Deslanoside

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

・ជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ (Congestive heart failure) ដែលបណ្ដាលមកពីជំងឺដូចជា ជំងឺបេះដូងពីកំណើត ជំងឺប្រើសបេះដូង ជំងឺលើសសម្ពាធឈាម ជំងឺត្បៀតឬស្ទះសរសៃឈាមក្នុងបេះដូង ជំងឺសួត ជំងឺតម្រងនោម ជំងឺក្រពេញទីរ៉ូអ៊ីត ។ល។

・អាការៈជីពចរញាប់ដោយសារជំងឺញ័រថតលើនៃបេះដូង (Atrial fibrillation និង Atrial flutter) និង អាការៈកន្ត្រាក់ញាប់នៃបេះដូងដោយសារបញ្ហាផ្នែកខាងលើថតក្រោមនៃបេះដូងដែលកើតឡើងម្ដងៗ។

・បង្ការនិងព្យាបាលរោគសញ្ញានៃការចុះខ្សោយមុខងារបេះដូងនិងអាការៈជីពចរដើរញាប់គ្រប់ប្រភេទ នៅក្នុងស្ថានភាពដូចជា ការវះកាត់ ជំងឺស្រួចស្រាវដែលរួមមានអាការៈក្ដៅខ្លួន ការសម្រាលកូន អាការៈប្រតិកម្មធ្ងន់ធ្ងរ(Shock) អាការៈពុលលក្ខណៈស្រួចស្រាវ។

ថ្នាំចាក់：

- មនុស្សពេញវ័យ：

・វិធីព្យាបាលដល់កម្រិតឆ្អែតឆាប់រហ័ស (Rapid saturation therapy)(កម្រិតឆ្អែត 0.8～1.6mg)：

នៅលើកដំបូងប្រើ0.4～0.6mg ចាក់ក្នុងសរសៃវ៉ែនឬក្នុងសាច់ដុំ។ បន្ទាប់ពីនោះ ប្រើ1ដង0.2～0.4mg រៀងរាល់2～4ម៉ោង និងបន្តប្រើក្នុងកម្រិតនេះរហូតដល់ទទួលបានប្រសិទ្ធិភាពគ្រប់គ្រាន់។ ការចាក់ក្នុងសាច់ដុំអាចបង្កអោយមានអាការៈឈឺចាប់។

・វិធីព្យាបាលដល់កម្រិតឆ្អែតឆាប់រហ័សបង្គួរ (Comparative rapid saturation therapy)：

ប្រើ1ថ្ងៃ0.4～0.6mg ចាក់ក្នុងសរសៃវ៉ែនឬក្នុងសាច់ដុំ រៀងរាល់2～4ម៉ោង និងបន្តប្រើក្នុងកម្រិតនេះរហូតដល់ទទួលបានប្រសិទ្ធិភាពគ្រប់គ្រាន់។ ការចាក់ក្នុងសាច់ដុំអាចបង្កអោយមានអាការៈឈឺចាប់។

・វិធីព្យាបាលជាប្រចាំ：

ប្រើ1ថ្ងៃ0.2～0.3mg ចាក់ក្នុងសរសៃវ៉ែនឬក្នុងសាច់ដុំ។ ការចាក់ក្នុងសាច់ដុំអាចបង្កអោយមានអាការៈឈឺចាប់។

- កុមារ：

・វិធីព្យាបាលដល់កម្រិតឆ្អែតឆាប់រហ័ស (Rapid saturation therapy)：

+ ទារកទើបកើត ទារកកើតមិនគ្រប់ទម្ងន់：ប្រើ1ថ្ងៃ0.03～0.05mg/kg បែងចែកជា3～4ដងក្នុង1ថ្ងៃ ចាក់ក្នុងសរសៃវ៉ែនឬក្នុងសាច់ដុំ។

+ កុមារអាយុ2ឆ្នាំចុះ：ប្រើ1ថ្ងៃ0.04～0.06mg/kg បែងចែកជា3～4ដងក្នុង1ថ្ងៃ ចាក់ក្នុងសរសៃវ៉ែនឬក្នុងសាច់ដុំ។

+ កុមារអាយុ2ឆ្នាំឡើង：ប្រើ1ថ្ងៃ0.02～0.04mg/kg បែងចែកជា3～4ដងក្នុង1ថ្ងៃ ចាក់ក្នុងសរសៃវ៉ែនឬក្នុងសាច់ដុំ។

ជាទូទៅ ត្រូវអនុវត្តវិធីនេះរយៈពេល2ថ្ងៃ បន្ទាប់មកប្រើក្នុងកម្រិតនៅក្នុងវិធីព្យាបាលជាប្រចាំ។ ការចាក់ក្នុងសាច់ដុំអាចបង្កអោយមានអាការៈឈឺចាប់។

・វិធីព្យាបាលជាប្រចាំ：

ប្រើ1/4នៃកម្រិតឆ្អែត ចាក់ក្នុងសរសៃវ៉ែនឬក្នុងសាច់ដុំ។ ការចាក់ក្នុងសាច់ដុំអាចបង្កអោយមានអាការៈឈឺចាប់។

・អ្នកដែលមានបញ្ហានៃការបញ្ជូនសញ្ញានៅក្នុងបេះដូងកម្រិតធ្ងន់ធ្ងរ (ជំងឺA-V block ឬ ជំងឺSinoatrial block។

・អ្នកដែលកំពុងមានអាការៈពុលដោយសារឱសថប្រភេទDigitalis។

・អ្នកដែលមានជំងឺទាក់ទងនឹងសាច់ដុំបេះដូងលក្ខណៈស្ទះ(Obstructive cardiomyopathy) (ជំងឺIdiopathic hypertrophic subaortic stenosis ជាដើម)។

・អ្នកដែលធ្លាប់កើតមានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ និង ឱសថប្រភេទDigitalis។

・អ្នកដែលកំពុងប្រើឱសថDisulfiram ឬ ឱសថCyanamide។ (ករណីឱសថមានផ្ទុកជាតិអាល់កុល)។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

・ការប្រើរួមជាមួយឱសថកាល់ស្យូមប្រភេទចាក់។

・ការប្រើរួមជាមួយឱសថSuxamethonium chloride hydrate។

ជីពចរយឺត កន្ទួលក្រហមលើស្បែក រោគសញ្ញាក្រពះពោះវៀន ចង្វាក់បេះដូងខុសប្រក្រតីទាក់ទងនឹងថតក្រោមនៃបេះដូង(Ventricular arrhythmia)។ នៅពេលកំហាប់ក្នុងឈាមនៃឱសថកើនឡើងខ្ពស់ អាចផ្ដល់ផលរំខាន ដូចជា ចង្វាក់បេះដូងខុសប្រក្រតី រោគសញ្ញានៃក្រពះពោះវៀន(បាត់បង់ចំណង់អាហារ ចង់ក្អួត ។ល។)។ ក្រៅពីនេះ នៅមានផលរំខានដូចជា ឈឺក្បាល គេងមិនលក់ វិលមុខ ឈឺសរសៃប្រសាទ ប៉ះពាល់គំហើញនៃភ្នែក ។ល។

・ប្រើចំពោះអាការៈញ័រថតលើនៃបេះដូងទាំងAtrial fibrillationនិង Atrial flutter។

・គួរវាស់កំហាប់ក្នុងឈាមនៃឱសថបណ្ដើរក្នុងពេលបញ្ចូលឱសថ។

・នៅពេលរាងកាយស្ថិតនៅក្នុងស្ថានភាព កម្រិតប៉ូតាស្យូម(K)ក្នុងឈាមទាប ឬ កម្រិតកាល់ស្យូម(Ca)ក្នុងឈាមខ្ពស់ ឬ កម្រិតម៉ាញ៉េស្យូម(Mg)ទាប វាអាចធ្វើអោយកើតមានអាការៈពុលឱសថឌីជីតាលីស ដូច្នេះ គួរធ្វើការពិនិត្យកម្រិតនៃសារធាតុខាងលើជាទៀងទាត់។ ម្យ៉ាងទៀត ដើម្បីសុវត្ថិភាព គួរធ្វើការវាស់កំហាប់ក្នុងឈាមនៃឱសថជាប្រចាំ ក្នុងអំឡុងពេលប្រើប្រាស់ឱសថនេះ។ ករណីប្រើចំពោះអ្នកជំងឺដែលមានមុខងារតម្រងនោមចុះខ្សោយ គួរបន្ថយកម្រិតប្រើប្រាស់នៃឱសថ។

・មានសកម្មភាពទៅលើSinus nodeនិងAV node ដោយពន្យារពេលនៃការបញ្ជូនសញ្ញាភ្ញោច និង អូសបន្លាយរយៈពេលមិនចម្លងប៉ូតង់ស្បែល(Refractory period)នៃAV nodeនិងHis bundle។

・មានសកម្មភាពទៅលើភ្នាសកោសិកានៃសាច់ដុំបេះដូង ដើម្បីបង្កើនកម្លាំងកន្ត្រាក់របស់សាច់ដុំបេះដូង និងមានសកម្មភាពទៅលើប្រព័ន្ធអូតូណូមិចដើម្បីកាត់បន្ថយចំនួនជីពចរនៃបេះដូង។