Dienogest

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺភ្នាសក្នុងស្បូន (Endometriosis)

- អាការៈឈឺចាប់នៅក្នុងជំងឺដុះជាលិកាភ្នាសស្បូននៅក្នុងសាច់ដុំស្បូន (Adenomyosis)

- រោគសញ្ញាឈឺចាប់នៅពេលមករដូវ។

ថ្នាំលេប：

・ករណីប្រើចំពោះជំងឺភ្នាសក្នុងស្បូន (Endometriosis) និង អាការៈឈឺចាប់នៅក្នុងជំងឺដុះជាលិកាភ្នាសស្បូននៅក្នុងសាច់ដុំស្បូន (Adenomyosis):

មនុស្សពេញវ័យ：លេប1ថ្ងៃ2mg បែងចែកជា2ដងក្នុង1ថ្ងៃ ដោយចាប់ផ្ដើមលេបពីថ្ងៃទី2～5នៃការមករដូវ។

・ករណីប្រើចំពោះរោគសញ្ញាឈឺចាប់នៅពេលមករដូវ:

មនុស្សពេញវ័យ：លេប1ថ្ងៃ1mg បែងចែកជា2ដងក្នុង1ថ្ងៃ ដោយចាប់ផ្ដើមលេបពីថ្ងៃទី2～5នៃការមករដូវ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងមានអាការៈធ្លាក់ឈាមនៅប្រដាប់ភេទខុសប្រក្រតីដែលមិនទាន់ដឹងអំពីមូលហេតុពិតប្រាកដ។

・ស្ត្រីមានផ្ទៃពោះ ឬ ស្ត្រីដែលអាចនឹងកំពុងមានផ្ទៃពោះ។

・អ្នកដែលមានបញ្ហាស្បូនរីកធំលក្ខណៈធ្ងន់ធ្ងរ ឬ ជំងឺខ្វះឈាម(ជំងឺស្លេកស្លាំង)ធ្ងន់ធ្ងរ។

ផលរំខានរួមមាន ធ្លាក់ឈាម អារម្មណ៍ក្ដៅច្រាល ឈឺក្បាល ចង់ក្អួត ឡើងកន្ទួលក្រហម អាការៈខ្វះឈាម អស់កម្លាំង។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ធ្លាក់ឈាមដូចមករដូវក្នុងបរិមាណច្រើននិងឥតដាច់ អស់កម្លាំង វិលមុខ (ធ្លាក់ឈាមខុសប្រក្រតីធ្ងន់ធ្ងរ ជំងឺខ្វះឈាមធ្ងន់ធ្ងរ)។

- ពិបាកដកដង្ហើម ឡើងកន្ទួលក្រហមនិងរមាស់លើស្បែក ហើមភ្នែកនិងជុំវិញមាត់ (រោគប្រតិកម្មធ្ងន់ធ្ងរ)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលទប់ស្កាត់សកម្មភាពCYP3A4 (Erythromycin, Clarithromycin, ឱសថប្រឆាំងមេរោគផ្សិតប្រភេទAzole ជាដើម) - អាចធ្វើអោយកំហាប់ក្នុងឈាមនៃDienogestកើនឡើង។

・ឱសថដែលជម្រុញសកម្មភាពCYP3A4 (Rifampicin, Phenytoin, Phenobarbital, Carbamazepine ជាដើម) - អាចធ្វើអោយកំហាប់ក្នុងឈាមនៃDienogestថយចុះ។

・ឱសថប្រភេទអរម៉ូនស្ត្រីអេស្ត្រូជេន(Estradiol, Estriol, Conjugated estrogen ជាដើម) - អាចធ្វើអោយសកម្មភាពនៃDienogestថយចុះ។

・ឱសថប្រភេទអរម៉ូនស្ត្រីប្រូជេស្តេរ៉ូន(Progesterone, Medroxyprogesterone, Norethisterone, Dydrogesterone ជាដើម) - អាចធ្វើអោយសកម្មភាពនៃអរម៉ូនស្ត្រីប្រូជេស្តេរ៉ូនកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើប្រាស់ឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងការប្រើប្រាស់ឱសថនេះ ត្រូវប្រុងប្រយ័ត្នជាពិសេសចំពោះផលរំខានធ្វើអោយកើតមានការធ្លាក់ឈាមធ្ងន់ធ្ងរ ព្រោះវាអាចបណ្ដាលអោយមានគ្រោះថ្នាក់ដល់អ្នកជំងឺ។

・មុននឹងចាប់ផ្ដើមប្រើប្រាស់ឱសថនេះ ស្ត្រីត្រូវពិនិត្យដើម្បីបញ្ជាក់ថាខ្លួនមិនកំពុងមានផ្ទៃពោះនោះទេ ម្យ៉ាងទៀត ត្រូវចាប់ផ្ដើមប្រើឱសថនេះនៅថ្ងៃទី2~ថ្ងៃទី5នៃការមករដូវ ដោយត្រូវប្រើវិធីពន្យារកំណើតក្រៅអំពីថ្នាំអរម៉ូន នៅក្នុងអំឡុងពេលប្រើប្រាស់ឱសថនេះ។

ឱសថនេះមានសកម្មភាពភ្ជាប់ទៅនឹងនិងភ្ញោចគ្រឿងទទួល(Receptor)នៃអរម៉ូនប្រូជេស្តេរ៉ូន(Progesterone) ដោយបង្ហាញប្រសិទ្ធិភាពទប់ស្កាត់មុខងារបញ្ចេញស៊ុតនិងផលិតអរម៉ូនអេស្ត្រូជេន(Estrogen)របស់ក្រពេញអូវែរ ហើយនិង ទប់ស្កាត់ការកើនឡើងខុសប្រក្រតីនៃភ្នាសក្នុងស្បូន។