Doxifluridine

ជាទូទៅ ឱសថនេះប្រើនៅក្នុងការព្យាបាល ជំងឺមហារីកក្រពះ ជំងឺមហារីកផ្នែកColonឬផ្នែកRectumនៃពោះវៀនធំ ជំងឺមហារីកសុដន់ ជំងឺមហារីកកស្បូន ជំងឺមហារីកប្លោកនោម។

ថ្នាំលេប：

ជាទូទៅ លេប1ថ្ងៃ800～1200mg ដោយបែងចែកជា3～4ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថTegafur/Gimeracil/Oteracil potassium ឬ ស្ថិតក្នុងអំឡុងពេល7ថ្ងៃបន្ទាប់ពីឈប់ប្រើឱសថTegafur/Gimeracil/Oteracil potassium។

ផលរំខានរួមមាន មិនឃ្លានអាហារ រាករូស កន្ទួលក្រហមលើស្បែក កន្ទាលត្រអាក។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ស្ងួតក បរិមាណទឹកនោមថយចុះ ហើមខ្លួននិងជើង ហើមភ្នែក រួយខ្លួន ឆាប់ហត់ (រោគសញ្ញាខ្វះជាតិទឹក មុខងារតម្រងនោមចុះខ្សោយស្រួចស្រាវ)

- រោគសញ្ញាដូចផ្ដាសាយ ឈាមច្រមុះមិនងាយឈប់ហូរ ស្នាមជាំមិនរលាយបាត់ ឆាប់ហត់ (ប៉ះពាល់មុខងារផលិតគ្រាប់ឈាមរបស់ខួរឆ្អឹង ជំងឺស្លេកស្លាំងប្រភេទបែកគ្រាប់ឈាម (Hemolytic anemia))

- ឈឺពោះខ្លាំង ឈាមក្នុងលាមក ក្អួតចង្អោរ ហើមពោះ (រលាកពោះវៀនធ្ងន់ធ្ងរ)

- ងងឹតមុខពេលដើរ ស្មារតីដឹងខ្លួនធ្លាក់ចុះ ពិបាកគ្រប់គ្រងចលនាមាត់ កាយវិការយឺត (ប៉ះពាល់សរសៃប្រសាទស្មារតីធ្ងន់ធ្ងរ)

- ក្ដៅខ្លួន ក្អកស្ងួត ពិបាកដកដង្ហើម (ជំងឺរលាកសួតប្រភេទInterstitial pneumonia)

- អស់កម្លាំង បាត់បង់ចំណីអាហារ ភ្នែកនិងស្បែកឡើងពណ៌លឿង (ប៉ះពាល់មុខងារថ្លើម ខាន់លឿង)

- ឈឺខ្លាំងនៅចង្កេះនិងខ្នង ក្ដៅខ្លួន ក្អួតចង្អោរ មិនឃ្លានអាហារ (រលាកលំពែងស្រួចស្រាវ)

- ច្រមុះហិតមិនដឹងក្លិន (ប៉ះពាល់ឃានវិញាណ)។

・ឱសថTegafur/Gimeracil/Oteracil potassium (TS-1) - អាចបង្កជាផលរំខានធ្ងន់ធ្ងរទាក់ទងនឹងប្រព័ន្ធឈាមនិងប្រព័ន្ធរំលាយអាហារ ដូច្នេះ ហាមប្រើរួមគ្នា។ ម្យ៉ាងទៀត ក្នុងអំឡុងពេល7ថ្ងៃបន្ទាប់ពីឈប់ប្រើឱសថTegafur/Gimeracil/Oteracil potassium ក៏មិនត្រូវប្រើឱសថFluorouracilនេះដែរ។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថPhenytoin, Warfarin, Trifluridine/Tipiracil hydrochloride - អាចធ្វើអោយសកម្មភាពឱសថទាំងនេះកើនឡើង បង្កជាផលរំខានផ្សេងៗ។

・ឱសថប្រឆាំងមហារីកផ្សេងទៀតឬការព្យាបាលដោយវិទ្យុសកម្ម - អាចធ្វើអោយផលរំខានទាក់ទងនឹងខួរឆ្អឹងនិងប្រព័ន្ធរំលាយអាហារកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・មិនត្រូវប្រើឱសថនេះ រួមជាមួយឱសថTegafur/Gimeracil/Oteracil potassium (TS-1)នោះទេ ព្រោះអាចបង្កជាផលប៉ះពាល់ធ្ងន់ធ្ងរទៅលើប្រព័ន្ធឈាមនៃរាងកាយ។

ឱសថនេះនឹងបំលែងទៅជា5-FUពេលចូលដល់ក្នុងរាងកាយដោយសារប្រតិកម្មពីអង់ស៊ីមPyNPase។ 5-FU នឹងបំលែងបន្តទៅជាFdUMP ដែលមានសកម្មភាពបង្អាក់ដំណើរការសំយោគDNAរបស់កោសិកាមហារីក។ ម្យ៉ាងទៀត 5-FU ក៏នឹងបំលែងទៅជាFUTP ដែលមានសកម្មភាពរំខានដល់មុខងាររបស់RNAនៅក្នុងកោសិកាមហារីក។