ។

    • សកម្មភាពឱសថ

      ឱសថនេះមានប្រសិទ្ធិភាពទប់ស្កាត់សកម្មភាពរបស់អង់ស៊ីម5α-Reductaseប្រភេទI និង ប្រភេទII ដើម្បីទប់ស្កាត់ការបំលែងពីអរម៉ូនបុរសតេស្តូស្តេរ៉ូន(Testosterone)ទៅជាឌីហ៊ីដ្រូតេស្តូស្តេរ៉ូន(Dihydrotestosterone) ដែលអាចមានប្រសិទ្ធិភាពបង្រួមទំហំនៃក្រពេញប្រូស្តាតដែលរីកធំបាន។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល