Brentuximab vedotin

ជាទូទៅ ឱសថនេះប្រើនៅក្នុងការព្យាបាលជំងឺមហារីកដែលមានវត្តមានCD30 ដូចខាងក្រោម៖

- ជំងឺHodgkin's lymphoma

- ជំងឺPeripheral T-cell lymphoma។

ថ្នាំចាក់：

・ករណីជំងឺHodgkin's lymphomaដែលមានវត្តមានCD30 និង មិនទាន់ទទួលការព្យាបាល:

ជាទូទៅ គេប្រើឱសថនេះរួមជាមួយឱសថDoxorubicin hydrochloride ឱសថVinblastine sulfate និង ឱសថDacarbazine ដោយមនុស្សពេញវ័យ ប្រើក្នុងកម្រិត1ដង 1.2mg/kg(ទម្ងន់រាងកាយ) រៀងរាល់2សប្ដាហ៍ម្ដង ចំនួន12ដងជាអតិបរមា ដោយព្យួរសេរ៉ូមតាមសរសៃវ៉ែន។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・ករណីជំងឺPeripheral T-cell lymphomaដែលមានវត្តមានCD30 និង មិនទាន់ទទួលការព្យាបាល:

ជាទូទៅ គេប្រើឱសថនេះរួមជាមួយឱសថCyclophosphamide hydrate ឱសថDoxorubicin hydrochloride និង ឱសថPrednisolone ដោយមនុស្សពេញវ័យ ប្រើក្នុងកម្រិត1ដង 1.8mg/kg(ទម្ងន់រាងកាយ) រៀងរាល់3សប្ដាហ៍ម្ដង ចំនួន8ដងជាអតិបរមា ដោយព្យួរសេរ៉ូមតាមសរសៃវ៉ែន។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・ករណីជំងឺHodgkin's lymphomaនិងជំងឺPeripheral T-cell lymphoma ដែលមានវត្តមានCD30 និង ជាលក្ខណៈរើឡើងវិញឬពិបាកព្យាបាល:

មនុស្សពេញវ័យ ប្រើក្នុងកម្រិត1ដង 1.8mg/kg(ទម្ងន់រាងកាយ) រៀងរាល់3សប្ដាហ៍ម្ដង ចំនួន8ដងជាអតិបរមា ដោយព្យួរសេរ៉ូមតាមសរសៃវ៉ែន។ អាចបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ។

・អ្នកដែលធ្លាប់មានរោគប្រតិកម្មធ្ងន់ធ្ងរជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថBleomycin hydrochloride។

ផលរំខានរួមមាន ក្អួតចង្អោរ ទល់លាមក រាករូស រលាកក្នុងមាត់ ឈឺពោះ ជ្រុះរោមឬសក់ ឈឺក្បាល ជីវ្ហាវិញាណមានបញ្ហា វិលមុខ គេងមិនលក់ រំលាយអាហារមិនបានល្អ ពិបាកដកដង្ហើម ឈឺសាច់ដុំ ឈឺសន្លាក់ គ្មានកម្លាំង។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- កម្លាំងសាច់ដុំធ្លាក់ចុះ ឈឺតាមសរសៃប្រសាទ បញ្ហាទាក់ទងនឹងសាច់ដុំ (ប៉ះពាល់សរសៃប្រសាទតាមអវៈយវៈ)

- កើតមានជំងឺឆ្លងបាក់តេរី មេរោគផ្សិត វីរុសជាដើម កម្រិតធ្ងន់ធ្ងរ

- បញ្ហាស្មារតី អាការៈស្ពឹក បញ្ហានៅក្នុងការនិយាយស្ដី (Progressive multifocal leukoencephalopathy, PML)

- រួយខ្លួន ក្ដៅខ្លួន ងាយហូរឈាម (ប៉ះពាល់មុខងារផលិតគ្រាប់ឈាមរបស់ខួរឆ្អឹងជាដើម)

- រងាញាក់ ក្ដៅខ្លួន ក្អួតចង្អោរ វិលមុខ បេះដូងលោតញាប់ (Infusion reaction)

- បរិមាណទឹកនោមថយចុះ នោមមានឈាម ឈឺនៅផ្នែកខាងនៃពោះ (មុខងារតម្រងនោមធ្លាក់ចុះ បណ្ដុំរោគសញ្ញាដោយសារការងាប់កោសិកាមហារីកច្រើនក្នុងរយៈពេលខ្លី(Tumor lysis syndrome))

- រួយខ្លួន ភ្នែកនិងស្បែកប្រែពណ៌លឿង ចង់ក្អួត ពិបាកផ្ដុំអារម្មណ៍ពិចារណ (ប៉ះពាល់មុខងារថ្លើម រលាកថ្លើមធ្ងន់ធ្ងរ)។

・ឱសថBleomycin hydrochloride - អាចធ្វើអោយប៉ះពាល់ដល់មុខងារសួត (ជំងឺរលាកសួតប្រភេទInterstitial pneumonia) ដូច្នេះ ហាមប្រើរួមគ្នា។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលមានសកម្មភាពទប់ស្កាត់អង់ស៊ីមCYP3A4 (Ketoconazole ជាដើម) - អាចធ្វើអោយកំហាប់ក្នុងឈាមនៃMonomethyl auristatin Eដែលជាសារធាតុផ្សំនៃឱសថBrentuximab កើនឡើង បង្កជាផលរំខានផ្សេងៗ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះទេ ក្នុងករណីចាំបាច់ប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកទាក់ទងនឹងសរីរាង្គផលិតគ្រាប់ឈាម។

・ត្រូវប្រុងប្រយ័ត្នជាពិសេសចំពោះផលរំខានធ្វើអោយកើតមានជំងឺឆ្លងមេរោគផ្សិត នៅពេលប្រើឱសថនេះទៅលើអ្នកដែលមានបញ្ហាថ្លើមកម្រិតមធ្យមនិងកម្រិតធ្ងន់ធ្ងរ ដោយផលប៉ះពាល់នេះអាចមានគ្រោះថ្នាក់ដល់ជីវិតរបស់អ្នកជំងឺ។

ឱសថនេះជាឱសថប្រឆាំងមហារីកដែលផ្សំឡើងពីអង់ទីករប្រឆាំងCD30និងសារធាតុឱសថMonomethyl auristatin ហៅថា ADC(Antibody-drug conjugate)។ ADCនឹងភ្ជាប់ទៅនឹងកោសិកាដែលមានវត្តមានCD30 បង្កើតជាសមាសធាតុADC-CD30រួចចូលទៅក្នុងកោសិកា ហើយផ្ដាច់សារធាតុMonomethyl auristatinចេញ។ Monomethyl auristatin បង្ហាញសកម្មភាពភ្ជាប់ទៅនឹងTubulin ដើម្បីរារាំងការផ្ដុំទៅជាMicrotubules ដោយនេះនឹងបញ្ឈប់វដ្ដកោសិកានិងធ្វើអោយកោសិកាស្លាប់(Apoptosis)។