Dabigatran etexilate methanesulfonate

ជាទូទៅ ឱសថនេះប្រើនៅក្នុងការបង្ការការកើតឡើងនៃជំងឺត្បៀតសរសៃឈាមក្នុងខួរក្បាលនិងជំងឺស្ទះកំណកឈាមពេញរាងកាយ ចំពោះអ្នកជំងឺញ័រថតលើនៃបេះដូងមិនទាក់ទងនឹងប្រឹស(Non-valvular atrial fibrillation, NVAF)។

ថ្នាំលេប：

មនុស្សពេញវ័យ：លេប1ដង150mg 1ថ្ងៃ2ដង។ អាចបន្ថយកម្រិតប្រើប្រាស់មកត្រឹម1ដង110mg 1ថ្ងៃ2ដង ទៅតាមការចាំបាច់។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានបញ្ហាតម្រងនោមធ្ងន់ធ្ងរ(Ccrក្រោម30mL/min)រួមទាំងអ្នកជំងឺលាងឈាមផងដែរ។

・អ្នកដែលកំពុងមានអាការៈហូរឈាមឬមានហានិភ័យនៃការហូរឈាម ឬ អ្នកដែលមានបញ្ហាទាក់ទងនឹងដំណើរការនៃកំណកឈាម។

・អ្នកដែលមានជំងឺផ្នែកសរីរាង្គណាមួយដែលមានហានិភ័យនៃការហូរឈាម(រួមទាំងករណីអ្នកដែលកើតជំងឺហូរឈាមក្នុងខួរក្បាលក្នុងអំឡុងពេល6ខែផងដែរ)។

・អ្នកដែលកំពុងមានបំពង់Catheterនៅឆ្អឹងខ្នងឬខាងក្រៅភ្នាសរឹង(Epidural catheter) ឬ ទើបទទួលការដកបំពង់នោះចេញក្នុងអំឡុងពេល1ម៉ោង។

・អ្នកដែលកំពុងប្រើប្រាស់ឱសថItraconazole(ថ្នាំលេប)។

ផលរំខានរួមមាន រំលាយអាហារមិនសូវបានល្អ រាករូស ឈឺពោះផ្នែកខាងលើ ចង់ក្អួត ឈឺទ្រូង ហូរឈាមក្រោមស្បែក នោមលាយឈាម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឈឺក្បាល ឈឺពោះ លាមកពណ៌ខ្មៅ លាមកមានឈាម នោមលាយឈាម ឈាមតាមអញ្ចាញធ្មេញ ហូរឈាមក្រោមស្បែក ចង់ក្អួត វិលមុខ (រោគសញ្ញានៃការហូរឈាម(ហូរឈាមនៅក្រពះពោះវៀន ហូរឈាមនៅក្នុងក្បាល)

- ក្អក ពិបាកដកដង្ហើម ក្ដៅខ្លួន (រលាកសួតប្រភេទInterstitial pneumonia)

- កន្ទាលត្រអាក ហើមមុខ ពិបាកដកដង្ហើម (រោគប្រតិកម្មធ្ងន់ធ្ងរ)

- អស់កម្លាំង បាត់បង់ចំណង់អាហារ ភ្នែកនិងស្បែកប្រែពណ៌លឿង (មុខងារថ្លើមមានបញ្ហា ខាន់លឿង)។

・ឱសថItraconazole(ថ្នាំលេប) - អាចធ្វើអោយកំហាប់ក្នុងឈាមនៃDabigatranកើនឡើង នាំអោយហានិភ័យនៃការហូរឈាមកើនឡើង។ ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងកំណកឈាម(Heparin, Warfarin, Enoxaparin sodium, Fondaparinux sodium, Dabigatran etexilate methanesulfonate ជាដើម), ឱសថដែលទប់ស្កាត់ប្រតិកម្មនៃការផ្ដុំប្លាកែត(Aspirin, Dipyridamole, Ticlopidine, Clopidogrel, NSAIDs ជាដើម), ឱសថរំលាយកំណកឈាម(Urokinase, t-PA ជាដើម), ឱសថប្រភេទSSRIឬSNRI - អាចធ្វើអោយហានិភ័យនៃការហូរឈាមកើនឡើង។

・ឱសថVerapamil, Amiodarone, Quinidine, Tacrolimus, Ciclosporin, Ritonavir, Nelfinavir, Saquinavir, Clarithromycin ជាដើម - អាចធ្វើអោយកំហាប់ក្នុងឈាមនៃDabigatranកើនឡើង។

・ឱសថRifampicin, ឱសថPhenytoin, ឱសថCarbamazepine, ឱសថPhenobarbital, អាហារបំប៉នដែលមានផ្ទុកសារធាតុSt. Johnʼs

Wort - អាចធ្វើអោយកំហាប់ក្នុងឈាមនៃDabigatranថយចុះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・នៅក្នុងការប្រើប្រាស់ឱសថនេះ ត្រូវប្រុងប្រយ័ត្នជាពិសេសចំពោះផលរំខាននៃការហូរឈាមធ្ងន់ធ្ងរ ព្រោះអាចមានគ្រោះថ្នាក់ដល់ជីវិតរបស់អ្នកជំងឺ។ ដោយសារការពិនិត្យសមត្ថភាពកំណកឈាមតាមរយៈការវាស់PT-INR រយៈពេលAPTT ជាដើម នឹងមិនបង្ហាញភាពសុក្រិតនោះទេ ដូច្នេះ គួរកត់សម្គាល់ទៅលើរោគសញ្ញានៃការហូរឈាមផ្សេងៗដែលកើតមាននៅលើអ្នកជំងឺជាជាងលទ្ធផលនៃការពិនិត្យទាំងនេះ។

・ឱសថនេះនឹងធ្វើអោយឈាមក្រកក ដូច្នេះ ត្រូវប្រុងប្រយ័ត្ននៅពេលអ្នកជំងឺត្រូវទទួលការវះកាត់ឬការព្យាបាលធ្មេញជាដើម។ ម្យ៉ាងទៀត ត្រូវសង្កេតមើលរោគសញ្ញានៃការហូរឈាមខុសប្រក្រតីផ្សេងៗជាប្រចាំ។

・មិនមានប្រតិកម្មជាមួយនឹងវីតាមីនKនោះទេ ហើយមិនត្រូវការការតាមដានតាមរយៈការពិនិត្យឈាម(រយៈពេលប្រូត្រុំប៊ីន(Prothrombin time))នោះទេ។

ឱសថនេះមានប្រសិទ្ធិភាពទប់ស្កាត់សកម្មភាពនៃសារធាតុត្រុំប៊ីន(Thrombin)ដែលមានតួនាទីបំលែងសារធាតុហ្វ៊ីប្រ៊ីនណូជេន(Fibrinogen)ទៅជាហ្វ៊ីប្រ៊ីន(Fibrin) ដើម្បីទប់ស្កាត់សកម្មភាពនៃបណ្ដុំសរសៃហ្វ៊ីប្រ៊ីន(Fibrin)ទៅជាកំណកឈាម។