Bimatoprost

ករណីថ្នាំបន្តក់ភ្នែក：

ជាទូទៅ ឱសថនេះប្រើនៅក្នុងការព្យាបាលជំងឺក្លូកូម(Glaucoma) ឬ រោគសញ្ញានៃការកើនឡើងសម្ពាធភ្នែក។

ករណីថ្នាំទឹកសម្រាប់លាប：

ជាទូទៅ ឱសថនេះប្រើនៅក្នុងការព្យាបាលជំងឺខ្សត់រោមភ្នែក (ប៉ុន្តែ ឱសថនេះមិនមានប្រសិទ្ធិភាពទេក្នុងករណីមិនមានរន្ធរោមដែលរោមភ្នែមអាចដុះបាន)។

ករណីថ្នាំបន្តក់ភ្នែក (0.03%)：

បន្តក់1ដង1តំណក់ 1ថ្ងៃ1ដង។

ករណីថ្នាំទឹកសម្រាប់លាប (0.03%)：

ប្រើដងដើម្បីលាបទឹកថ្នាំនៅគល់រោមភ្នែក 1ថ្ងៃ1ដង1តំណក់សម្រាប់ភ្នែកម្ខាង នៅមុនពេលចូលគេង។

ករណីថ្នាំបន្តក់ភ្នែក និង ថ្នាំទឹកសម្រាប់លាប：

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

ករណីថ្នាំបន្តក់ភ្នែក：

ផលរំខានរួមមាន ភ្នែកក្រហម ត្របកភ្នែកប្រែពណ៌ រមាស់ភ្នែក ដុះរោមច្រើនជុំវិញភ្នែក រោមភ្នែកវែងនិងក្រាស់ជាងមុន កូនក្រមុំភ្នែកប្រែពណ៌ អារម្មណ៍ទើសក្នុងភ្នែក រលាកកញ្ចក់ភ្នែក ឈឺភ្នែក រលាត់នៅកញ្ចក់ភ្នែក រលាកត្របកភ្នែក ស្ងួតភ្នែក ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- កូនក្រមុំភ្នែកប្រែពណ៌កាន់តែខ្មៅ (ស្រទាប់ជុំវិញកូនក្រមុំភ្នែកប្រែពណ៌)។

ករណីថ្នាំទឹកសម្រាប់លាប：

ផលរំខានរួមមាន ភ្នែកក្រហម អាចម៍ភ្នែក ស្បែកប្រែពណ៌ខ្មៅ ស្នាមក្រហមនៅត្របកភ្នែក ផ្សាភ្នែក រមាស់ភ្នែក ឈឺភ្នែក ។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- កូនក្រមុំភ្នែកប្រែពណ៌កាន់តែខ្មៅ (ស្រទាប់ជុំវិញកូនក្រមុំភ្នែកប្រែពណ៌)

- ត្របកភ្នែកខូង។

ករណីថ្នាំបន្តក់ភ្នែក និង ថ្នាំទឹកសម្រាប់លាប：

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថបន្តក់ភ្នែកប្រភេទប្រូស្តាក្លង់ឌីន(Prostaglandin) (ឱសថLatanoprost ជាដើម) - អាចធ្វើអោយសម្ពាធភ្នែកកើនឡើង។

ករណីថ្នាំបន្តក់ភ្នែក និង ថ្នាំទឹកសម្រាប់លាប：

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

ករណីថ្នាំបន្តក់ភ្នែក：

・ក្រោយប្រើប្រាស់ឱសថនេះ អាចនឹងមានអាការៈស្រវាំងភ្នែកជាបណ្ដោះអាសន្ន ដូច្នេះ គួរចៀសវាងបើកបររថយន្តឬបញ្ជាម៉ាស៊ីនដែលមានគ្រោះថ្នាក់ រហូតដល់ពេលភ្នែកត្រលប់មកសភាពដើមវិញ។

・ករណីប្រើជាមួយថ្នាំបន្តក់ភ្នែកផ្សេងទៀត គួរទុកគម្លាតរវាងគ្នារយៈពេលយ៉ាងហោចណាស់5នាទី។

・ករណីប្រើContact lens គួរដោះចេញមុននឹងបន្តក់ថ្នាំនេះ ព្រោះវាអាចធ្វើអោយContact lensប្រែពណ៌។ បន្ទាប់ពីនោះ គួរទុករយៈពេលយ៉ាងហោចណាស់15នាទី មុននឹងពាក់Contact lensវិញ។

・ក្រោយបន្តក់ភ្នែក ប្រសិនបើនៅមានទឹកថ្នាំជាប់នៅជុំវិញភ្នែក គួរជូតចេញដោយក្រណាត់សើមឬលាងមុខចេញ ព្រោះសារធាតុថ្នាំនេះអាចធ្វើអោយខ្មៅជុំវិញភ្នែក។

ករណីថ្នាំទឹកសម្រាប់លាប：

・ត្រូវប្រយ័ត្នកុំអោយសារធាតុឱសថចូលក្នុងភ្នែក ហើយត្រូវជូតចេញនៅពេលសារធាតុឱសថជាប់នៅលើត្របកភ្នែក។

・ករណីប្រើContact lens គួរដោះចេញមុននឹងបន្តក់ថ្នាំនេះ ព្រោះវាអាចធ្វើអោយContact lensប្រែពណ៌។ បន្ទាប់ពីនោះ គួរទុករយៈពេលយ៉ាងហោចណាស់15នាទី មុននឹងពាក់Contact lensវិញ។

ករណីថ្នាំបន្តក់ភ្នែក：

ឱសថនេះជាប្រភេទប្រូស្តាក្លង់ឌីន(Prostaglandin) វាមានសកម្មភាពភ្ជាប់ទៅនឹងគ្រឿងទទួលប្រូស្តាម៉ាយ(Prostamide receptor) ដើម្បីបង្កើនការហូរចេញនៃទឹកក្នុងភ្នែក(Aqueous humour)តាមរយៈចន្លោះស្រទាប់Uveaនិងស្រទាប់Sclera ធ្វើអោយសម្ពាធក្នុងភ្នែកថយចុះ។

ករណីថ្នាំលាប：

ឱសថនេះមានសកម្មភាពទៅលើរន្ធរោមនៃរោមភ្នែក ដោយពន្យាររយៈពេលនៃដំណាក់កាលលូតលាស់របស់រោមភ្នែកអោយមានរយៈពេលវែងជាងមុន។