Conjugated estrogens

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

      - អាការៈផ្សេងៗនៅក្រោយពេលវះកាត់យកក្រពេញអូវែរចេញ

      - ជំងឺខ្សោយមុខងារក្រពេញអូវែរ

      - ជំងឺឈានចូលវ័យចំណាស់(Climacteric disorder)

      - ជំងឺរលាកទ្វារមាស

      - ជំងឺធ្លាក់ឈាមពីស្បូនដោយសារអតុល្យភាពអរម៉ូន។

    • កម្រិតប្រើប្រាស់

      ថ្នាំលេប：

      មនុស្សពេញវ័យ：លេប1ថ្ងៃ0.625～1.25mg។ ករណីជំងឺរលាកទ្វារមាសនិងជំងឺធ្លាក់ឈាមពីស្បូនដោយសារអតុល្យភាពអរម៉ូន លេប1ថ្ងៃ0.625～3.75mg។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

      ・អ្នកដែលកំពុងមានឬសង្ស័យថាមានជំងឺមហារីកទាក់ទងនឹងអរម៉ូនស្ត្រីអេស្ត្រូជេន(Estrogen) (ជំងឺមហារីកសុដន់ ជំងឺមហារីកភ្នាសក្នុងស្បូន(Endometrial carcinoma) ជាដើម)។

      ・អ្នកដែលធ្លាប់មានជំងឺមហារីកសុដន់។

      ・អ្នកដែលកំពុងឬធ្លាប់មានជំងឺរលាកសរសៃវ៉ែនដោយសារកំណកឈាម(Thrombophlebitis) ឬ ជំងឺស្ទះសរសៃឈាមនៅក្នុងសួតដោយសារកំណកឈាម(Pulmonary embolism )។

      ・អ្នកដែលកំពុងឬធ្លាប់មានជំងឺស្ទះសរសៃឈាមអាកទែរដោយសារកំណកឈាម(ជំងឺស្ទះសរសៃឈាមឬហូរឈាមក្នុងខួរក្បាល ជំងឺទាក់ទងនឹងសរសៃឈាមបេះដូង ជាដើម)។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

      ・អ្នកដែលមានជំងឺថ្លើមធ្ងន់ធ្ងរ។

      ・អ្នកដែលកំពុងមានអាការៈធ្លាក់ឈាមនៅប្រដាប់ភេទខុសប្រក្រតីដែលមិនទាន់ដឹងអំពីមូលហេតុពិតប្រាកដ។

      ・អ្នកដែលកំពុងមានជំងឺភ្នាសក្នុងស្បូនឡើងក្រាស់(Endometrial hyperplasia)ដែលមិនទាន់ទទួលការព្យាបាល។

    • ផលរំខាន

      ផលរំខានរួមមាន ឡើងកន្ទួលក្រហម រមាស់ ហើមត្របកភ្នែក បំពង់កឬអណ្ដាត កើនទម្ងន់ ហើមខ្លួន តឹងដោះ ឈឺដោះ ឈឺក្បាល វិលមុខ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - ហើមនិងឈឺនៅជើង ដង្ហក់ ឈឺទ្រូង ឈឺក្បាល ពិបាកដកដង្ហើមភ្លាមៗ មើលមិនសូវច្បាស់ (ជំងឺកំណកឈាម(Thrombosis) ជំងឺស្ទះដោយសារកំណកឈាម(Thromboembolism))។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថបញ្ចុះជាតិស្ករក្នុងឈាម - អាចធ្វើអោយប្រសិទ្ធិភាពបញ្ចុះជាតិស្ករក្នុងឈាមនៃឱសថទាំងនេះថយចុះ។

      ・ឱសថIpriflavone - អាចធ្វើអោយសកម្មភាពនៃអរម៉ូនEstrogenកើនឡើង។

      ・ឱសថស្តេរ៉ូអ៊ីត (Prednisoloneជាដើម) - អាចធ្វើអោយសកម្មភាពនៃឱសថទាំងនេះកើនឡើង។

    • ស្ត្រីមានផ្ទៃពោះ និង ស្ត្រីបំបៅដោះកូន

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើប្រាស់ឱសថនេះនោះទេ។

    • ការប្រុងប្រយ័ត្នជាពិសេស

      ・ការជក់បារីអាចធ្វើអោយហានិភ័យនៃកើតមានជំងឺកំណកឈាម(ស្ទះសរសៃឈាមដោយសារកំណកឈាម)កើនឡើង ដូច្នេះ អ្នកជំងឺគួរចៀសវាងការជក់បារី នៅក្នុងអំឡុងពេលប្រើប្រាស់ឱសថនេះ។

      ・ករណីប្រើប្រាស់ឱសថនេះរយៈពេលយូរ ត្រូវប្រុងប្រយ័ត្នចំពោះផលរំខានរបស់ឱសថ ដោយអ្នកជំងឺគួរទទួលការពិនិត្យសុខភាពទាក់ទងនឹងជំងឺមហារីកសុដន់ ជំងឺសរសៃឈាមនៅក្នុងបេះដូងនិងខួរក្បាលជាប្រចាំ ដើម្បីចៀសវាងពីគ្រោះថ្នាក់នៃជំងឺទាំងនេះ។

      ・ស្ត្រីអស់រដូវដែលប្រើប្រាស់ឱសថនេះរយៈពេលវែងអាចប្រឈមមុខនឹងការកើតជំងឺមហារីកស្បូន។

      ・ត្រូវពន្យល់ប្រាប់អ្នកជំងឺជាមុនអំពីការហូរឈាមពីប្រដាប់ភេទជាបណ្ដោះអាសន្ន នៅពេលចាប់ផ្ដើមប្រើឱសថនេះដំបូង។

    • សកម្មភាពឱសថ

      ឱសថនេះមានទម្រង់និងសកម្មភាពដូចទៅនឹងអរម៉ូនស្ត្រីអេស្ត្រូជេន(Estrogen)នៅក្ហុងរាងកាយ។ កង្វះឬអតុល្យភាពនៃអរម៉ូននេះនៅក្នុងរាងកាយអាចបង្កជាជំងឺផ្សេងៗ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល