Daclatasvir hydrochloride

ជាទូទៅ ឱសថនេះប្រើនៅក្នុងការព្យាបាលជំងឺរលាកថ្លើមរ៉ាំរ៉ៃប្រភេទC ឬ ជំងឺក្រិនថ្លើមប្រភេទCលក្ខណៈនៅអាចដំណើរការមុខងារបាន(Compensated liver cirrhosis) ដែលស្ថិតក្នុងសេឡូគ្រូប1 ប្រភេទសែន1 (Serogroup 1(Genotype 1))។

ថ្នាំលេប：

មនុស្សពេញវ័យ：លេប1ថ្ងៃ1ដង60mg។ ត្រូវប្រើឱសថនេះរួមជាមួយឱសថAsunaprevir រយៈពេល24សប្ដាហ៍។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថដូចខាងក្រោម：Rifampicin, Rifabutin, Phenytoin, Fosphenytoin sodium hydrate, Carbamazepine, Phenobarbital, Dexamethasone(ប្រើពេញរាងកាយ), អាហារបំប៉នដែលមានផ្ទុកសារធាតុSt.John’s Wort។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ផលរំខានរួមមាន ឈឺក្បាល ក្ដៅខ្លួន ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- រួយខ្លួន ចង់ក្អួត ក្អួត រមាស់ស្បែក ភ្នែកស្បែកនិងទឹកនោមប្រែពណ៌លឿង (មុខងារថ្លើមមានបញ្ហាឬចុះខ្សោយ)

- ស្នាមក្រហមរាងជារង្វង់ឬពងក្រពើនៅលើស្បែក ក្ដៅខ្លួន ឈឺសន្លាក់ (ជំងឺErythema multiforme)

- ងាយហូរឈាម(ឈាមច្រមុះ ឈាមតាមអញ្ចាញធ្មេញ ឈាមក្រោមស្បែក) ងាយកើតស្នាមជាំស្វាយ(រោគសញ្ញានៃការថយចុះចំនួនប្លាកែត)

- ពិបាកដកដង្ហើម ក្ដៅខ្លួន ក្អក (រលាកសួតប្រភេទInterstitial pneumonia)។

・ឱសថដូចខាងក្រោម：Rifampicin, Rifabutin, Phenytoin, Fosphenytoin sodium hydrate, Carbamazepine, Phenobarbital, Dexamethasone(ប្រើពេញរាងកាយ), អាហារបំប៉នដែលមានផ្ទុកសារធាតុSt.John’s Wort - អាចធ្វើអោយកំហាប់ក្នុងឈាមក៏ដូចជាប្រសិទ្ធិភាពនៃDaclatasvir ថយចុះ។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងមេរោគផ្សិតប្រភេទAzole (Ketoconazole, Itraconazole ជាដើម), ឱសថប្រឆាំងវីរុសHIVប្រភេទProtease inhibitors(Atazanavir/Ritonavir ជាដើម), ឱសថដែលមានផ្ទុកសារធាតុCobicistat, ឱសថClarithromycin, ឱសថTelaprevir - អាចធ្វើអោយកំហាប់ក្នុងឈាមនៃDaclatasvirកើនឡើង។

・ឱសថEfavirenz - អាចធ្វើអោយកំហាប់ក្នុងឈាមនៃDaclatasvirថយចុះ។

・ឱសថDigoxin - អាចធ្វើអោយកំហាប់ក្នុងឈាមនៃDigoxinកើនឡើង។

・ឱសថRosuvastatin, Atorvastatin, Fluvastatin, Simvastatin, Pitavastatin, Pravastatin - អាចធ្វើអោយកំហាប់ក្នុងឈាមនៃឱសថទាំងនេះកើនឡើង។

・ការប្រើប្រាស់ឱសថនេះអាចធ្វើអោយប៉ះពាល់ដល់ទារកក្នុងផ្ទៃ ដូច្នេះ ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះមិនត្រូវប្រើប្រាស់ឱសថនេះទេ។ ម្យ៉ាងទៀត អ្នកជំងឺជាស្ត្រីដែលអាចមានផ្ទៃពោះ ត្រូវប្រើប្រាស់វិធីពន្យារកំណើតអោយបានខ្ជាប់ខ្ជួន នៅក្នុងអំឡុងពេលប្រើប្រាស់និងក្រោយឈប់ប្រើប្រាស់ឱសថនេះរយៈពេល5សប្ដាហ៍។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ឱសថនេះមានប្រសិទ្ធិភាពទប់ស្កាត់សកម្មភាពនៃប្រូតេអ៊ីនHCV NS5A ដែលជាសារធាតុមានតួនាទីជម្រុញដំណើរការបង្កើនចំនួននៃHCVនិងប្រព័ន្ធបញ្ជូនសញ្ញានៅក្នុងកោសិកា។