Cefmenoxime hydrochloride

ករណីថ្នាំចាក់：

・ករណីចាក់ក្នុងសាច់ដុំ：

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា អាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគចូលក្នុងឈាម(Sepsis) ជំងឺឆ្លងមេរោគបណ្ដាលមកពីរបួសក្រៅឬការរលាកភ្លើងឬការវះកាត់ ជំងឺរលាកទងសួតស្រួចស្រាវ ជំងឺរលាកសួត ជំងឺខ្ទុះក្នុងសួត(Lung abscess) ជំងឺខ្ទុះក្នុងទ្រូង ជំងឺឆ្លងមេរោគដោយសារជំងឺផ្លូវដង្ហើមរ៉ាំរ៉ៃ ជំងឺរលាកប្លោកនោម ជំងឺរលាកតម្រងនោមប្រភេទPyelonephritis ជំងឺរលាកស្រោមពោះ ជំងឺរលាកថង់ទឹកប្រមាត់ ជំងឺរលាកបំពង់ទឹកប្រមាត់ ជំងឺខ្ទុះក្នុងថ្លើម ជំងឺរលាកក្រពេញបាល់តូលីន(Bartholinitis) ជំងឺឆ្លងមេរោគក្នុងស្បូន ជំងឺរលាកដៃស្បូននិងក្រពេញអូវែរ(Adnexitis) ជំងឺរលាកជាលិកាជុំវិញស្បូន។

・ករណីចាក់តាមសរសៃវ៉ែន：

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា អាការៈប្រតិកម្មធ្ងន់ធ្ងរប្រឆាំងនឹងការឆ្លងមេរោគចូលក្នុងឈាម(Sepsis) ជំងឺឆ្លងមេរោគបណ្ដាលមកពីរបួសក្រៅឬការរលាកភ្លើងឬការវះកាត់ ជំងឺរលាកទងសួតស្រួចស្រាវ ជំងឺរលាកសួត ជំងឺខ្ទុះក្នុងសួត(Lung abscess) ជំងឺខ្ទុះក្នុងទ្រូង ជំងឺឆ្លងមេរោគដោយសារជំងឺផ្លូវដង្ហើមរ៉ាំរ៉ៃ ជំងឺរលាកប្លោកនោម ជំងឺរលាកតម្រងនោមប្រភេទPyelonephritis ជំងឺរលាកស្រោមពោះ ជំងឺរលាកថង់ទឹកប្រមាត់ ជំងឺរលាកបំពង់ទឹកប្រមាត់ ជំងឺខ្ទុះក្នុងថ្លើម ជំងឺរលាកក្រពេញបាល់តូលីន(Bartholinitis) ជំងឺឆ្លងមេរោគក្នុងស្បូន ជំងឺរលាកដៃស្បូននិងក្រពេញអូវែរ(Adnexitis) ជំងឺរលាកជាលិកាជុំវិញស្បូន ជំងឺរលាកស្រោមខួរលក្ខណៈមានខ្ទុះ(Purulent meningitis)។

ករណីថ្នាំបន្តក់ភ្នែក：

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា ជំងឺរលាកត្របកភ្នែក ជំងឺរលាកថង់ទឹកភ្នែក ជំងឺរលាកក្រពេញខ្លាញ់នៅត្របកភ្នែក(Stye) ជំងឺរលាកភ្នែក(Conjunctivitis) ) ជំងឺរលាកក្រពេញខ្លាញ់ម៉ាយបូមនៅត្របកភ្នែក(Meibomitis) ជំងឺរលាកកញ្ចក់ភ្នែក(Keratitis)(រួមទាំងជំងឺដំបៅកញ្ចក់ភ្នែក) ប្រើនៅក្នុងការសម្លាប់មេរោគនៅមុននិងក្រោយការវះកាត់ភ្នែក។

ករណីថ្នាំប្រើក្នុងត្រចៀកនិងច្រមុះ：

ជាទូទៅ ឱសថនេះប្រើនៅក្នុងការព្យាបាលជំងឺបណ្តាលមកពីបាក់តេរី ដូចជា ជំងឺរលាកផ្នែកខាងក្រៅនៃត្រចៀក(External otitis) ជំងឺរលាកផ្នែកកណ្ដាលនៃត្រចៀក(Otitis media) ជំងឺរលាកឆ្អឹងសងខាងច្រមុះ(Sinusitis)(លើកលែងករណីអ្នកជំងឺប្រើឧបករណ៍ណេប្រាយហ្សឺ(Nebulizer)ក្នុងស្ថានភាពកំពុងមានបញ្ហាស្ទះនៅផ្នែកកណ្ដាលនៃច្រមុះកម្រិតធ្ងន់ធ្ងរ)។

ករណីថ្នាំចាក់：

・ករណីចាក់ក្នុងសាច់ដុំ：

ប្រើ1ថ្ងៃ1～2g បែងចែកជា2ដងក្នុង1ថ្ងៃ លាយជាមួយសូលុយស្យុងដែលភ្ជាប់មកជាមួយ រួចចាក់ក្នុងសាច់ដុំ។

・ករណីចាក់តាមសរសៃវ៉ែន：

-មនុស្សពេញវ័យ：ប្រើ1ថ្ងៃ1～2g បែងចែកជា2ដងក្នុង1ថ្ងៃ ចាក់តាមសរសៃវ៉ែន។ ករណីពិបាកព្យាបាល ឬ ករណីរោគសញ្ញាធ្ងន់ធ្ងរ អាចបង្កើនកម្រិតដល់1ថ្ងៃ4g បែងចែកជា2～4ដងក្នុង1ថ្ងៃ។ អាចលាយឱសថនេះនៅក្នុងសេរ៉ូមដើម្បីព្យួរសេរ៉ូមរយៈពេល30នាទី～2ម៉ោងសម្រាប់កម្រិតប្រើប្រាស់1ដង0.5～2gក៏បាន។

-កុមារ：ប្រើ1ថ្ងៃ40～80mg/kg បែងចែកជា3～4ដងក្នុង1ថ្ងៃ ចាក់តាមសរសៃវ៉ែន។ ករណីពិបាកព្យាបាល ឬ ករណីរោគសញ្ញាធ្ងន់ធ្ងរ អាចបង្កើនកម្រិតដល់1ថ្ងៃ160mg/kg បែងចែកជា3～4ដងក្នុង1ថ្ងៃ។ ករណីជំងឺរលាកស្រោមខួរមានខ្ទុះ (Purulent meningitis) អាចបង្កើនកម្រិតដល់1ថ្ងៃ200mg/kg។ អាចលាយឱសថនេះនៅក្នុងសេរ៉ូមដើម្បីព្យួរសេរ៉ូមរយៈពេល30នាទី～1ម៉ោងក៏បាន។

ករណីថ្នាំបន្តក់ភ្នែក：

លាយឱសថនេះជាមួយសូលុយស្យុងដែលភ្ជាប់មកជាមួយអោយបានកំហាប់5mg/1mL រួចបន្តក់ក្នុងភ្នែកម្ដង1～2តំណក់, 1ថ្ងៃ4ដង។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា ប៉ុន្តែ ក្នុងករណីរោគសញ្ញាមិនល្អប្រសើរឡើងវិញទេ មិនគួរបន្តប្រើឱសថនេះរយៈពេលវែងនោះទេ។

ករណីថ្នាំប្រើក្នុងត្រចៀកនិងច្រមុះ：

លាយឱសថនេះជាមួយសូលុយស្យុងដែលភ្ជាប់មកជាមួយអោយបានកំហាប់10mg/1mL។ ចំពោះជំងឺរលាកផ្នែកខាងក្រៅនិងផ្នែកកណ្ដាលនៃត្រចៀក បន្តក់1ដង6～10តំណក់ក្នុងត្រចៀក ដោយរក្សាឥរិយាបថដដែលរយៈពេលប្រហែល10នាទី អនុវត្ត1ថ្ងៃ2ដង។ ចំពោះជំងឺរលាកផ្នែកខាងក្នុងនៃច្រមុះ(Sinusitis) ប្រើ1ដង2～4mL 1សប្ដាហ៍3ដង(2ថ្ងៃម្ដង) ដោយប្រើឧបករណ៍ណេប្រាយហ្សឺ(Nebulizer) ឬ ប្រើ1សប្ដាហ៍1ដង1mL ដោយចាក់បញ្ចូលក្នុងប្រហោងលើចង្ការ(Maxillary sinus)។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា ប៉ុន្តែ ក្នុងករណីរោគសញ្ញាមិនល្អប្រសើរឡើងវិញទេ មិនគួរបន្តប្រើឱសថនេះរយៈពេលវែងនោះទេ។

ករណីថ្នាំចាក់：

・ករណីចាក់ក្នុងសាច់ដុំ：

- អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

- ទារកកើតមិនគ្រប់ទម្ងន់ ទារកទើបកើត ទារកបៅដោះ កុមារតូច កុមារ។

- អ្នកដែលធ្លាប់កើតមានរោគប្រតិកម្មជាមួយនឹងឱសថMepivacaine hydrochlorideឬឱសថស្ពឹកប្រភេទAnilide។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

- អ្នកដែលធ្លាប់កើតមានរោគប្រតិកម្មជាមួយនឹងឱសថប្រឆាំងបាក់តេរីប្រភេទសេហ្វេម (Cephem antibiotics)។

・ករណីចាក់តាមសរសៃវ៉ែន：

- អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

- អ្នកដែលធ្លាប់កើតមានរោគប្រតិកម្មជាមួយនឹងឱសថប្រឆាំងបាក់តេរីប្រភេទសេហ្វេម (Cephem antibiotics)។

ករណីថ្នាំបន្តក់ភ្នែក：

- អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

- អ្នកដែលធ្លាប់កើតមានរោគប្រតិកម្មជាមួយនឹងឱសថប្រឆាំងបាក់តេរីប្រភេទសេហ្វេម (Cephem antibiotics)។

ករណីថ្នាំប្រើក្នុងត្រចៀកនិងច្រមុះ：

- អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ជាគោលការណ៍ អ្នកជំងឺដូចខាងក្រោមនេះមិនគួរប្រើឱសថនេះទេ។ ប្រសិនបើចាំបាច់ត្រូវប្រើ ត្រូវតាមដានផលរំខានឱសថអោយបានដិតដល់។

- អ្នកដែលធ្លាប់កើតមានរោគប្រតិកម្មជាមួយនឹងឱសថប្រឆាំងបាក់តេរីប្រភេទសេហ្វេម (Cephem antibiotics)។