Citicoline

ផលិតផល: 

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

      - អាការៈបាត់បង់ស្មារតីដោយសារការប៉ះទង្គិចក្បាល

      - អាការៈបាត់បង់ស្មារតីដោយសារការវះកាត់ខួរក្បាល

      - អាការៈបាត់បង់ស្មារតីនៅដំណាក់កាលស្រួចស្រាវនៃជំងឺស្ទះសរសៃឈាមក្នុងខួរក្បាល

      - ជម្រុញការធូរស្បើយឡើងវិញនៃអាការៈស្ពឹកនៅអវៈយវៈផ្នែកខាងលើរបស់អ្នកជំងឺស្ពឹកមួយចំហៀងខ្លួនដោយសារជំងឺស្ទះសរសៃឈាមឬហូរឈាមក្នុងខួរក្បាល (សម្រាប់ករណីអាការៈស្ទះសរសៃឈាមឬហូរឈាមក្នុងខួរក្បាលកើតឡើងក្នុងអំឡុងពេល1ឆ្នាំ ហើយអ្នកជំងឺកំពុងទទួលការព្យាបាលដោយចលនានិងឱសថជម្រុញសកម្មភាពខួរក្បាលជាដើម និងអាការៈស្ពឹកនៅអវៈយវៈផ្នែកខាងក្រោមស្ថិតនៅកម្រិតស្រាលនៅឡើយតែប៉ុណ្ណោះ)

      - ប្រើរួមជាមួយឱសថទប់ស្កាត់អង់ស៊ីមបំបែកប្រូតេអ៊ីន នៅក្នុងការព្យាបាលជំងឺដូចខាងក្រោម៖

      (1) រលាកលំពែងស្រួចស្រាវ

      (2) ដំណាក់កាលស្រួចស្រាវនៃជំងឺរលាកលំពែងរ៉ាំរ៉ៃ

      (3) រលាកលំពែងស្រួចស្រាវដែលកើតឡើងក្រោយការវះកាត់។

    • កម្រិតប្រើប្រាស់

      ថ្នាំចាក់：

      ・ករណីអាការៈបាត់បង់ស្មារតីដោយសារការប៉ះទង្គិចក្បាល ឬ ដោយសារការវះកាត់ខួរក្បាល：

      មនុស្សពេញវ័យ：ប្រើ1ដង100～500mg 1ថ្ងៃ1～2ដង ដោយព្យួរសេរ៉ូមតាមសរសៃវ៉ែន ឬ ចាក់ក្នុងសរសៃវ៉ែន ឬ ចាក់ក្នុងសាច់ដុំ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ・ករណីអាការៈបាត់បង់ស្មារតីនៅដំណាក់កាលស្រួចស្រាវនៃជំងឺស្ទះសរសៃឈាមក្នុងខួរក្បាល：

      ជាទូទៅ ប្រើ1ថ្ងៃ1ដង1000mg ចាក់តាមសរសៃវ៉ែន រៀងរាល់ថ្ងៃ រយៈពេល2សប្ដាហ៍។

      ・ជម្រុញការធូរស្បើយឡើងវិញនៃអាការៈស្ពឹកនៅអវៈយវៈផ្នែកខាងលើរបស់អ្នកជំងឺស្ពឹកមួយចំហៀងខ្លួនដោយសារជំងឺស្ទះសរសៃឈាមឬហូរឈាមក្នុងខួរក្បាល：

      ជាទូទៅ ប្រើ1ថ្ងៃ1ដង1000mg ចាក់តាមសរសៃវ៉ែន រៀងរាល់ថ្ងៃ រយៈពេល4សប្ដាហ៍។ ឬក៏ ប្រើ1ថ្ងៃ1ដង250mg ចាក់តាមសរសៃវ៉ែន រៀងរាល់ថ្ងៃ រយៈពេល4សប្ដាហ៍ ហើយប្រសិនបើសង្កេតឃើញអាការៈកំពុងធូរស្បើយ ត្រូវបន្តប្រើរយៈពេល4សប្ដាហ៍ទៀត។

      ・ករណីជំងឺរលាកលំពែង：

      ជាទូទៅ ប្រើ1ថ្ងៃ1ដង1000mg ចាក់តាមសរសៃវ៉ែន រៀងរាល់ថ្ងៃ រយៈពេល2សប្ដាហ៍។ ត្រូវប្រើឱសថនេះរួមជាមួយឱសថទប់ស្កាត់អង់ស៊ីមបំបែកប្រូតេអ៊ីន។

    • ហាមប្រើ

      ・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

    • ផលរំខាន

      ផលរំខានរួមមាន ឡើងកន្ទួលក្រហម គេងមិនលក់ ឈឺក្បាល វិលមុខ សាច់ដុំកន្ត្រាក់ ចង់ក្អួត បាត់បង់ចំណង់អាហារ ភ្នែកស្រវាំង សម្ពាធឈាមប្រែប្រួល អស់កម្លាំង ។ល។

      ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

      - សម្ពាធឈាមចុះទាប ថប់ក្នុងទ្រូង ពិបាកដកដង្ហើម (អាការៈប្រតិកម្មធ្ងន់ធ្ងរ(Shock))។

    • សកម្មភាពឱសថ

      ឱសថនេះមានប្រសិទ្ធិភាពជម្រុញប្រតិកម្មផ្សេងៗនៅក្នុងខួរក្បាលទាក់ទងនឹងផ្នែកស្មារតីនិងផ្នែលចលនា កែលម្អចរន្តឈាមរត់នៅក្នុងខួរក្បាល បង្កើនកម្រិតសារធាតុដូប៉ាមីន(Dopamine)នៅក្នុងខួរក្បាល ។ល។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល