Calcium lactate hydrate

ផលិតផល: 

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    ប្រភេទឱសថ

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • អន្តរប្រតិកម្ម
    • ការប្រុងប្រយ័ត្នជាពិសេស
    • សកម្មភាពឱសថ

    • ប្រសិទ្ធិភាពព្យាបាល

      ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

      - បំបាត់អាការៈកន្ត្រាក់នៃសាច់ដុំ(Tetany)ដែលបណ្ដាលមកពីកម្រិតកាល់ស្យូមនៅក្នុងឈាមធ្លាក់ចុះទាប។

      - បំពេញជាតិកាល់ស្យូមនៅក្នុងជំងឺឆ្អឹងទន់ដែលកើតមាននៅលើស្ត្រីមានផ្ទៃពោះនិងស្ត្រីបំបៅដោះកូន

      - បំពេញជាតិកាល់ស្យូមនៅក្នុងវ័យលូតលាស់។

    • កម្រិតប្រើប្រាស់

      ថ្នាំលេប：

      មនុស្សពេញវ័យ：លេប1ដង1g 1ថ្ងៃ2～5ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

    • ហាមប្រើ

      ・អ្នកដែលមានកម្រិតកាល់ស្យូមខ្ពស់នៅក្នុងឈាម។

      ・អ្នកដែលមានជំងឺក្រួសក្នុងតម្រងនោម។

      ・អ្នកដែលមានជំងឺខ្សោយតម្រងនោមធ្ងន់ធ្ងរ។

    • ផលរំខាន

      ផលរំខានរួមមាន ទល់លាមក កម្រិតកាល់ស្យូមក្នុងឈាមកើនឡើងខ្ពស់ ។ល។

    • អន្តរប្រតិកម្ម

      ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

      ・ឱសថDigoxin, ឱសថDigitoxin ជាដើម - អាចធ្វើអោយសកម្មភាពនៃឱសថទាំងនេះកើនឡើង។

      ・ឱសថប្រឆាំងបាក់តេរីប្រភេទTetracycline - អាចធ្វើអោយសកម្មភាពនៃTetracyclineថយចុះ។

      ・ឱសថប្រឆាំងបាក់តេរីប្រភេទNew quinolone (Ciprofloxacin, Norfloxacin, Tosufloxacin) - អាចធ្វើអោយសកម្មភាពនៃឱសថទាំងនេះថយចុះ។

    • ការប្រុងប្រយ័ត្នជាពិសេស

      ・ប្រសិនបើពិនិត្យឃើញឬមានរោគសញ្ញានៃការលើសជាតិកាល់ស្យូមនៅក្នុងឈាម(ទល់លាមក បាត់បង់ចំណង់អាហារ ក្អួតចង្អោរ ឈឺពោះ ខ្សោយសាច់ដុំ រមាស់ស្បែក ឆាប់ម៉ូរម៉ៅ) ត្រូវផ្អាកការប្រើប្រាស់ឱសថនេះ។

    • សកម្មភាពឱសថ

      កង្វះកាល់ស្យូមអាចធ្វើអោយប៉ះពាល់ដល់សកម្មភាពនៃប្រព័ន្ធប្រសាទនិងសាច់ដុំ។ ឱសថនេះជាសារធាតុកាល់ស្យូមដែលមានប្រសិទ្ធិភាពបំពេញនូវកម្រិតកាល់ស្យូមដែលកំពុងចុះទាបនៅក្នុងឈាម ក៏ដូចជាមានប្រសិទ្ធិភាពបំបាត់អាការៈផ្សេងៗដែលកើតមានដោយសារកង្វះកាល់ស្យូមផងដែរ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp

ត្រឡប់ទៅទំព័រដើម ត្រឡប់ទៅការប្រើប្រាស់ឱសថនៅក្នុងការព្យាបាល