Dexamethasone metasulfobenzoate sodium

ជាទូទៅ ឱសថនេះប្រើនៅក្នុងការព្យាបាលអាការៈរលាកនៅផ្នែកខាងក្រៅនិងខាងមុខនៃភ្នែក (ជំងឺរលាកត្របកភ្នែក ជំងឺរលាកផ្នែកសនៃភ្នែក(Conjunctivitis) ជំងឺរលាកកញ្ចក់ភ្នែក(Keratitis) ជំងឺScleritis ជំងឺEpiscleritis ជំងឺUveitisនៅផ្នែកខាងមុខនៃភ្នែក អាការៈរលាកនៅក្រោយពេលវះកាត់)។

ថ្នាំបន្តក់ភ្នែក (0.02%, 0.1%)：

មនុស្សពេញវ័យ：ប្រើ1ដង1～2តំណក់ 1ថ្ងៃ3～4ដង បន្តក់ក្នុងភ្នែក។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

ថ្នាំក្រមួនលាបក្នុងភ្នែក (0.05%)：

ជាទូទៅ ប្រើ1ថ្ងៃ1～3ដង លាបក្នុងភ្នែកក្នុងបរិមាណសមស្រប។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ជាគោលការណ៍ អ្នកជំងឺដូចខាងក្រោមមិនត្រូវប្រើប្រាស់ឱសថនេះទេ។ ករណីចាំបាច់ត្រូវប្រើ ត្រូវតាមដានស្ថានភាពជំងឺអោយបានដិតដល់ ៖

1. អ្នកដែលមានជំងឺរបកស្រទាប់កោសិកានៃកញ្ចក់ភ្នែក(Ectocornea desquamation) ឬ ជំងឺដំបៅនៅកញ្ចក់ភ្នែក(Cornea ulcer)។

2. អ្នកដែលមានជំងឺភ្នែកបង្កឡើងដោយវីរុស មេរោគផ្សិតឬជំងឺរបេង ឬ ជំងឺភ្នែកមានខ្ទុះ។

ផលរំខានរួមមាន ក្រហាយក្នុងភ្នែក របួសក្រជា។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ចង់ក្អួត ឈឺភ្នែក មើលមិនសូវច្បាស់ ឈឺក្បាល (ជំងឺក្លូកូម(Glaucoma))

- ឈឺភ្នែក ចេញទឹកភ្នែក មើលមិនសូវឃើញ (ជំងឺឆ្លងបាក់តេរីឬមេរោគផ្សិតនៅភ្នែក ជំងឺប្រហោងកញ្ចក់ភ្នែក)

- មើលមិនសូវឃើញ (ជំងឺភ្នែកឡើងបាយប្រភេទPosterior capsular cataract)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរចៀសវាងប្រើឱសថនេះញឹកញាប់ ឬ ក្នុងរយៈពេលវែង។

・នៅពេលប្រើប្រាស់ឱសថនេះ គួរចៀសវាងកុំអោយប៉ះនឹងរោមភ្នែក ព្រោះអាចនាំអោយឆ្លងមេរោគផ្សេងៗ។ ម្យ៉ាងទៀត គួរប្រើស្បៃឬក្រដាសស្អាតជូតសម្អាតមាត់ដបថ្នាំអោយស្អាតមុននឹងបិទគម្រប។

ឱសថនេះមានប្រសិទ្ធិភាពបំបាត់អាការៈរលាក អាការៈប្រតិកម្ម ដោយសកម្មភាពបំបាត់អាការៈរលាករបស់ឱសថនេះមានកម្រិតខ្លាំងជាងឱសថHydrocortisoneប្រមាណ25ដង ហើយខ្លាំងជាងឱសថPrednisoloneប្រមាណ6ដង និង មានកម្រិតប្រហាក់ប្រហែលទៅនឹងឱសថBetamethasone។