Bevacizumab

ជាទូទៅ ឱសថនេះប្រើនៅក្នុងការព្យាបាលជំងឺដូចខាងក្រោម៖

- ជំងឺមហារីកពោះវៀន(Colon, Rectum)ដែលកំពុងវិវត្តឬរើឡើងវិញ និងមិនអាចព្យាបាលជាសះស្បើយដោយការវះកាត់

- ជំងឺមហារីកសួតប្រភេទNon-small-cell lung carcinoma ដែលកំពុងវិវត្តឬរើឡើងវិញ និងមិនអាចព្យាបាលជាសះស្បើយដោយការវះកាត់ លើកលែងប្រភេទSquamous cell carcinoma

- ជំងឺមហារីកក្រពេញអូវែរ

- ជំងឺមហារីកកស្បូនដែលកំពុងវិវត្តឬរើឡើងវិញ

- ជំងឺមហារីកសុដន់ដែលមិនអាចវះកាត់បានឬដែលរើឡើងវិញ

- ជំងឺមហារីកGlioma។

ថ្នាំចាក់：

・ករណីជំងឺមហារីកពោះវៀន(Colon, Rectum)ដែលកំពុងវិវត្តឬរើឡើងវិញ និងមិនអាចព្យាបាលជាសះស្បើយដោយការវះកាត់:

ប្រើរួមជាមួយឱសថព្យាបាលជំងឺមហារីកផ្សេងទៀត ដោយជាទូទៅ មនុស្សពេញវ័យ ប្រើក្នុងកម្រិត1ដង5mg/kg(ទម្ងន់រាងកាយ)ឬ10mg/kg(ទម្ងន់រាងកាយ) ដោយព្យួរសេរ៉ូមតាមសរសៃវ៉ែន។ គម្លាតនៃការប្រើប្រាស់ឱសថនេះគឺចាប់ពី2សប្ដាហ៍ឡើងទៅ។ ឬម្យ៉ាងទៀត ប្រើរួមជាមួយឱសថព្យាបាលជំងឺមហារីកផ្សេងទៀត ដោយជាទូទៅ មនុស្សពេញវ័យ ប្រើក្នុងកម្រិត1ដង7.5mg/kg(ទម្ងន់រាងកាយ) ដោយព្យួរសេរ៉ូមតាមសរសៃវ៉ែន។ គម្លាតនៃការប្រើប្រាស់ឱសថនេះគឺចាប់ពី3សប្ដាហ៍ឡើងទៅ។

・ករណីជំងឺមហារីកសួតប្រភេទNon-small-cell lung carcinoma ដែលកំពុងវិវត្តឬរើឡើងវិញ និងមិនអាចព្យាបាលជាសះស្បើយដោយការវះកាត់ លើកលែងប្រភេទSquamous cell carcinoma ជំងឺមហារីកក្រពេញអូវែរ និង ជំងឺមហារីកកស្បូនដែលកំពុងវិវត្តឬរើឡើងវិញ:

ប្រើរួមជាមួយឱសថព្យាបាលជំងឺមហារីកផ្សេងទៀត ដោយជាទូទៅ មនុស្សពេញវ័យ ប្រើក្នុងកម្រិត1ដង15mg/kg(ទម្ងន់រាងកាយ) ដោយព្យួរសេរ៉ូមតាមសរសៃវ៉ែន។ គម្លាតនៃការប្រើប្រាស់ឱសថនេះគឺចាប់ពី3សប្ដាហ៍ឡើងទៅ។

・ករណីជំងឺមហារីកសុដន់ដែលមិនអាចវះកាត់បានឬដែលរើឡើងវិញ:

ប្រើរួមជាមួយឱសថPaclitaxel ដោយជាទូទៅ មនុស្សពេញវ័យ ប្រើក្នុងកម្រិត1ដង10mg/kg(ទម្ងន់រាងកាយ) ដោយព្យួរសេរ៉ូមតាមសរសៃវ៉ែន។ គម្លាតនៃការប្រើប្រាស់ឱសថនេះគឺចាប់ពី2សប្ដាហ៍ឡើងទៅ។

・ករណីជំងឺមហារីកGlioma:

ជាទូទៅ មនុស្សពេញវ័យ ប្រើក្នុងកម្រិត1ដង10mg/kg(ទម្ងន់រាងកាយ)តាមការព្យួរសេរ៉ូមតាមសរសៃវ៉ែនដោយទុកគម្លាតរយៈពេល2សប្ដាហ៍រវាងការចាក់ម្ដងៗ ឬ ប្រើក្នុងកម្រិត1ដង15mg/kg(ទម្ងន់រាងកាយ)តាមការព្យួរសេរ៉ូមតាមសរសៃវ៉ែនដោយទុកគម្លាតរយៈពេល3សប្ដាហ៍រវាងការចាក់ម្ដងៗ។ អាចពន្យារគម្លាតនៃការចាក់ទៅតាមស្ថានភាពរបស់អ្នកជំងឺ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលធ្លាប់មានអាការៈក្អួតឈាម (ឈាមលើសពី2.5mL) - ព្រោះការប្រើឱសថនេះអាចធ្វើអោយមានការហូរឈាមនៅក្នុងសួតធ្ងន់ធ្ងរ។

ផលរំខានរួមមាន ងាយហូរឈាម សម្ពាធឈាមកើនឡើង ប៉ះពាល់សរសៃប្រសាទ អស់កម្លាំង បាត់បង់ចំណង់អាហារ ចង់ក្អួត ដំបៅក្នុងមាត់ ជ្រុះរោមឬសក់ ការមានប្រូតេអ៊ីនទៅក្នុងទឹកនោម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បែកញើសទាំងត្រជាក់ វិលមុខ ក្ដៅច្រាល រួយខ្លួន ស្មារតីដឹងខ្លួនធ្លាក់ចុះ ពិបាកផ្ដោតអារម្មណ៍ ទឹកមុខស្លេកស្លាំង បេះដូងលោតញាប់ ពិបាកដកដង្ហើម សម្លេងស្អក ហើមភ្នែកនិងបបូរមាត់ កន្ទាលត្រអាក (រោគប្រតិកម្មធ្ងន់ធ្ងរ)

- ឈឺពោះខ្លាំង ក្អួតចង្អោរ ក្ដៅខ្លួន ពិបាកដកដង្ហើម ក្អក ក្អួតឈាម មានពពុះក្នុងទឹកនោម ទឹកនោមល្អក់ មានរន្ធនៅជុំវិញទ្វារធំធ្វើអោយមានការហូរលាមកឬទឹកពោះវៀនចេញមកក្រៅ មានការហូរលាមកឬទឹកនោមឬឈាមពីទ្វារមាស ភ្នែកនិងស្បែកប្រែពណ៌លឿង ទឹកនោមមានពណ៌ត្នោត (ធ្លាយក្រពះឬពោះវៀន ការកកើតFistulaនៅតាមបំពង់រំលាយអាហារ សរីរាង្គតម្រងនោមនិងបន្តពូជ បំពង់ទឹកប្រមាត់។ល។)

- របួសក្រជាសះស្បើយ

- ក្អួតឈាម ក្អួតចង្អោរ ឈឺពោះ លាមកលាយឈាម លាមកពណ៌ខ្មៅ (ហូរឈាមតាមបំពង់រំលាយអាហារ)

- ស្លេស្មមានលាយឈាម ក្អួតឈាម (ហូរឈាមនៅក្នុងសួត)

- ក្អួតចង្អោរ ស្ពឹកមួយចំហៀងខ្លួន ស្មារតីដឹងខ្លួនធ្លាក់ចុះ ពិបាកផ្ដោតអារម្មណ៍ ឈឺក្បាល ពិបាកនិយាយ ស្ពឹកដៃជើង ពិបាកធ្វើចលនារាងកាយ បាត់បង់ស្មារតី (ហូរឈាមនៅក្នុងខួរក្បាល)

- ក្អួតឈាម ហូរឈាមតាមច្រមុះ អញ្ចាញធ្មេញ ទ្វារមាសជាដើម (ការហូរឈាមតាមភ្នាសផ្សេងៗនៅក្នុងរាងកាយ)

- ធ្ងន់ក្បាល ឈឺក្បាល ងងឹតមុខ បែកញើសទាំងត្រជាក់ ស្ពឹកមួយចំហៀងខ្លួន វិលមុខ ស្មារតីដឹងខ្លួនធ្លាក់ចុះ ពិបាកនិយាយ គំហើញនៃភ្នែកធ្លាក់ចុះ ស្ពឹក ថប់ទ្រូង ឈឺទ្រូង ពិបាកដកដង្ហើម ក្អក ស្បែក បបូរមាត់និងក្រចកដៃជើងប្រែពណ៌ខៀវស្វាយឬស្វាយចាស់ (ជំងឺស្ទះដោយសារកំណកឈាម រួមមាន ស្ទះសរសៃឈាមក្នុងខួរក្បាលឬបេះដូង ត្បៀតសរសៃឈាមក្នុងខួរក្បាលឬបេះដូង ជាដើម)

- ឈឺជើងខ្លាំង ហើមជើង បែកញើស ក្ដៅខ្លួន ក្អក ស្មារតីដឹងខ្លួនធ្លាក់ចុះ ឈឺទ្រូង ពិបាកដកដង្ហើម (ជំងឺស្ទះនៅសរសៃឈាមវ៉ែនដោយសារកំណកឈាម)

- វិលមុខ ឈឺក្បាលខ្លាំង ចង់ក្អួត ស្ពឹកដៃជើង (រោគសញ្ញានៃការប៉ះពាល់ដល់ខួរក្បាលដោយសារសម្ពាធឈាមកើនឡើងខ្ពស់)

- សាច់ដុំកន្ត្រាក់ឬប្រកាច់ គំហើញរបស់ភ្នែកមានបញ្ហា បាត់បង់ស្មារតី (ជំងឺPosterior reversible encephalopathy syndrome)

- ហើមពេញខ្លួន បរិមាណទឹកនោមថយចុះ (ជំងឺតម្រងនោមNephrotic syndrome)

- រួយខ្លួន ក្ដៅខ្លួន ឈាមក្រកក ងាយហូរឈាម ចេញឈាមតាមអញ្ចាញធ្មេញ ឈាមច្រមុះ ស្នាមជាំស្វាយលើស្បែក ដង្ហក់ (ផលប៉ះពាល់លើមុខងារផលិតគ្រាប់ឈាមរបស់ខួរឆ្អឹង)

- រងាញាក់ ក្ដៅខ្លួន ក្អក ស្លេស្ម ដង្ហក់ ឈឺសន្លាក់ ឈឺសាច់ដុំ ស្បែកហើមនិងមានពណ៌ក្រហមទៅក្រហមស្វាយ ពងទឹកនិងឈឺលើស្បែក ស្បែកប្រែពណ៌ខ្មៅ រលាត់ឬរបកស្បែកនិងសាច់ដុំ (ជំងឺឆ្លង ដូចជារលាកសួត មេរោគចូលក្នុងឈាម រលាកភ្នាសសាច់ដុំ ជាដើម)

- រួយខ្លួន ហើមពេញខ្លួន ចង់ក្អួត ពិបាកដកដង្ហើម ដង្ហក់ពេលធ្វើចលនា (ជំងឺមុខងារបេះដូងចុះខ្សោយ)

- ក្ដៅខ្លួន ក្អកស្ងួត ពិបាកដកដង្ហើម ដង្ហក់ (ជំងឺរលាកសួតInterstitial pneumonia)

- ងាយហូរឈាម ឈាមច្រមុះ ឈាមតាមអញ្ចាញធ្មេញ ហូរឈាមនៅក្នុងរាងកាយ នោមមានឈាម (ជំងឺThrombotic thrombocytopenic purpura(TTP), ជំងឺHemolytic uremic syndrome(HUS))។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ ព្រោះសារធាតុឱសថអាចប៉ះពាល់ដល់ទារកក្នុងផ្ទៃ។

・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើឱសថនេះនិងក្រោយពេលឈប់ប្រើប្រាស់យ៉ាងហោចណាស់រយៈពេល6ខែ។

・ស្ត្រីបំបៅដោះកូន គួរចៀសវាងការបំបៅដោះក្នុងអំឡុងពេលប្រើឱសថនេះនិងក្រោយពេលឈប់ប្រើប្រាស់យ៉ាងហោចណាស់រយៈពេល6ខែផងដែរ។

・នៅក្នុងការប្រើឱសថនេះ ត្រូវប្រុងប្រយ័ត្នជាពិសេសចំពោះផលប៉ះពាល់ដែលបង្កអោយមានជំងឺធ្លាយក្រពះឬពោះវៀន ជំងឺហូរឈាមក្នុងខួរក្បាលឬក្នុងសួត ជំងឺស្ទះឬត្បៀតសរសៃឈាមនៅខួរក្បាលឬបេះដូង ជំងឺសម្ពាធឈាមកើនឡើងហួសហេតុ ព្រោះវាអាចបណ្ដាលអោយមានគ្រោះថ្នាក់ដល់ជីវិតរបស់អ្នកជំងឺ។

・ការប្រើប្រាស់ឱសថនេះអាចធ្វើអោយរបួសក្រជាសះស្បើយ ដូច្នេះ ត្រូវប្រុងប្រយ័ត្ននៅពេលអ្នកជំងឺត្រូវទទួលការវះកាត់ឬការដកធ្មេញជាដើម។

・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើឱសថនេះនិងក្រោយពេលឈប់ប្រើប្រាស់យ៉ាងហោចណាស់រយៈពេល6ខែ។ ម្យ៉ាងទៀត សម្រាប់ស្ត្រីបំបៅដោះកូន គួរចៀសវាងការបំបៅដោះក្នុងអំឡុងពេលប្រើឱសថនេះនិងក្រោយពេលឈប់ប្រើប្រាស់យ៉ាងហោចណាស់រយៈពេល6ខែផងដែរ។

・ជាទូទៅ គេកំណត់កម្រិតប្រើប្រាស់នៃឱសថនេះទៅតាមទម្ងន់របស់អ្នកជំងឺ។

ឱសថនេះធ្វើសកម្មភាពដោយភ្ជាប់ទៅនឹងសារធាតុVEGFនៅក្នុងរាងកាយ ដើម្បីទប់ស្កាត់សកម្មភាពភ្ជាប់រវាងVEGFនិងគ្រឿងទទួលរបស់វា។ ប្រសិនបើមិនមានសកម្មភាពរបស់VEGFនោះទេ ជាលិកាមហារីកនឹងមិនអាចបង្កើតសរសៃឈាមថ្មីៗដើម្បីពង្រីកទំហំនៃមហារីកបន្ថែមទៀតនោះទេ។