Delamanid

ជាទូទៅ ឱសថនេះប្រើនៅក្នុងការព្យាបាលជំងឺរបេងសួតដែលស៊ាំនឹងឱសថច្រើន។

ថ្នាំលេប：

មនុស្សពេញវ័យ：លេប1ដង100mg 1ថ្ងៃ2ដង ក្រោយអាហារពេលព្រឹកនិងពេលល្ងាច។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះនិងស្ត្រីដែលអាចនឹងកំពុងមានផ្ទៃពោះ។

ផលរំខានរួមមាន គេងមិនលក់ ឈឺក្បាល គេងលក់មួយភាំងៗ ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បេះដូងលោតញាប់ ឈឺទ្រូង អារម្មណ៍មិនស្រួលក្នុងទ្រូង (អាការៈវង្វេងស្មារតី)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលធ្វើអោយQTនៃចង្វាក់បេះដូងអូសបន្លាយ (ឱសថប្រឆាំងបាក់តេរីប្រភេទគីណូឡូន(Moxifloxacin hydrochloride, Levofloxacin hydrate) ជាដើម), ឱសថព្យាបាលជំងឺចង្វាក់បេះដូងក្រុមIa(Quinidine, Procainamide ជាដើម), ឱសថព្យាបាលជំងឺចង្វាក់បេះដូងក្រុមIII(Amiodarone, Sotalol ជាដើម), Sulpiride, Imipramine, Pimozide, Haloperidol, Erythromycin, Solifenacin succinate ជាដើម - អាចធ្វើអោយQTនៃចង្វាក់បេះដូងកាន់តែអូសបន្លាយ។

・ឱសថដែលធ្វើអោយកម្រិតប៉ូតាស្យូមក្នុងឈាមចុះទាប (ឱសថប្រឆាំងបាក់តេរីប្រភេទអាមីណូគ្លីកូស៊ីត(Enviomycin sulfate, Kanamycin sulfate) ជាដើម), ឱសថបញ្ចុះទឹកនោម, ឱសថAmphotericin B ជាដើម - អាចធ្វើអោយកម្រិតប៉ូតាស្យូមក្នុងឈាមកាន់តែចុះទាប។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ការប្រើប្រាស់ឱសថនេះអាចអូសបន្លាយរយៈពេលQTនៃចង្វាក់បេះដូង ដូច្នេះ នៅមុនពេលចាប់ផ្ដើមនិងក្នុងអំឡុងពេលប្រើប្រាស់ឱសថនេះ អ្នកជំងឺគួរទទួលការពិនិត្យចង្វាក់បេះដូងជាដើមជាប្រចាំ ដើម្បីវាយតម្លៃរវាងអត្ថប្រយោជន៍និងហានិភ័យនៃការប្រើប្រាស់ឱសថនេះ។

・គួរចៀសវាងប្រើប្រាស់ឱសថនេះនៅពេលពោះទទេ។

ជាឱសថប្រឆាំងបាក់តេរីរបេង ដោយមានប្រសិទ្ធិភាពបង្អាក់សកម្មភាពសំយោគMycolic acidsដែលជាសារធាតុមានតែនៅក្នុងបាក់តេរីរបេង។