Chlormadinone acetate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

- ជំងឺរាំងរដូវ

- ជំងឺវដ្តរដូវខុសប្រក្រតី(រដ្ដរដូវខ្លីពេកឬវែងពេក)

- ជំងឺបរិមាណឈាមរដូវខុសប្រក្រតី(តិចពេកឬច្រើនពេក)

- អាការៈឈឺចាប់និងរោគសញ្ញាផ្សេងៗនៅពេលមករដូវ

- ជំងឺធ្លាក់ឈាមពីស្បូនដោយសារអតុល្យភាពអរម៉ូន

- ជំងឺខ្សោយមុខងារក្រពេញអូវែរ

- ជំងឺគ្មានកូនដោយសារខ្សោយមុខងារអង្គលឿង

- ជំងឺក្រពេញប្រូស្តាតរីកធំ

- ជំងឺមហារីកក្រពេញប្រូស្តាត។

ថ្នាំលេប：

・ករណីប្រើនៅក្នុងការព្យាបាលជំងឺទាក់ទងនឹងស្ត្រីផ្សេងៗ：

មនុស្សពេញវ័យ：លេប1ថ្ងៃ2～12mg ដោយបែងចែកជា1～3ដងក្នុង1ថ្ងៃ។

・ករណីប្រើនៅក្នុងការព្យាបាលជំងឺក្រពេញប្រូស្តាតរីកធំ និង ជំងឺមហារីកក្រពេញប្រូស្តាត：

＜ប្រភេទសកម្មភាពឱសថមានរយៈពេលធម្មតា＞

ចំពោះជំងឺក្រពេញប្រូស្តាតរីកធំ លេប1ដង25mg, 1ថ្ងៃ2ដង ក្រោយបរិភោគអាហារ។ ចំពោះជំងឺមហារីកក្រពេញប្រូស្តាត លេប1ដង50mg, 1ថ្ងៃ2ដង ក្រោយបរិភោគអាហារ។

＜ប្រភេទបញ្ចេញសារធាតុឱសថយឺតៗ(L)>：

ចំពោះជំងឺក្រពេញប្រូស្តាតរីកធំ លេប1ថ្ងៃ1ដង 50mg ក្រោយបរិភោគអាហារ។

・អ្នកដែលមានជំងឺថ្លើមឬបញ្ហាថ្លើមធ្ងន់ធ្ងរ។

ផលរំខានរួមមាន ឡើងកន្ទួលក្រហម រមាស់ស្បែក ហើម កើនទម្ងន់ មិនស្រួលក្នុងក្រពះ ឡើងដោះ អសមត្ថភាពផ្លូវភេទ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- រួយខ្លួន ហើមខ្លួន ពិបាកដកដង្ហើម ឆាប់ហត់ (ជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)​)

- ឈឺនិងហើមជើង ដង្ហក់ ឈឺទ្រូងនិងក្បាល (ជំងឺកំណកឈាម(Thrombosis))

- រួយខ្លួន បាត់បង់ចំណង់អាហារ ស្បែកនិងភ្នែកប្រែពណ៌លឿង (មុខងារថ្លើមមានបញ្ហា រលាកថ្លើម ខាន់លឿង)

- រួយខ្លួន ស្រកទម្ងន់ ស្ងួតក (កម្រិតជាតិស្ករក្នុងឈាមកើនឡើង ជំងឺទឹកនោមផ្អែម)។

・ត្រូវពន្យល់ប្រាប់អ្នកជំងឺអំពីហានិភ័យនៃការរីកក្រពេញប្រូស្តាតឡើងវិញ ប្រសិនបើបញ្ឈប់ការប្រើប្រាស់ឱសថនេះ ដូច្នេះ គួរប្រើប្រាស់ឱសថនេះរយៈពេលវែង ឬ ចាប់ផ្ដើមប្រើឱសថសាជាថ្មីនៅពេលក្រពេញប្រូស្តាតរីកធំឡើងវិញ។

・ករណីព្យាបាលជំងឺមហារីកក្រពេញប្រូស្តាត(Prostate cancer) ចំពោះអ្នកជំងឺដែលមានការរីករាលដាលនៃកោសិកាមហារីកទៅផ្នែកផ្សេងតៀតនៃរាងកាយ គេប្រើឱសថនេះក្នុងករណីពិបាកព្យាបាលដោយវិធីព្យាបាលផ្សេងទៀតប៉ុណ្ណោះ។

・ឱសថនេះជាអរម៉ូនស្ត្រីប្រូជេស្តេរ៉ូន(Progesterone)ដែលត្រូវបានសំយោគឡើង និងដើម្បីបំពេញសកម្មភាពរបស់អរម៉ូនស្ត្រីប្រូជេស្តេរ៉ូនដែលខ្វះឬមិនមានតុល្យភាពនៅក្នុងរាងកាយ។

ឱសថនេះធ្វើសកម្មភាពដោយភ្ជាប់ទៅនឹងគ្រឿងទទួល(Receptor)នៅក្នុងកោសិកាដើម្បីផ្លាស់ប្ដូរទម្រង់ម៉ូលេគុល និងបន្តភ្ជាប់ទៅនឹងDNAនៅក្នុងកោសិកានោះ ដើម្បីផលិតប្រូតេអ៊ីនចាំបាច់មួយចំនួននៅក្នុងការបង្ហាញប្រសិទ្ធិភាពព្យាបាល។

・ឱសថនេះមានប្រសិទ្ធិភាពប្រឆាំងនឹងសកម្មភាពរបស់អរម៉ូបុរសអាន់ដ្រូជេន(Anti-androgen) ដើម្បីបង្រួមទំហំនៃក្រពេញប្រូស្តាតដែលរីកធំ និង ទប់ស្កាត់ការកើនឡើងនៃកោសិកាមហារីក។

・ឱសថនេះមានប្រសិទ្ធិភាពបង្អាក់សកម្មភាពរបស់អរម៉ូនបុរសAndrogen (រួមមាន Testosterone ជាដើម) តាមរបៀបដូចខាងក្រោម៖

- ទប់ស្កាត់ការចូលនៃអរម៉ូនTestosteroneទៅក្នុងក្រពេញប្រូស្តាត

- ទប់ស្កាត់ការភ្ជាប់នៃ 5α-Dihydrotestosteroneទៅនឹងគ្រឿងទទួល

- ទប់ស្កាត់ការបង្កើតអរម៉ូនTestosteroneនៅក្នុងពងស្វាស។

អរម៉ូនបុរសត្រូវបានគេរកឃើញថាមានឥទ្ធិពលជម្រុញការកើនឡើងនៃកោសិកាក្រពេញប្រូស្តាត។