Delapril hydrochloride

ជាទូទៅ ឱសថនេះប្រើនៅក្នុងការព្យាបាលជំងឺលើសសម្ពាធឈាមដែលគ្មានជំងឺផ្សេងជាដើមហេតុ និង ជំងឺលើសសម្ពាធឈាមដោយសារបញ្ហាតម្រងនោមឬសរសៃឈាមក្នុងតម្រងនោម។

ថ្នាំលេប：

មនុស្សពេញវ័យ：លេប1ថ្ងៃ30～60mg បែងចែកជា2ដងក្នុង1ថ្ងៃ ដោយចាប់ផ្ដើមលេបពីកម្រិត 1ថ្ងៃ15mg (បែងចែកជា2ដងក្នុង1ថ្ងៃ)។ កម្រិតអតិបរមាប្រើក្នុង1ថ្ងៃគឺ 120mg (បែងចែកជា2ដងក្នុង1ថ្ងៃ)។

ករណីសម្ពាធឈាមមានលក្ខណៈនឹងនរហើយ អាចផ្លាស់ប្ដូរទៅជាការលេបក្នុងកម្រិតសម្រាប់1ថ្ងៃឬកម្រិតពាក់កណ្ដាលនោះ 1ថ្ងៃ1ដងពេលព្រឹក។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលធ្លាប់កើតមានរោគសញ្ញានៃការហើមប៉ោងនៅស្រទាប់ក្រោមនៃស្បែក(Angioedema) (ហើមត្របកភ្នែក បបូរមាត់ឬអណ្ដាត ពិបាកដកដង្ហើម។ល។)

・អ្នកដែលកំពុងទទួលការលាងឈាមប្រភេទApheresisជាមួយនឹងឧបករណ៍ដែលប្រើប្រាស់សារធាតុDextran sulfate cellulose ឬ Tryptophan-linked polyvinyl alcohol ឬ Polyethylene terephthalate។

・អ្នកដែលកំពុងទទួលការលាងឈាមដោយប្រើប្រាស់ស្រទាប់AN69។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកជំងឺទឹកនោមផ្អែមដែលកំពុងប្រើប្រាស់ឱសថAliskiren fumarate (លើកលែងករណីអ្នកជំងឺមិនមានជម្រើសឱសថបញ្ចុះសម្ពាធឈាមផ្សេងទៀតដែលមានប្រសិទ្ធិភាពក្នុងការគ្រប់គ្រងសម្ពាធឈាម)។

ឡើងកន្ទួលក្រហម ក្ដៅខ្លួន រមាស់ស្បែក ឈឺសន្លាក់ រោគសញ្ញាក្រពះពោះវៀន ជីវ្ហាវិញាណមានបញ្ហា ក្អកស្ងួត កម្រិតKកើនឡើង។

・មានសកម្មភាពទៅលើទាំងប្រព័ន្ធបញ្ចុះសម្ពាធឈាមនិងប្រព័ន្ធបង្កើនសម្ពាធឈាម ដើម្បីបញ្ចុះសម្ពាធឈាមក្នុងរាងកាយ។ ត្រូវបានប្រើប្រាស់ជាឱសថព្យាបាលជម្រើសទី1។ ឱសថនេះក៏មានប្រសិទ្ធិភាពបង្ការផលប៉ះពាល់តម្រងនោមបណ្ដាលមកពីជំងឺទឹកនោមផ្អែមផងដែរ។

・អាចធ្វើអោយសម្ពាធឈាមចុះទាបភ្លាមៗ (ជាពិសេស ចំពោះអ្នកជំងឺដែលមានមុខងារតម្រងនោមចុះខ្សោយ)។ ឱសថCaptopril ទទួលឥទ្ធិពលខ្លាំងពីការបរិភោគអាហារ (ការស្រូបសារធាតុឱសថមានកម្រិតខ្ពស់ នៅពេលពោះទទេ)។

ហាមប្រើចំពោះអ្នកដែលមានជំងឺខ្សោយតម្រងនោម ឬ ស្ត្រីមានផ្ទៃពោះ។

ទប់ស្កាត់សកម្មភាពរបស់អង់ស៊ីមដែលបំលែងសារធាតុអាន់ជីអូថិនស៊ីន I (Angiotensin I) ទៅជា អាន់ជីអូថិនស៊ីន II (Angiotensin II)។ នៅពេលសារធាតុអាន់ជីអូថិនស៊ីនថយចុះ ដំណើរការបញ្ចេញសារធាតុអាល់ដុស្តេរ៉ូនក៏ត្រូវបានកាត់បន្ថយ។