Cladribine

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺមហារីកHairy cell leukemia

- ជំងឺមហារីកកោសិកាប្រព័ន្ធទឹករងៃប្រភេទLow-grade B-cell non-Hodgkin lymphoma ប្រភេទFollicular B-cell non-Hodgkin lymphoma និង ប្រភេទMantle cell lymphoma ដែលកើតឡើងវិញឬពិបាកព្យាបាល។

ថ្នាំចាក់：

・ជំងឺមហារីកHairy cell leukemia：

មនុស្សពេញវ័យ：ប្រើ1ថ្ងៃ0.09mg/kg ដោយព្យួរសេរ៉ូមតាមសរសៃវ៉ែនជាប់ជានិច្ចរយៈពេល7ថ្ងៃ (1វដ្ដ)។

・ជំងឺមហារីកកោសិកាប្រព័ន្ធទឹករងៃប្រភេទLow-grade B-cell non-Hodgkin lymphoma ប្រភេទFollicular B-cell non-Hodgkin lymphoma និង ប្រភេទMantle cell lymphoma ដែលកើតឡើងវិញឬពិបាកព្យាបាល：

- ករណីប្រើដោយព្យួរសេរ៉ូមតាមសរសៃវ៉ែនជាប់ជានិច្ចរយៈពេល7ថ្ងៃ：មនុស្សពេញវ័យ ប្រើ1ថ្ងៃ0.09mg/kg ដោយព្យួរសេរ៉ូមតាមសរសៃវ៉ែនជាប់ជានិច្ចរយៈពេល7ថ្ងៃ។ បន្ទាប់ពីនោះ ផ្អាកការប្រើប្រាស់រយៈពេល3～5ថ្ងៃ (1វដ្ដ)។ អនុវត្តវដ្ដដូចគ្នានេះម្ដងហើយម្ដងទៀត។

- ករណីប្រើដោយព្យួរសេរ៉ូមតាមសរសៃវ៉ែនរយៈពេល2ម៉ោង និង បន្តប្រើរយៈពេល5ថ្ងៃ：មនុស្សពេញវ័យ ប្រើ1ថ្ងៃ1ដង0.12mg/kg ដោយព្យួរសេរ៉ូមតាមសរសៃវ៉ែនរយៈពេល2ម៉ោង។ ប្រើក្នុងកម្រិតនេះរយៈពេល5ថ្ងៃជាប់គ្នា។ បន្ទាប់ពីនោះ ផ្អាកការប្រើប្រាស់រយៈពេលយ៉ាងហោចណាស់23ថ្ងៃ (1វដ្ដ)។ អនុវត្តវដ្ដដូចគ្នានេះម្ដងហើយម្ដងទៀត។

・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ផលរំខានរួមមាន ជំងឺឆ្លង ចង់ក្អួត កន្ទួលក្រហមលើស្បែក ឈឺក្បាល ស្រកទម្ងន់ ក្ដៅខ្លួន ប្រតិកម្មនៅកន្លែងចាក់(ឈឺចាប់ អារម្មណ៍ក្ដៅ ហើមជាដើម) រាករូស ទល់លាមក រលាកក្រពះ នឿយហាត់។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្ដៅខ្លួន ងាយហូរឈាម ឆាប់ហត់ ដកដង្ហើមដង្ហក់ (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

- ក្ដៅខ្លួន រួយខ្លួន ពិបាកដកដង្ហើម ដកដង្ហើមដង្ហក់ (ជំងឺឆ្លងមេរោគលក្ខណៈធ្ងន់ធ្ងរ)

- បាត់បង់ស្មារតី អាការៈស្ពឹក ការនិយាយស្ដីខុសប្រក្រតី គំហើញមានលក្ខណៈខុសប្រក្រតី (Progressive multifocal leukoencephalopathy, PML)

- ឈឺពោះ ក្អួតឬស្លេស្មលាយឈាម លាមកលាយឈាមឬលាមកពណ៌ខ្មៅ (រោគសញ្ញាហូរឈាមនៅក្រពះពោះវៀន)

- អាការៈស្ពឹកឬឈឺដៃជើង ដៃជើងមិនសូវដឹងញាណ (ប៉ះពាល់ប្រព័ន្ធសរសៃប្រសាទធ្ងន់ធ្ងរ)

- បរិមាណទឹកនោមថយចុះ នោមលាយឈាម ស្មារតីដឹងខ្លួនថយចុះ សាច់ដុំកន្ត្រាក់ (រោគសញ្ញាTumor lysis syndrome)

- ក្ដៅខ្លួន ក្អកគ្មានស្លេស្ម ពិបាកដកដង្ហើម (ជំងឺរលាកសួតInterstitial pneumonia)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ ព្រោះអាចប៉ះពាល់ដល់ទារកក្នុងផ្ទៃ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ស្ត្រីដែលស្ថិតក្នុងអាយុអាចមានផ្ទៃពោះ គួរចៀសវាងការមានផ្ទៃពោះ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលដោយប្រើឱសថនេះ។

・ដោយសារផលរំខាននៃឱសថនេះប៉ះពាល់មុខងារផលិតគ្រាប់ឈាមរបស់ខួរឆ្អឹងអាចធ្វើអោយអ្នកជំងឹកើតមានជំងឺឆ្លងធ្ងន់ធ្ងរជាដើម ហើយប្រព័ន្ធភាពស៊ាំអាចនឹងមានការថយចុះខ្លាំង ដូច្នេះ ក្នុងអំឡុងពេលប្រើប្រាស់ឱសថនេះ អ្នកជំងឺត្រូវទទួលការពិនិត្យជាញឹកញាប់ ដូចជា ការពិនិត្យឈាម ការពិនិត្យមុខងារតម្រងនោម ការពិនិត្យមុខងារថ្លើម ជាដើម។

・ត្រូវប្រុងប្រយ័ត្នចំពោះផលរំខានធ្ងន់ធ្ងរប៉ះពាល់ប្រព័ន្ធសរសៃប្រសាទ។

ឱសថនេះទទួលប្រតិកម្មពីអង់ស៊ីមDeoxycytidine kinaseដើម្បីបំលែងទៅជាម៉ូលេគុល2-CdAMP។ 2-CdAMPនឹងប្រមូលផ្ដុំច្រើននៅក្នុងកោសិកា រួចបំលែងបន្តទៅជា2-CdATP ដែលមានឥទ្ធិពលសម្លាប់កោសិកាមហារីក។ ឱសថនេះបង្ហាញសកម្មភាពតែនៅក្នុងកោសិកាដែលអង់ស៊ីមDeoxycytidine kinaseមានលក្ខណៈសកម្មខ្លាំង ហើយអង់ស៊ីម5'-

nucleotidaseមានលក្ខណៈអសកម្ម ដូចជា កោសិកាទឹករងៃ កោសិកាMonocyte។