Cortisone acetate

ជាទូទៅ ឱសថនេះប្រើនៅក្នុងការព្យាបាលជំងឺដូចខាងក្រោម ៖

- ជំងឺទាក់ទងនឹងការបញ្ចេញអរម៉ូនក្នុងរាងកាយ (ជំងឺចុះខ្សោយមុខងារAdrenal cortexស្រួចស្រាវឬរ៉ាំរ៉ៃ(Adrenocortical insufficiency) ជំងឺទាក់ទងនឹងសរីរាង្គបន្តពូជដោយសារការបញ្ចេញអរម៉ូនភេទច្រើនខុសប្រក្រតីពីAdrenal cortex (Adrenogenital syndrome) ជំងឺកង្វះACTH (Isolated ACTH deficiency) ជំងឺរលាកក្រពេញទីរ៉ូអ៊ីតស្រួចស្រាវ រោគសញ្ញាភ្នែកលៀនដោសាយជំងឺក្រពេញទីរ៉ូអ៊ីត)

- ជំងឺទាក់ទងនឹងភាពខុសប្រក្រតីនៃប្រព័ន្ធភាពស៊ាំ (ជំងឺរូម៉ាទីស(Rheumatism), ជំងឺអេរីតេម៉ាតូស(Lupus erythematosus))

- ជំងឺតម្រងនោមNephrosisឬNephrotic syndrome

- ជំងឺទាក់ទងនឹងរោគប្រតិកម្ម (ជំងឺហឺត, ជំងឺរលាកទងសួតលក្ខណៈហឺត(Asthmatic bronchitis), រោគប្រតិកម្មទល់នឹងឱសថឬសារធាតុគីមីផ្សេងៗ)

- ជំងឺទាក់ទងនឹងប្រព័ន្ធឈាម (ជំងឺខ្វះឈាមប្រភេទHemolytic anemiaឬAplastic anemia ជំងឺមហារីកគ្រាប់ឈាមស ជំងឺខ្វះឈាមប្រភេទAplastic anemia។ល។)

- ជំងឺទាក់ទងនឹងប្រព័ន្ធរំលាយអាហារ (ជំងឺរលាកពោះវៀនមិនរាលដាល, ជំងឺរលាកពោះវៀនធំលក្ខណៈដំបៅ)

- ជំងឺក្រិនថ្លើម ជំងឺរលាកថ្លើមរ៉ាំរ៉ៃឬប្រភេទស្ទះទឹកប្រមាត់

- ជំងឺទាក់ទងនឹងប្រព័ន្ធផ្លូវដង្ហើម (ជំងឺរលាកសួតប្រភេទInterstitial pneumoniaលក្ខណៈរាលដាល ជំងឺក្រិនសួត ជំងឺរលាកសួតដោយសារវិទ្យុសកម្ម)

- ជំងឺឆ្លងលក្ខណៈធ្ងន់ធ្ងរ

- ជំងឺរបេង

- ជំងឺទាក់ទងនឹងប្រព័ន្ធសរសៃប្រសាទ (ជំងឺរលាកខួរក្បាលឬខួរឆ្អឹងខ្នង, ជំងឺរឹងនៅតាមសរសៃប្រសាទដោយសារខូចជាលិកាព័ទ្ធជុំវិញសរសៃប្រសាទ(Multiple sclerosis) ជាដើម)

- ជំងឺមហារីកកោសិកានៃប្រព័ន្ធទឹករងៃ(Malignant lymphoma)និងជំងឺស្រដៀនោះ។

- ជំងឺកម្រិតជាតិស្ករក្នុងឈាមទាប(Idiopathic hypoglycemia)

- អាការៈក្អួតចង្អោរបង្កឡើងដោយសារឱសថប្រឆាំងជំងឺមហារីក

- រោគសញ្ញាក្រោយពីការវះកាត់ក្រពេញអាដ្រេណាល់(Adrenal gland) ឬ ការវះកាត់ផ្លាស់ប្ដូរសរីរាង្គឬជាលិកា

- ជំងឺទាក់ទងនឹងការវះកាត់ក្រពេញអាដ្រេណាល់(Adrenal gland)

- អាការៈរលាក ឡើងកន្ទួលក្រហមឬរមាស់លើស្បែកដោយសារជំងឺស្បែកផ្សេងៗ

- ជំងឺរលាកភ្នែក ក្នុងភ្នែក ឬ សរសៃប្រសាទភ្នែក

- ជំងឺរលាកច្រមុះលក្ខណៈរោគប្រតិកម្ម រោគប្រតិកម្មទៅនឹងលម្អងផ្កា។

សម្គាល់ ៖ ឱសថនេះអាចប្រើចំពោះជំងឺផ្សេងទៀតជាច្រើនក្រៅអំពីជំងឺខាងលើនេះ។ ម្យ៉ាងទៀត វិធីប្រើប្រាស់និងផ្នែកនៃរាងកាយដែលត្រូវបញ្ចូលឱសថប្រែប្រួលទៅតាមប្រភេទជំងឺនីមួយៗ។ សូមពិនិត្យមើលព័ត៌មានបន្ថែម។

ថ្នាំលេប：

មនុស្សពេញវ័យ：លេប1ថ្ងៃ12.5～150mg បែងចែកជា1～4ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថDesmopressin acetate hydrate។

ជាគោលការណ៍ អ្នកជំងឺដូចខាងក្រោមមិនត្រូវប្រើប្រាស់ឱសថនេះទេ។ ករណីចាំបាច់ត្រូវប្រើ ត្រូវតាមដានស្ថានភាពជំងឺនិងផលរំខានឱសថអោយបានដិតដល់។

・អ្នកដែលមានជំងឺឆ្លងដែលមិនមានឱសថព្យាបាលដែលមានប្រសិទ្ធិភាពនៅឡើយ ឬ អ្នកដែលមានជំងឺឆ្លងមេរោគផ្សិតពេញរាងកាយ។

・អ្នកដែលមានជំងឹដំបៅក្រពះពោះវៀន។

・អ្នកដែលមានជំងឺទាក់ទងនឹងស្មារតី។

・អ្នកដែលមានជំងឺរបេងផ្សេងៗ។

・អ្នកដែលមានជំងឺរលាកកញ្ចក់ភ្នែកដោយសារវីរុសរើម (Herpes simplex keratitis)។

・អ្នកដែលមានជំងឺភ្នែកឡើងបាយប្រភេទPosterior cataract។

・អ្នកដែលមានជំងឺក្លូកូម (Glaucoma)។

・អ្នកដែលមានជំងឺលើសសម្ពាធឈាម។

・អ្នកដែលមានអតុល្យភាពកម្រិតអេឡិចត្រូឡាយក្នុងរាងកាយ។

・អ្នកដែលមានជំងឹកំណកឈាម (Thrombosis)។

・អ្នកដែលមានរបួសនៅសរីរាង្គខាងក្នុងដោយសារការវះកាត់ថ្មីៗ។

・អ្នកដែលកើតមានអាការៈស្ទះសរសៃឈាមក្នុងបេះដូងស្រួចស្រាវ។

ងាយកើតជំងឺឆ្លងឬធ្វើអោយជំងឺឆ្លងកាន់តែធ្ងន់ធ្ងរ ជំងឺទឹកនោមផ្អែម ជំងឺដំបៅក្រពះពោះវៀន ស្មារតីប្រែប្រួល ជំងឺពុកឆ្អឹង ជំងឺទាក់ទងនឹងសាច់ដុំ ។ល។

ហេតុផលធ្វើអោយឱសថស្តេរ៉ូអ៊ីតមានប្រសិទ្ធិភាពព្យាបាលជំងឺហឺតនៅមិនទាន់មានទ្រឹស្ដីបញ្ជាក់ច្បាស់លាស់នៅឡើយទេ ប៉ុន្តែ គេសន្មតថាសកម្មភាពខាងក្រោមនៃឱសថនេះរួមចំណែកនៅក្នុងប្រសិទ្ធិភាពរបស់ឱសថនេះ៖

・កាត់បន្ថយអាការៈហើមនៃភ្នាសរបស់ទងសួត

・ទប់ស្កាត់សកម្មភាពនៃអង់ស៊ីមPhospholipase A2 ដើម្បីបង្អាក់ដំណើរការផលិតសារធាតុប្រូស្តាក្លង់ឌីន(Prostaglandin) និង ឡឺកូទ្រីអេន(Leukotriene)

・បង្កើនប្រសិទ្ធិភាពនៃគ្រឿងទទួល(Receptor)នៅក្នុងការទទួលការភ្ញោច។

・កាត់បន្ថយបរិមាណនៃគ្រាប់ឈាមសប្រភេទEosinophil។