Colestyramine

ជាទូទៅ ឱសថនេះប្រើនៅក្នុងការព្យាបាលជំងឺលើសកម្រិតកូឡេស្តេរ៉ូលក្នុងឈាម និង ប្រើនៅក្នុងការកម្ចាត់សារធាតុសកម្មពីប្រតិកម្មនៃឱសថLeflunomideពីក្នុងរាងកាយ។

ថ្នាំលេប：

・ជំងឺលើសកម្រិតកូឡេស្តេរ៉ូលក្នុងឈាម：

មនុស្សពេញវ័យ：ពិសារ1ដង4g (ថ្នាំម្សៅ44.4%ត្រូវនឹង9g) ដោយលាយជាមួយទឹក100mL 1ថ្ងៃ2～3ដង។

・ប្រើនៅក្នុងការកម្ចាត់សារធាតុសកម្មពីប្រតិកម្មនៃឱសថLeflunomideពីក្នុងរាងកាយ：

មនុស្សពេញវ័យ：ពិសារ1ដង4g (ថ្នាំម្សៅ44.4%ត្រូវនឹង9g) ដោយលាយជាមួយទឹក100mL 1ថ្ងៃ3ដង។ ករណីអ្នកជំងឺកំពុងកើតមានផលរំខានធ្ងន់ធ្ងរពីឱសថLeflunomide ពិសារឱសថនេះ1ដង8g (ថ្នាំម្សៅ44.4%ត្រូវនឹង18g) ដោយលាយជាមួយទឹក200mL 1ថ្ងៃ3ដង។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានរោគសញ្ញាស្ទះផ្លូវទឹកប្រមាត់ទាំងស្រុង ធ្វើអោយទឹកប្រមាត់មិនអាចហូរចូលពោះវៀនបាន។

ភាគច្រើនជារោគសញ្ញាក្រពះពោះវៀន ដូចជា ទល់លាមក ហើមពោះ បាត់បង់ចំណង់អាហារ ជាដើម ហើយពេលខ្លះផលរំខានទាំងនេះអាចធ្វើអោយត្រូវបញ្ឈប់ការប្រើប្រាស់ឱសថទាំងនេះ។ ម្យ៉ាងទៀត ការប្រើប្រាស់ឱសថនេះអាចកាត់បន្ថយការស្រូបវីតាមីនA,D,E,K ធ្វើអោយរយៈពេលប្រូត្រុំប៊ីន (Prothrombin time, PT)អូសបន្លាយ ដូច្នេះ ត្រូវប្រុងប្រយ័ត្នចំពោះចំណុចនេះ។

・នៅពេលប្រើជាមួយឱសថផ្សេងទៀត អាចមានប្រតិកម្មភ្ជាប់ទៅនឹងឱសថទាំងនោះ ធ្វើអោយការស្រូបសារធាតុឱសថថយចុះ។ ម្យ៉ាងទៀត ត្រូវប្រើឱសថនេះដោយលាយជាមួយទឹក។

・ឱសថនេះមានប្រសិទ្ធិភាពបញ្ចុះកម្រិតកូឡេស្តេរ៉ូល(15～25%) ប៉ុន្តែ អាចធ្វើអោយកម្រិតទ្រីគ្លីសេរីត(Triglycerides)កើនឡើងបន្តិចបន្តួច។ ជាចម្បង ឱសថមានប្រសិទ្ធិភាពបញ្ចុះកម្រិតកូឡេស្តេរ៉ូលអាក្រក់(LDL)ប៉ុណ្ណោះ។

ជាធម្មតា អាស៊ីតនៃទឹកប្រមាត់ដែលចូលដល់ពោះវៀននឹងត្រូវស្រូបចូលទៅក្នុងសរីរាង្គថ្លើមវិញ។ឱសថនេះមានសកម្មភាពភ្ជាប់ទៅនឹងអាស៊ីតនៃទឹកប្រមាត់នៅក្នុងពោះវៀន ដើម្បីបញ្ចេញទៅតាមលាមក។ ដូច្នេះ ថ្លើមនឹងចាប់ផ្ដើមផលិតអាស៊ីតនៃទឹកប្រមាត់ជាថ្មី ដោយប្រើប្រាស់កូឡេស្តេរ៉ូលជាវត្ថុធាតុដើម ធ្វើអោយកម្រិតកូឡេស្តេរ៉ូលនៅក្នុងថ្លើមថយចុះ ហើយថ្លើមនឹងស្រូបយកកូឡេស្តេរ៉ូលពីក្នុងចរន្តឈាម។ ជាលទ្ធផល កម្រិតកូឡេស្តេរ៉ូលក្នុងឈាមថយចុះ។