Busulfan

ករណីថ្នាំលេប：

ជាទូទៅ ឱសថនេះប្រើនៅក្នុងការកាត់បន្ថយរោគសញ្ញាផ្សេងៗនៃជំងឺមហារីកខាងក្រោម：

- ជំងឺមហារីកគ្រាប់ឈាមសប្រភេទកោសិកាខួរឆ្អឹងលក្ខណៈរ៉ាំរ៉ៃ (Chronic myelogenous leukemia)

- ជំងឺមហារីកប្រភេទPolycythemia vera។

ករណីថ្នាំចាក់：

ជាទូទៅ ឱសថនេះប្រើនៅក្នុងការព្យាបាលដូចខាងក្រោម：

- ប្រើនៅមុនពេលអនុវត្តការវះកាត់ផ្លាស់ប្ដូរកោសិកាដើមសម្រាប់ផលិតគ្រាប់ឈាមពីអ្នកផ្ដល់ក្នុងប្រភេទដូចគ្នា (Allogeneic hematopoietic stem cell transplantation)

- ប្រើនៅមុនពេលអនុវត្តការវះកាត់ផ្លាស់ប្ដូរកោសិកាដើមសម្រាប់ផលិតគ្រាប់ឈាមពីកោសិកាខ្លួនឯង (Autologous hematopoietic stem cell transplantation) ចំពោះអ្នកជំងឺមហារីកប្រភេទEwing's sarcoma of family tumors (ESFT) ឬ អ្នកជំងឺមហារីកកោសិកាដើមនៃសរសៃប្រសាទ(Neuroblastoma) ឬ អ្នកជំងឺមហារីកMalignant lymphoma។

ករណីថ្នាំលេប：

・ករណីជំងឺមហារីកគ្រាប់ឈាមសប្រភេទកោសិកាខួរឆ្អឹងលក្ខណៈរ៉ាំរ៉ៃ (Chronic myelogenous leukemia)：

- វិធីទី1：មនុស្សពេញវ័យ នៅដំណាក់កាលដំបូង លេប1ថ្ងៃ4～6mg ដោយសង្កេតមើលការរួមតូចនៃសរីរាង្គអណ្ដើក(Spleen)។ ប្រើក្នុងកម្រិតនេះរហូតដល់ចំនួនគ្រាប់ឈាមសថយចុះមកប្រមាណ15,000/mm³ រួចបន្ថយកម្រិតប្រើប្រាស់មកត្រឹម1ថ្ងៃ2mgឬតិចជាងនេះ។ សម្រាប់ការព្យាបាលជាប្រចាំ អាចប្រើក្នុងកម្រិត1ថ្ងៃ2mg រៀងរាល់1សប្ដាហ៍ឬ2សប្ដាហ៍ម្ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

- វិធីទី2：មនុស្សពេញវ័យ ចាប់ផ្ដើមលេបពីកម្រិត1ថ្ងៃ2mgឬតិចជាងនេះ ដោយតាមដានចំនួនគ្រាប់ឈាមសនិងការរួមតូចនៃសរីរាង្គអណ្ដើក(Spleen)។ ប្រើក្នុងកម្រិតនេះរហូតដល់ចំនួនគ្រាប់ឈាមសថយចុះមកប្រមាណ15,000/mm³។ សម្រាប់ការព្យាបាលជាប្រចាំ អាចប្រើក្នុងកម្រិត1ថ្ងៃ2mg រៀងរាល់1សប្ដាហ៍ឬ2សប្ដាហ៍ម្ដង។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ករណីជំងឺមហារីកប្រភេទPolycythemia vera：

មនុស្សពេញវ័យ ចាប់ផ្ដើមលេបពីកម្រិត1ថ្ងៃ2～4mg ដោយតាមដានលទ្ធផលពិនិត្យឈាម។ អាចបង្កើនកម្រិតប្រើប្រាស់បន្តិចម្ដងៗរហូតដល់1ថ្ងៃ6mg។ ក្រោយរោគសញ្ញាថយចុះ ត្រូវបន្ថយកម្រិតប្រើប្រាស់និងរក្សាការប្រើក្នុងកម្រិតសមស្របមួយ។ អាចបង្កើនឬបន្ថយកម្រិតប្រើប្រាស់ទៅតាមអាយុ រោគសញ្ញា និង លទ្ធផលពិនិត្យឈាម។ល។

ករណីថ្នាំចាក់：

・ករណីប្រើនៅមុនពេលអនុវត្តការវះកាត់ផ្លាស់ប្ដូរកោសិកាដើមសម្រាប់ផលិតគ្រាប់ឈាមពីអ្នកផ្ដល់ក្នុងប្រភេទដូចគ្នា (Allogeneic hematopoietic stem cell transplantation) និង ករណីប្រើនៅមុនពេលអនុវត្តការវះកាត់ផ្លាស់ប្ដូរកោសិកាដើមសម្រាប់ផលិតគ្រាប់ឈាមពីកោសិកាខ្លួនឯង (Autologous hematopoietic stem cell transplantation) ចំពោះអ្នកជំងឺមហារីកប្រភេទEwing's sarcoma of family tumors (ESFT) ឬ អ្នកជំងឺមហារីកកោសិកាដើមនៃសរសៃប្រសាទ(Neuroblastoma):

- មនុស្សពេញវ័យ：

・វិធីA：ប្រើ1ដង 0.8mg/kg ដោយព្យួរសេរ៉ូមតាមសរសៃវ៉ែនរយៈពេល2ម៉ោង។ ប្រើក្នុងកម្រិតនេះរៀងរាល់6ម៉ោងម្ដង 1ថ្ងៃ4ដង រយៈពេល4ថ្ងៃ។

・វិធីB：ប្រើ1ដង 3.2mg/kg ដោយព្យួរសេរ៉ូមតាមសរសៃវ៉ែនរយៈពេល3ម៉ោង។ ប្រើក្នុងកម្រិតនេះ1ថ្ងៃ1ដង រយៈពេល4ថ្ងៃ។

- កុមារ：

ប្រើក្នុងកម្រិតដូចខាងក្រោមទៅតាមទម្ងន់របស់អ្នកជំងឺដោយព្យួរសេរ៉ូមតាមសរសៃវ៉ែនរយៈពេល2ម៉ោង រៀងរាល់6ម៉ោងម្ដង 1ថ្ងៃ4ដង រយៈពេល4ថ្ងៃ។

+ កុមារទម្ងន់ក្រោម9kg：1.0mg/kg

+ កុមារទម្ងន់9kg～ក្រោម16kg：1.2mg/kg

+ កុមារទម្ងន់16kg～23kg：1.1mg/kg

+ កុមារទម្ងន់លើសពី23kg～34kg：0.95mg/kg

+ កុមារទម្ងន់លើសពី34kg：0.8mg/kg។

- អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・ករណីប្រើនៅមុនពេលអនុវត្តការវះកាត់ផ្លាស់ប្ដូរកោសិកាដើមសម្រាប់ផលិតគ្រាប់ឈាមពីកោសិកាខ្លួនឯង (Autologous hematopoietic stem cell transplantation) ចំពោះអ្នកជំងឺមហារីកMalignant lymphoma:

- មនុស្សពេញវ័យ：

・វិធីA：ប្រើ1ដង 0.8mg/kg ដោយព្យួរសេរ៉ូមតាមសរសៃវ៉ែនរយៈពេល2ម៉ោង។ ប្រើក្នុងកម្រិតនេះរៀងរាល់6ម៉ោងម្ដង 1ថ្ងៃ4ដង រយៈពេល4ថ្ងៃ។

・វិធីB：ប្រើ1ដង 3.2mg/kg ដោយព្យួរសេរ៉ូមតាមសរសៃវ៉ែនរយៈពេល3ម៉ោង។ ប្រើក្នុងកម្រិតនេះ1ថ្ងៃ1ដង រយៈពេល4ថ្ងៃ។

- អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

ករណីថ្នាំលេប：

・អ្នកដែលធ្លាប់មានរោគប្រតិកម្មធ្ងន់ធ្ងរដោយសារសារធាតុនៅក្នុងឱសថនេះ។

ករណីថ្នាំចាក់：

・អ្នកដែលធ្លាប់មានរោគប្រតិកម្មដោយសារសារធាតុនៅក្នុងឱសថនេះ។

・អ្នកដែលកំពុងកើតមានជំងឺឆ្លងកម្រិតធ្ងន់ធ្ងរ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ករណីថ្នាំលេប：

ផលរំខានរួមមាន កន្ទួលក្រហមលើស្បែក កន្ទាលត្រអាក។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ស្លេកស្លាំង ខ្វះឈាមក្រហម ក្ដៅខ្លួន ងាយហូរឈាម (ប៉ះពាល់មុខងារផលិតគ្រាប់ឈាមរបស់ខួរឆ្អឹង)

- ក្ដៅខ្លួន ក្អក ពិបាកដកដង្ហើម (រលាកសួតប្រភេទInterstitial pneumonia ជំងឺក្រិនសួត)

- ចាំងភ្នែក ព្រិលភ្នែក មើលមិនសូវឃើញ (ភ្នែកឡើងបាយ)។

ករណីថ្នាំចាក់：

ផលរំខានរួមមាន រលាកក្នុងមាត់(ពងបែកមាត់) រលាកអណ្ដាត ចង់ក្អួត ក្អួត មិនឃ្លានអាហារ រាករូស អស់កម្លាំង ក្ដៅខ្លួន។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- កើនទម្ងន់ មានសារធាតុរាវប្រមូលផ្ដុំច្រើននៅក្នុងពោះ ស្បែកនិងភ្នែកប្រែជាពណ៌លឿង (ជំងឺថ្លើមលក្ខណៈស្ទះសរសៃវ៉ែន(Hepatic veno-occlusive disease, VOD))

- ក្ដៅខ្លួន ងាយហូរឈាម (ជំងឺឆ្លងបាក់តេរី ឬ អាការៈហូរឈាម)

- បែកញើស ហើមភ្នែកនិងជុំវិញបបូរមាត់ ពិបាកដកដង្ហើម (រោគប្រតិកម្មធ្ងន់ធ្ងរ)

- សាច់ដុំកន្ត្រាក់ជាចង្វាក់ (ប្រកាច់)

- ស្លេស្មលាយឈាម ក្ដៅខ្លួន ពិបាកដកដង្ហើមភ្លាមៗ (ប៉ះពាល់សរីរាង្គសួត)។

ករណីថ្នាំលេប：

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថItraconazole, ឱសថMetronidazole - អាចធ្វើអោយកំហាប់ក្នុងឈាមនៃBusulfanកើនឡើង។

ករណីថ្នាំចាក់：

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថItraconazole, ឱសថMetronidazole - អាចធ្វើអោយកំហាប់ក្នុងឈាមនៃBusulfanកើនឡើង។

ករណីថ្នាំលេប：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនគួរប្រើឱសថនេះទេ។

・ស្ត្រីបំបៅដោះកូន ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំចាក់：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ មិនត្រូវប្រើឱសថនេះទេ។

・ស្ត្រីបំបៅដោះកូន ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំចាក់：

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលដោយប្រើឱសថនេះ។

ឱសថនេះមានសកម្មភាពបង្អាក់ដំណើរការបង្កើនកោសិកាតាមរយៈការរំខានដល់ប្រតិកម្មភ្ជាប់DNA ធ្វើអោយឱសថនេះមានប្រសិទ្ធិភាពរារាំងដល់ការផលិតគ្រាប់ឈាមខុសប្រក្រតីគ្រប់ប្រភេទនៅខួរឆ្អឹង។