Diflucortolone valerate + Lidocaine

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ករណីថ្នាំសុលតាមទ្វារធំ:

      ជាទូទៅ ឱសថនេះប្រើនៅក្នុងការកាត់បន្ថយរោគសញ្ញាផ្សេងៗនៃជំងឺឫសដូងបាត (Hemorrhoid) រួមមាន អាការៈហូរឈាម ឈឺចាប់ និង ហើម។

      ករណីថ្នាំលាប:

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - កាត់បន្ថយរោគសញ្ញាផ្សេងៗនៃជំងឺឫសដូងបាត(Hemorrhoid) រួមមាន អាការៈហូរឈាម ឈឺចាប់ និង ហើម

      - អាការៈកន្ទួលរមាស់និងរលាកស្បែកនៅជុំវិញទ្វារធំ។

    • កម្រិតប្រើប្រាស់

      ករណីថ្នាំសុលតាមទ្វារធំ:

      ក្នុងឱសថនេះ1គ្រាប់ រួមមាន:

      ・Diflucortolone valerate 0.2mg

      ・Lidocaine 40mg

      មនុស្សពេញវ័យ:ប្រើ1ដង1គ្រាប់ 1ថ្ងៃ2ដង សុលតាមទ្វារធំ។

      ករណីថ្នាំលាប:

      ក្នុងឱសថនេះ1g រួមមាន:

      ・Diflucortolone valerate 0.1mg

      ・Lidocaine 20mg

      ជាទូទៅ ប្រើ1ថ្ងៃ2ដង ច្របាច់ចូលតាមទ្វារធំ ក្នុងបរិមាណសមស្រប។។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ(Diflucortolone valerate, Lidocaine និង សារធាតុផ្សេងទៀត)។

      ・អ្នកដែលមានជំងឺឆ្លងដោយកន្លែងទាក់ទងនឹងមេរោគរបេង ឬ មានខ្ទុះ ឬ មេរោគស្វាយ(Syphilis) ឬ វីរុស។

      ・អ្នកដែលមានជំងឺឆ្លងដោយកន្លែងទាក់ទងនឹងមេរោគផ្សិត(ជំងឺCandidiasis, ជំងឺTrichophytosis ជាដើម)។

    • ផលរំខាន

      ផលរំខានរួមមាន រមាស់ទ្វារធំ អាការៈផ្សា រាករូស កន្ទាលត្រអាក ហូរឈាម។ល។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរចៀសវាងប្រើឱសថនេះក្នុងបរិមាណច្រើនឬក្នុងរយៈពេលវែង។

    • ការប្រុងប្រយ័ត្នជាពិសេស

      ・គួរប្រើរយៈពេល1សប្ដាហ៍។

    • សកម្មភាពឱសថ

      ឱសថនេះផ្សំឡើងដោយសារធាតុចំនួន2៖

      - Diflucortolone valerate: ជាសារធាតុដែលមានសកម្មភាពស្រដៀងទៅនឹងអរម៉ូនស្តេរ៉ូអ៊ីតនៃរាងកាយ។ វាមានសកម្មភាពកន្ត្រាក់សរសៃឈាម បំបាត់អាការៈរលាកឬហើម ជាដើម។

      - Lidocaine: ជាសារធាតុដែលមានសកម្មភាពធ្វើអោយស្ពឹកជាបណ្ដោះអាសន្ននៅកន្លែងដែលមានអាការៈឈឺចាប់ ដោយវាទប់ស្កាត់ការបញ្ជូនសញ្ញាតាមសរសៃប្រសាទ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp