Dicyclomine hydrochloride + Magnesium oxide + Dried aluminium hydroxide gel

ជាទូទៅ ឱសថនេះប្រើនៅក្នុងការព្យាបាលជំងឺដំបៅក្រពះ ដំបៅគល់ពោះវៀនតូច(Duodenal ulcer) និង ជំងឺរលាកក្រពះ។

ថ្នាំលេប：

ក្នុងឱសថនេះ1g រួមមាន：

・Dicyclomine hydrochloride 5mg

・Dried aluminium hydroxide gel 400mg

・Magnesium oxide 200mg

មនុស្សពេញវ័យ：ប្រើ1ដង1～2g 1ថ្ងៃ3～4ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលមានជំងឺក្លូកូមប្រភេទបិទ(Angle-closure glaucoma)។

・អ្នកដែលមានបញ្ហាក្នុងការបញ្ចេញទឹកនោមដោយសារជំងឺរីកក្រពេញប្រូស្តាត។

・អ្នកដែលមានជំងឺបេះដូងធ្ងន់ធ្ងរ។

・អ្នកដែលមានជំងឺស្ទះពោះវៀនលក្ខណៈស្ពឹក(Paralytic ileus)។

・អ្នកដែលកំពុងទទួលការព្យាបាលដោយលាងឈាម។

ផលរំខានរួមមាន ស្ងួតក ទល់លាមក ឡើងកន្ទួលក្រហម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ពិបាកនិយាយ ឈឺឆ្អឹង (សារធាតុអាលុយមីញ៉ូមចូលក្នុងខួរក្បាល សារធាតុអាលុយមីញ៉ូមចូលក្នុងឆ្អឹង)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលមានសកម្មភាពប្រឆាំងសារធាតុអាសេទីលកូលីន(ឱសព្យាបាលជំងឺបាក់ទឹកចិត្តប្រភេទTricyclic antidepressants(Amitriptyline, Imipramine ជាដើម), ឱសថប្រភេទPhenothiazines(Chlorpromazine, Fluphenazine ជាដើម), ឱសថប្រភេទទប់ស្កាត់អង់ស៊ីមMAO(Safrazine) ជាដើម) - អាចធ្វើអោយសកម្មភាពប្រឆាំងអាសេទីលកូលីនកើនឡើង បង្កជាផលរំខានផ្សេងៗ។

・ឱសថប្រភេទអាស៊ីតស៊ីទ្រិច(ឱសថPotassium citrate, ឱសថSodium citrate hydrate ជាដើម) - អាចធ្វើអោយកម្រិតអាលុយមីញ៉ូមក្នុងឈាមកើនឡើង។

・ឱសថប្រឆាំងបាក់តេរីប្រភេទTetracyclines(Tetracycline, Minocycline ជាដើម), ឱសថប្រឆាំងបាក់តេរីប្រភេទQuinolone(Levofloxacin, Lomefloxacin ជាដើម), ឱសថប្រភេទអរម៉ូនក្រពេញទីរ៉ូអ៊ីត (ឱសថLevothyroxine sodium hydrate ជាដើម) - អាចធ្វើអោយប្រសិទ្ធិភាពនៃឱសថទាំងនេះថយចុះ។

・ឱសថSodium polystyrene sulfonate) - អាចធ្វើអោយកើតមានអាការៈកើនជាតិបាសក្នុងឈាម(Alkalosis)។

・ឱសថPenicillamine - អាចធ្វើអោយប្រសិទ្ធិភាពនៃPenicillamineថយចុះ។

・ទឹកដោះគោក្នុងបរិមាណច្រើន, ឱសថជាតិកាល់ស្យូម - អាចធ្វើអោយកើតមានរោគសញ្ញា Milk-alkalisyndrome។ ប្រសិនបើកើតឡើង ត្រូវបញ្ឈប់ការប្រើប្រាស់ឱសថនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន គួរប្រើឱសថនេះក្នុងករណីចាំបាច់តែប៉ុណ្ណោះ ព្រោះសារធាតុឱសថអាចជ្រៀតចូលក្នុងទឹកដោះម្តាយ។

・នៅក្នុងអំឡុងពេលប្រើប្រាស់ឱសថនេះ អាចធ្វើអោយកើតមានអាការៈដូចជា ភ្នែកមើលមិនសូវច្បាស់ ងងុយគេង ជាដើម ដូច្នេះ គួរចៀសវាងការបើកបររថយន្តឬបញ្ជាម៉ាស៊ីនដែលមានគ្រោះថ្នាក់។

・ការបរិភោគទឹកដោះគោក្នុងបរិមាណច្រើនឬឱសថជាតិកាល់ស្យូមស្របពេលជាមួយនឹងការពិសារឱសថនេះ អាចធ្វើអោយកើតមានប្រតិកម្មផ្សេងៗ ដូច្នេះ គួរទុកគម្លាតរវាងគ្នារយៈពេលពី1ទៅ2ម៉ោង។

ឱសថនេះផ្សំឡើងដោយសារធាតុផ្សំចំនួនបី គឺ Dicyclomine hydrochloride, Magnesium oxide និង Aluminium hydroxide។

- Dicyclomine hydrochloride：មានសកម្មភាពប្រឆាំងនឹងសារធាតុអាសេទីលកូលីន(Acetylcholine) ដោយមានប្រសិទ្ធិភាពបំបាត់អាការៈឈឺចាប់ដោយសារការកន្ត្រាក់នៃក្រពះ និង ទប់ស្កាត់ការបញ្ចេញអាស៊ីតក្រពះ។

- Magnesium oxide និង Aluminium hydroxide：មានប្រសិទ្ធិភាពបន្សាបជាតិអាស៊ីតក្នុងក្រពះនិងភ្ជាប់ទៅនឹងភ្នាសក្រពះដើម្បីការពារភ្នាសក្រពះមិនអោយទទួលឥទ្ធិពលពីជាតិអាស៊ីត។