Droxidopa

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- អាការៈពិបាកបោះជំហានដើរ(Frozen gait) និង អាការៈងងឹតមុខពេលក្រោកឈរ ដែលកើតមាននៅក្នុងជំងឺប៉ាឃីនសុន(Parkinso's disease) (ដែលស្ថិតក្នុង Stage III នៃការបែងចែកកម្រិតរោគសញ្ញាតាមវិធីYahr)

- អាការៈសម្ពាធឈាមចុះទាបនៅពេលក្រោកឈរ អាការៈភ្លេចស្មារតី និង អាការៈងងឹតមុខពេលក្រោកឈរ ដែលកើតមាននៅក្នុងជំងឺដូចជា：ជំងឺShy-Drager syndrome ជំងឺFamilial amyloid polyneuropathy។

- អាការៈវិលមុខ ងងឹតមុខ អស់កម្លាំង ល្ហិតល្ហៃ ដែលជារោគសញ្ញានៃសម្ពាធឈាមចុះទាបពេលក្រោកឈរ ដែលកើតមានចំពោះអ្នកជំងឺលាងឈាម។

ថ្នាំលេប：

・ករណីអាការៈពិបាកបោះជំហានដើរ(Frozen gait) និង អាការៈងងឹតមុខពេលក្រោកឈរ ដែលកើតមាននៅក្នុងជំងឺប៉ាឃីនសុន(Parkinso's disease) (ដែលស្ថិតក្នុង Stage III នៃការបែងចែកកម្រិតរោគសញ្ញាតាមវិធីYahr)：

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ1ដង100mg និង បង្កើនកម្រិតម្ដង100mg/ថ្ងៃ រៀងរាល់2ថ្ងៃម្ដង រហូតដល់កម្រិតប្រើជាប្រចាំដែលជាទូទៅគឺ 1ថ្ងៃ600mg បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ 900mg។

・ករណីអាការៈសម្ពាធឈាមចុះទាបនៅពេលក្រោកឈរ អាការៈភ្លេចស្មារតី និង អាការៈងងឹតមុខពេលក្រោកឈរ ដែលកើតមាននៅក្នុងជំងឺShy-Drager syndrome និង ជំងឺFamilial amyloid polyneuropathy：

មនុស្សពេញវ័យ：ចាប់ផ្ដើមលេបពីកម្រិត1ថ្ងៃ200～300mg បែងចែកជា2～3ដងក្នុង1ថ្ងៃ រួចបង្កើនកម្រិតម្ដង100mg/ថ្ងៃ រៀងរាល់ប៉ុន្មានថ្ងៃទៅ1សប្ដាហ៍ រហូតដល់កម្រិតប្រើជាប្រចាំដែលជាទូទៅគឺ 1ថ្ងៃ300～600mg បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ 900mg។

・ករណីអាការៈវិលមុខ ងងឹតមុខ អស់កម្លាំង ល្ហិតល្ហៃ ដែលជារោគសញ្ញានៃសម្ពាធឈាមចុះទាបពេលក្រោកឈរ ដែលកើតមានចំពោះអ្នកជំងឺលាងឈាម：

មនុស្សពេញវ័យ：លេប1ដង200～400mg ប្រើនៅ30នាទី～1ម៉ោងមុនពេលចាប់ផ្ដើមលាងឈាម។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ដងគឺ400mg។

・អ្នកដែលមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺក្លូកូមប្រភេទបិទជិទ(Angle-closure glaucoma)។

・ហាមប្រើឱសថសណ្ដំដែលមានផ្ទុកសារធាតុHalogen(ឱសថHalothaneជាដើម) ចំពោះអ្នកជំងឺដែលកំពុងប្រើប្រាស់ឱសថនេះ។

・អ្នកដែលកំពុងប្រើប្រាស់ឱសថប្រភេទកាតេកូឡាមីន(ឱសថIsoprenalineជាដើម)។

・ស្ត្រីមានផ្ទៃពោះ ឬ ស្ត្រីដែលអាចនឹងកំពុងមានផ្ទៃពោះ។

・អ្នកជំងឺលាងឈាមដែលមានរោគសញ្ញានៃផលប៉ះពាល់សរសៃឈាមតាមអវៈយវៈកម្រិតធ្ងន់ធ្ងរ (រោគសញ្ញាស្លាប់ជាលិកាដោយសារជំងឺទឹកនោមផ្អែម(Diabetic gangrene) ជាដើម)។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・អ្នកដែលកំពុងមានអាការៈពុលសារធាតុកូកាអ៊ីន(Cocaine)។

・អ្នកដែលមានចង្វាក់បេះដូងលោតញាប់ដោយសារបញ្ហាថតក្រោមនៃបេះដូង(Ventricular tachycardia)។

ឈឺក្បាល ធ្ងន់ក្បាល ចង់ក្អួត រវើរវាយ បាត់បង់ចំណង់អាហារ បេះដូងលោតញាប់ ។ល។

・ឱសថនេះមិនមានប្រសិទ្ធិភាពចំពោះអ្នកជំងឺដែលស្ថិតក្នុងស្ថានភាពដែលខ្វះសារធាតុន័រអាដ្រេណាលីននៅក្នុងរាងកាយនោះទេ។

・ចំពោះជំងឺប៉ាឃីនសុនចាប់ពីកម្រិតមធ្យមទៅកម្រិតធ្ងន់ ឱសថនេះមានប្រសិទ្ធិភាពចំពោះអ្នកជំងឺដែលមិនធូរស្បើយទាក់ទងនឹងរោគសញ្ញាពិបាកបោះជំហានដើរ(Frozen gait)។

・ឱសថនេះអាចធ្វើអោយសម្ពាធឈាមកើនឡើង ដូច្នេះ ត្រូវចាប់ផ្ដើមប្រើពីកម្រិតទាបទៅ។ ប្រសិនបើមិនឃើញមានប្រសិទ្ធិភាពព្យាបាលទេ មិនគួរប្រើឱសថនេះលក្ខណៈរ៉ាំរ៉ៃនោះទេ។

ពេលចូលក្នុងរាងកាយ ឱសថនេះនឹងបំលែងទៅសារធាតុន័រអាដ្រេណាលីន(Noradrenaline) ដើម្បីធ្វើអោយការបញ្ជូនសញ្ញារវាងសរសៃប្រសាទអាចប្រព្រឹត្តទៅបានរលូន និង មានសកម្មភាពទៅលើប្រព័ន្ធសរសៃឈាមនិងបេះដូង ដើម្បីបង្កើនសម្ពាធឈាមនៅក្នុងរាងកាយ។