Dipyridamole

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺត្បៀតសរសៃឈាមក្នុងបេះដូង(Angina pectoris)

- ជំងឺស្ទះសរសៃឈាមក្នុងបេះដូង(Myocardial infarction) (លើកលែងដំណាក់កាលស្រួចស្រាវ)

- ជំងឺដែលបណ្ដាលមកពីការខ្វះឈាមទៅដល់សរសៃឈាមបេះដូង(ischemic heart disease)ប្រភេទផ្សេងទៀត

- ជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ (Congestive heart failure)

- ទប់ស្កាត់ការកកើតកំណកឈាមឬការស្ទះដោយសារកំណកឈាមនៅក្រោយពេលវះកាត់ផ្លាស់ប្ដូរប្រើសបេះដូង(Heart valve replacement) ដោយប្រើរួមជាមួយឱសថWarfarin

- កាត់បន្ថយកម្រិតប្រូតេអ៊ីនក្នុងទឹកនោម ចំពោះអ្នកជំងឺបណ្ដុំរោគសញ្ញានេហ្វ្រូតិច(Nephrotic syndrome)ដែលការប្រើឱសថស្តេរ៉ូអ៊ីតមិនសូវមានប្រសិទ្ធិភាព។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- ជំងឺត្បៀតសរសៃឈាមក្នុងបេះដូង(Angina pectoris)

- ជំងឺស្ទះសរសៃឈាមក្នុងបេះដូង(Myocardial infarction) (លើកលែងដំណាក់កាលស្រួចស្រាវ)

- ជំងឺដែលបណ្ដាលមកពីការខ្វះឈាមទៅដល់សរសៃឈាមបេះដូង(ischemic heart disease)ប្រភេទផ្សេងទៀត

- ជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ (Congestive heart failure)។

ករណីថ្នាំលេប：

＜ប្រភេទរយៈពេលសកម្មភាពធម្មតា＞

・ករណីជំងឺត្បៀតសរសៃឈាមក្នុងបេះដូង(Angina pectoris) ជំងឺស្ទះសរសៃឈាមក្នុងបេះដូង(Myocardial infarction) (លើកលែងដំណាក់កាលស្រួចស្រាវ) ជំងឺដែលបណ្ដាលមកពីការខ្វះឈាមទៅដល់សរសៃឈាមបេះដូង(ischemic heart disease)ប្រភេទផ្សេងទៀត និង ជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ (Congestive heart failure)：

មនុស្សពេញវ័យ：លេប1ដង25mg 1ថ្ងៃ3ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីប្រើនៅក្នុងការទប់ស្កាត់ការកកើតកំណកឈាមឬការស្ទះដោយសារកំណកឈាម：

មនុស្សពេញវ័យ：លេប1ថ្ងៃ 300～400mg បែងចែកជា3～4ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីប្រើនៅក្នុងការកាត់បន្ថយកម្រិតប្រូតេអ៊ីនក្នុងទឹកនោម：

មនុស្សពេញវ័យ：លេប1ថ្ងៃ 300mg បែងចែកជា3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ប្រើឱសថនេះរយៈពេល4សប្ដាហ៍ រួចធ្វើការពិនិត្យកម្រិតប្រូតេអ៊ីនក្នុងទឹកនោម ដើម្បីវិនិច្ឆ័យថាត្រូវប្រើឱសថនេះបន្តទៀតឬបញ្ឈប់។ ប្រសិនបើកម្រិតប្រូតេអ៊ីនក្នុងទឹកនោមមិនថយចុះទេ គួរបញ្ឈប់ការប្រើឱសថនេះ។ ប្រសិនបើកម្រិតប្រូតេអ៊ីនក្នុងទឹកនោមថយចុះ អាចបន្តប្រើឱសថនេះដោយតាមដានកម្រិតប្រូតេអ៊ីនក្នុងទឹកនោមជាទៀងទាត់។

＜ប្រភេទរយៈពេលសកម្មភាពវែង (L)＞

ចំពោះការប្រើនៅក្នុងការទប់ស្កាត់ការកកើតកំណកឈាមឬការស្ទះដោយសារកំណកឈាម និង ប្រើនៅក្នុងការកាត់បន្ថយកម្រិតប្រូតេអ៊ីនក្នុងទឹកនោម：

មនុស្សពេញវ័យ：ប្រើ1ដង150mg 1ថ្ងៃ2ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។ ករណីប្រើនៅក្នុងការកាត់បន្ថយកម្រិតប្រូតេអ៊ីនក្នុងទឹកនោម ត្រូវប្រើឱសថនេះរយៈពេល4សប្ដាហ៍ រួចធ្វើការពិនិត្យកម្រិតប្រូតេអ៊ីនក្នុងទឹកនោម ដើម្បីវិនិច្ឆ័យថាត្រូវប្រើឱសថនេះបន្តទៀតឬបញ្ឈប់។ ប្រសិនបើកម្រិតប្រូតេអ៊ីនក្នុងទឹកនោមមិនថយចុះទេ គួរបញ្ឈប់ការប្រើឱសថនេះ។ ប្រសិនបើកម្រិតប្រូតេអ៊ីនក្នុងទឹកនោមថយចុះ អាចបន្តប្រើឱសថនេះដោយតាមដានកម្រិតប្រូតេអ៊ីនក្នុងទឹកនោមជាទៀងទាត់។

ករណីថ្នាំចាក់：

មនុស្សពេញវ័យ：ប្រើ1ដង10mg 1ថ្ងៃ1～3ដង ចាក់តាមសរសៃវ៉ែនយឺតៗ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ផលរំខានរួមមាន ដូចជា បាត់បង់ចំណង់អាហារ ទល់លាមកឬរាករូស ក្អួតចង្អោរ វិលមុខ ឈឺក្បាល អស់កម្លាំង ។ល។

・ឱសថDipyridamole អាចធ្វើអោយស្ថានភាពជំងឺត្បៀតសរសៃឈាមបេះដូងកាន់តែមិនល្អ ដូច្នេះ ត្រូវប្រុងប្រយ័ត្នក្នុងការប្រើប្រាស់ឱសថនេះ។

・ភាគច្រើនប្រើរួមជាមួយ Aspirin។

・ធ្វើអោយសារធាតុcAMPនៃប្លាកែតកើនឡើងច្រើន ដើម្បីបង្កការលំបាកក្នុងការកកើតកំណកឈាម។

・បង្កើនសកម្មភាពរបស់សារធាតុអាដេណូស៊ីន(Adenosine) ដើម្បីពង្រីកសរសៃឈាម។