Dolutegravir sodium + Abacavir sulfate + Lamivudine

ជាទូទៅ ឱសថនេះប្រើនៅក្នុងការព្យាបាលជំងឺឆ្លងវីរុសហ៊ីវ (HIV) ។

ថ្នាំលេប：

ក្នុងឱសថនេះ1គ្រាប់ រួមមាន：(1)Dolutegravir 50mg (2)Abacavir 600mg (3)Lamivudine 300mg។

មនុស្សពេញវ័យ：លេប1ថ្ងៃ1ដង1គ្រាប់ ដោយមិនចាំបាច់ត្រូវបរិភោគអាហារជាមុននោះទេ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានជំងឺថ្លើមធ្ងន់ធ្ងរ។

ផលរំខានរួមមាន ចង់ក្អួត គេងមិនលក់ ឈឺក្បាល វិលមុខ នឿយហត់ រាករូស។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្ដៅខ្លួន រាករូស កន្ទួលក្រហមលើស្បែក (រោគប្រតិកម្ម)

- កន្ទួលក្រហម ក្ដៅខ្លួន ហើមកូនកណ្ដុរ (បណ្ដុំរោគសញ្ញានៃរោគប្រតិកម្មទៅនឹងឱសថ)

- ក្ដៅខ្លួនខ្លាំងចាប់ពី38អង្សាឡើងទៅ ភ្នែកក្រហម ដាច់រលាត់នៅក្នុងមាត់ឬបបូរមាត់ កន្ទួលក្រហម (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN)ជាដើម)

- ក្ដៅខ្លួនជាបន្តបន្ទាប់ ងាយហូរឈាម ឈាមក្រកក (ប៉ះពាល់មុខងារនៃប្រព័ន្ធឈាមធ្ងន់ធ្ងរ)

- ឈឺផ្នែកខាងលើនៃពោះខ្លាំង ឈឺផ្នែកចង្អេះនិងខ្នង ចង់ក្អួត (រលាកលំពែងស្រួចស្រាវ)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថPilsicainide - អាចធ្វើអោយកំហាប់ក្នុងឈាមនៃឱសថPilsicainideកើនឡើង បង្កជាផលរំខានប៉ះពាល់ដល់មុខងារបេះដូង។

・ឱសថEtravirine, ឱសថEfavirenz, ឱសថNevirapine, ឱសថFosamprenavir/Ritonavir, ឱសថCarbamazepine, ឱសថPhenytoin, ឱសថPhenobarbital, ឱសថRifampicin, ឱសថដែលមានផ្ទុកអ៊ីយ៉ុងវិជ្ជមាន(Mg, Alជាដើម), ឱសថដែលមានផ្ទុកជាតិដែកឬកាល់ស្យូម, អាហារបំប៉នដែលមានសារធាតុSt.John’s Wort - អាចធ្វើអោយកំហាប់ក្នុងឈាមនៃឱសថDolutegravir sodiumថយចុះ។

・ឱសថMetformin - អាចធ្វើអោយកំហាប់ក្នុងឈាមនៃឱសថMetforminកើនឡើង។

・ឱសថMethadone - អាចធ្វើអោយការបញ្ចេញចោលនៃឱសថMethadoneកើនឡើង។

・ឱសថSulfamethoxazole/Trimethoprim - អាចធ្វើអោយការបញ្ចេញចោលនៃឱសថLamivudineថយចុះ។

・ឱសថSorbitol - អាចធ្វើអោយAUCនៃឱសថLamivudineថយចុះ។

・ឱសថEmtricitabine - អាចធ្វើអោយប្រសិទ្ធិភាពនៃឱសថទាំងពីរថយចុះ។

・គ្រឿងស្រវឹង - អាចធ្វើអោយAUCនៃឱសថAbacavirកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។ ម្យ៉ាងទៀត វីរុសហ៊ីវអាចឆ្លងទៅទារកតាមទឹកដោះម្ដាយ ដូច្នេះ ស្ត្រីដែលមានផ្ទុកវីរុសហ៊ីវមិនគួរបំបៅទឹកដោះដល់ទារកនោះទេ។

・ឱសថនេះងាយនឹងបង្ករោគប្រតិកម្មធ្ងន់ធ្ងរ ដែលរួមមានរោគសញ្ញាដំបូង គឺ កន្ទួលក្រហមលើស្បែក ក្ដៅខ្លួន ក្អួតចង្អោរ រាករូស ឈឺពោះ អស់កម្លាំង ពិបាកដកដង្ហើម ឈឺបំពង់ក ក្អក ជាដើម។ រោគប្រតិកម្មដោយសារឱសថនេះអាចធ្ងន់ធ្ងរដល់ប៉ះពាល់ជីវិត ដូច្នេះ ត្រូវប្រុងប្រយ័ត្នជានិច្ច។

・សម្រាប់អ្នកដែលមានជំងឺរលាកថ្លើមBរ៉ាំរ៉ៃ នៅក្រោយពេលបញ្ឈប់ការប្រើឱសថLamivudine អ្នកជំងឺអាចកើតមានអាការៈរលាកថ្លើមរើឡើងវិញ ដូច្នេះត្រូវតាមដានស្ថានភាពជំងឺអោយបានដិតដល់។

ជាឱសថដែលមានសារធាតុប្រឆាំងវីរុសហ៊ីវ(HIV)ចំនួន3ប្រភេទ។

- Dolutegravir sodium មានប្រសិទ្ធិភាពបង្អាក់សកម្មភាពរបស់អង់ស៊ីមHIV-1 integraseរបស់វីរុសហ៊ីវ ធ្វើអោយDNAរបស់វីរុសមិនអាចចូលទៅភ្ជាប់ជាមួយDNAរបស់កោសិកាមនុស្សបាន ដែលនេះធ្វើអោយវីរុសមិនអាចបង្កើតវីរុសថ្មីៗទៀតបាន។

- Abacavir sulfate ជាឱសថប្រឆាំងវីរុសហ៊ីវ(HIV)ប្រភេទNRTI ដោយមានប្រសិទ្ធិភាពបង្អាក់សកម្មភាពរបស់អង់ស៊ីម HIV-1 Reverse transcriptaseនិងសកម្មភាពផលិតDNAរបស់វីរុស ធ្វើអោយវីរុសមិនអាចកើនចំនួនបាន។

- Lamivudine ជាឱសថប្រឆាំងវីរុសហ៊ីវ(HIV)ប្រភេទNRTI ដោយមានប្រសិទ្ធិភាពបង្អាក់សកម្មភាពរបស់អង់ស៊ីម HIV-1 Reverse transcriptaseនិងសកម្មភាពផលិតDNAរបស់វីរុស ធ្វើអោយវីរុសមិនអាចកើនចំនួនបាន។