Clomipramine hydrochloride

ករណីថ្នាំលេប：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺឬអាការៈបាក់ទឹកចិត្ត(Depression)

- អាការៈនោមដោយមិនដឹងខ្លួន (Enuresis ឬ Bedwetting)

- រោគសញ្ញានៃជំងឺងងុយគេងខ្លាំងខុសប្រក្រតី (Narcolepsy)។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលជំងឺឬអាការៈបាក់ទឹកចិត្ត(Depression)។

ករណីថ្នាំលេប：

・ជំងឺឬអាការៈបាក់ទឹកចិត្ត(Depression)：

មនុស្សពេញវ័យ：លេប1ថ្ងៃ 50～100mg បែងចែកជា1～3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃ គឺ 225mg។

・អាការៈនោមដោយមិនដឹងខ្លួន (Enuresis ឬ Bedwetting)：

- កុមារអាយុក្រោម6ឆ្នាំ：លេប1ថ្ងៃ 10～25mg បែងចែកជា1～2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- កុមារអាយុ6ឆ្នាំឡើងទៅ：លេប1ថ្ងៃ 20～50mg បែងចែកជា1～2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・រោគសញ្ញានៃជំងឺងងុយគេងខ្លាំងខុសប្រក្រតី (Narcolepsy)：

មនុស្សពេញវ័យ：លេប1ថ្ងៃ 10～75mg បែងចែកជា1～3ដងក្នុង1ថ្ងៃ។

ករណីថ្នាំចាក់：

មនុស្សពេញវ័យ：ប្រើ1ថ្ងៃ1ដង25mg លាយនៅក្នុងសេរ៉ូមប្រៃឬសេរ៉ូមគ្លុយកូស5%បរិមាណ 250～500mL រួចព្យួរសេរ៉ូមនោះតាមសរសៃវ៉ែនរយៈពេល2～3ម៉ោង។ បន្ទាប់ពីនោះ បង្កើនកម្រិតប្រើបន្តិចម្ដងៗ ដោយអាចបង្កើនដល់1ដង75mg។ ឱសថនេះអាចបង្ហាញប្រសិទ្ធិភាពក្នុងអំឡុងពេល1សប្ដាហ៍នៃការប្រើប្រាស់ ដូច្នេះ ក្រោយអាការៈធូរស្បើយ ត្រូវប្ដូរទៅជាការប្រើប្រាស់ថ្នាំលេបវិញដោយយឺតៗ។

・អ្នកដែលមានជំងឺក្លូកូមប្រភេទបិទជិទ(Angle-closure glaucoma)។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះឬឱសថប្រភេទTricyclic antidepressants។

・អ្នកជំងឺស្ទះសរសៃឈាមបេះដូងដែលស្ថិតក្នុងដំណាក់កាលដំបូងនៃការធូរស្បើយ។​

・អ្នកដែលមានអាការៈស្ទះផ្លូវទឹកនោម (ជំងឺទាក់ទងនឹងក្រពេញប្រូស្តាត ជាដើម)។

・អ្នកដែលកំពុងប្រើប្រាស់ឱសថប្រភេទMonoamine oxidase inhibitors (ឱសថSelegiline hydrochloride ឱសថRasagiline mesilate) ឬ ស្ថិតក្នុងអំឡុងពេល2សប្ដាហ៍បន្ទាប់ពីបញ្ឈប់ការប្រើឱសថទាំងនេះ។

・អ្នកដែលមានបណ្ដុំរោគសញ្ញាអូសបន្លាយQTនៃចង្វាក់បេះដូង(Long QT syndrome)។

ផលរំខានដោយសារសកម្មភាពប្រឆាំងកូលីនខ្លាំង (ស្ងួតក ទល់លាមក ពិបាកនោម) វិលមុខ ងងុយគេង បេះដូងលោតញាប់ ញ័រដៃជើង ។ល។

・ឱសថទាំងនេះមិនបង្ហាញប្រសិទ្ធិភាពភ្លាមៗនោះទេ ដោយត្រូវការរយៈពេលប្រហែល2សប្ដាហ៍។

・ហាមប្រើឱសថទាំងនេះចំពោះអ្នកដែលមានជំងឺក្លូកូម(Glaucoma) ជំងឺរីកក្រពេញប្រូស្តាត ឬ ជំងឺស្ទះការបញ្ជូនសញ្ញាក្នុងបេះដូង។

ទប់ស្កាត់ការស្រូបចូលវិញនៃសារធាតុន័រអាដ្រេណាលីន(Noradrenaline)និងសារធាតុសេរ៉ូតូនីន (Serotonin)ជាដើម ចូលទៅក្នុងកោសិកាសរសៃប្រសាទ។