Clotrimazole

ផលិតផល: 

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ស្ត្រីមានផ្ទៃពោះ និង ស្ត្រីបំបៅដោះកូន
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ករណីថ្នាំសុលតាមទ្វារមាស：

      ជាទូទៅ ឱសថនេះប្រើនៅក្នុងការព្យាបាលជំងឺរលាកខាងក្នុងនិងខាងក្រៅទ្វារមាសបណ្ដាលមកពីមេរោគផ្សិតCandida។

      ករណីថ្នាំលាប：

      ជាទូទៅ ឱសថនេះប្រើនៅក្នុងការព្យាបាលជំងឺRingwormឬTinea(ជើង ចន្លោះម្រាមជើង) ជំងឺកង់ឌីដាស៊ីស(Candidiasis) ជំងឺTinea versicolor។

      ករណីថ្នាំបៀមក្នុងមាត់：

      ជាទូទៅ ឱសថនេះប្រើនៅក្នុងការព្យាបាលជំងឺបណ្ដាលមកពីមេរោគផ្សិតCandidaនៅក្នុងមាត់(កម្រិតស្រាល និង កម្រិតមធ្យម) ដែលកើតឡើងចំពោះអ្នកជំងឺឆ្លងវីរុសHIV។

    • កម្រិតប្រើប្រាស់

      ករណីថ្នាំសុលតាមទ្វារមាស：：

      ប្រើ1ថ្ងៃ1ដង 100mg សុលដល់ផ្នែកជ្រៅនៃទ្វារមាស។ ប្រើរយៈពេល6ថ្ងៃ ប៉ុន្តែ អាចបន្តប្រើប្រាស់ករណីចាំបាច់។

      ករណីថ្នាំលាប(1%)：

      លាបនៅកន្លែងមានបញ្ហា 1ថ្ងៃ2～3ដង។

      ករណីថ្នាំបៀមក្នុងមាត់(10mg/គ្រាប់)：

      មនុស្សពេញវ័យ：ប្រើ1ដង10mg, 1ថ្ងៃ5ដង(ចាប់ពីពេលក្រោកពីគេងរហូតដល់ពេលចូលគេង ដោយទុកគម្លាត3～4ម៉ោងរវាងការប្រើម្ដងៗ) បៀមក្នុងមាត់រហូតដល់ឱសថរលាយអស់ ដោយមិនត្រូវបំបែក ឬ លេប ឬ ជញ្ជក់ខ្លាំងៗនោះទេ។ ជាទូទៅ រយៈពេលប្រើប្រាស់គឺ14ថ្ងៃ ប៉ុន្តែ ប្រសិនបើប្រើ7ថ្ងៃហើយ រោគសញ្ញាមិនធូរស្បើយទេ គួរបញ្ឈប់ការប្រើប្រាស់ឱសថនេះនិងប្ដូរទៅការព្យាបាលផ្សេៗទៀត។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

    • ផលរំខាន

      ករណីថ្នាំសុលក្នុងទ្វារមាស និង ថ្នាំលាប：

      ផលរំខានរួមមាន ឡើងកន្ទួលក្រហម រមាស់ ក្រហាយ ក្ដៅ ឈឺ ។ល។

      ករណីថ្នាំបៀម：

      ផលរំខានរួមមាន ក្អួតចង្អោរ ឈឺពោះ ស្ងួតឬឈឺក្នុងមាត់ ក្រហាយក្នុងមាត់ រមាស់ ។ល។

    • អន្តរប្រតិកម្ម

      ករណីថ្នាំបៀម：

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថTacrolimus hydrate - អាចធ្វើអោយកំហាប់ក្នុងឈាមនៃTacrolimusកើនឡើង។

    • ស្ត្រីមានផ្ទៃពោះ និង ស្ត្រីបំបៅដោះកូន

      ករណីថ្នាំសុលក្នុងទ្វារមាស និង ថ្នាំលាប：

      ・ស្ត្រីមានផ្ទៃពោះ(ក្រោម3ខែ)ឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

      ករណីថ្នាំបៀម：

      ・ស្ត្រីមានផ្ទៃពោះ(ក្រោម3ខែ)ឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

      ・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

    • ការប្រុងប្រយ័ត្នជាពិសេស

      ករណីថ្នាំបៀម：

      ・មិនត្រូវខាំបំបែក ឬ លេបឱសថនេះទេ ត្រូវបៀមទុកនៅក្នុងមាត់រហូតដល់ឱសថរលាយអស់។

    • សកម្មភាពឱសថ

      ជាឱសថប្រឆាំងមេរោគផ្សិតប្រភេទImidazole antifungal ដោយមានប្រសិទ្ធិភាពភ្ជាប់ទៅនឹងភ្នាសកោសិកានិងភ្នាសណ្វៃយ៉ូនៃកោសិកាមេរោគផ្សិតធ្វើអោយភ្នាសមានលក្ខណៈប្រែប្រួល ហើយកោសិការបស់មេរោគផ្សិតមិនអាចរស់រានឬកើនចំនួនបាន។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល