Bepridil hydrochloride hydrate

ជាទូទៅ ឱសថនេះប្រើនៅក្នុងការព្យាបាលដូចខាងក្រោម៖

・ជំងឺញ័រថតលើនៃបេះដូង(Atrial fibrillation)លក្ខណៈបន្តឥតដាច់ ករណីមិនអាចប្រើឱសថផ្សេង ឬ ឱសថផ្សេងទៀតគ្មានប្រសិទ្ធិភាព

・ជំងឺទាក់ទងនឹងចង្វាក់បេះដូងកើនឡើងខុសប្រក្រតីដោយសារបញ្ហាថតក្រោមនៃបេះដូង (Ventricular tachyarrhythmia) ករណីមិនអាចប្រើឱសថផ្សេង ឬ ឱសថផ្សេងទៀតគ្មានប្រសិទ្ធិភាព

・ជំងឺត្បៀតសរសៃឈាមក្នុងបេះដូង(Angina pectoris)។

ថ្នាំលេប：

・ករណីជំងឺញ័រថតលើនៃបេះដូង(Atrial fibrillation)លក្ខណៈបន្តឥតដាច់：

មនុស្សពេញវ័យ：ចាប់ផ្ដើមលេបពីកម្រិត 1ថ្ងៃ100mg បែងចែកជា2ដងក្នុង1ថ្ងៃ។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតដល់1ថ្ងៃ200mg បែងចែកជា2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・ជំងឺទាក់ទងនឹងចង្វាក់បេះដូងកើនឡើងខុសប្រក្រតីដោយសារបញ្ហាថតក្រោមនៃបេះដូង (Ventricular tachyarrhythmia) និង ជំងឺត្បៀតសរសៃឈាមក្នុងបេះដូង(Angina pectoris)：

មនុស្សពេញវ័យ：ចាប់ផ្ដើមលេបពីកម្រិត 1ថ្ងៃ200mg បែងចែកជា2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

・អ្នកដែលមានជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)។

・អ្នកដែលមានបញ្ហានៃការបញ្ជូនសញ្ញានៅក្នុងបេះដូងកម្រិតធ្ងន់ធ្ងរ (ជំងឺA-V block ឬ ជំងឺSinoatrial block។

・អ្នកដែលមានរោគសញ្ញាជីពចរដើរយឺត។

・អ្នកដែលមានរោគសញ្ញាQTនៃចង្វាក់បេះដូងអូសបន្លាយ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលកំពុងប្រើប្រាស់ឱសថដូចខាងក្រោម: Ritonavir, Saquinavir mesilate, Atazanavir sulfate, Fosamprenavir calcium hydrate, Itraconazole, Telaprevir, Amiodarone hydrochloride(ថ្នាំចាក់), Eliglustat tartrate។

ឱសថប្រភេទនេះមានផលរំខានរួម ដូចជា សម្ពាធឈាមចុះទាប គ្រាប់ឈាមសថយចុះ ប៉ះពាល់មុខងារថ្លើមនិងតម្រងនោម ការស្ទះការបញ្ជូនសញ្ញារវាងថតលើនិងថតក្រោមនៃបេះដូង(AV block) ជីពចរយឺត សម្ពាធឈាមចុះទាប មុខងារបេះដូងចុះខ្សោយ ។ល។

・ឱសថប្រភេទដែលអាចប្រើប្រាស់តែម្ដងក្នុង1ថ្ងៃមានការកើនឡើង ដូច្នេះ នៅពេលត្រូវផ្លាស់ប្ដូរប្រភេទថ្នាំ ត្រូវពន្យល់អ្នកជំងឺអោយបានច្បាស់លាស់ ចៀសវាងការយល់ច្រឡំចំពោះចំនួនដងនៃការប្រើប្រាស់ឱសថ។ ម្យ៉ាងទៀត អាការៈរមួយលក្រពើ ក៏អាចជាផលរំខាននៃការប្រើប្រាស់ឱសថប្រភេទនេះដែរ។

・ប្រើនៅក្នុងការគ្រប់គ្រងអាការៈចង្វាក់បេះដូងកើនឡើងទាក់ទងនឹងផ្នែកខាងលើនៃថតក្រោមរបស់បេះដូង(Supraventricular tachycardia) និង អាការៈញ័រថតលើនៃបេះដូង(Atrial fibrillation)។

・មិនប្រើចំពោះការព្យាបាលអាការៈញ័រថតលើនៃបេះដូង(Atrial fibrillation)ដែលកើតមាននៅក្នុងរោគសញ្ញាWPWនោះទេ។

・នៅពេលអ៊ីយ៉ុងកាល់ស្យូម(Ca2+)ហូរចូលក្នុងកោសិកា វាធ្វើអោយសាច់ដុំរលោងនៅសរសៃឈាមនិងសាច់ដុំបេះដូងចាប់ផ្ដើមកន្ត្រាក់។ ឱសថនេះបង្អាក់ដំណើរការហូរចូលនៃអ៊ីយ៉ុងកាល់ស្យូមនេះ ដូច្នេះ វាមានប្រសិទ្ធិភាពទប់ស្កាត់ការកន្ត្រាក់នៃសាច់ដុំបេះដូង។

・មានសកម្មភាពទៅលើSinus nodeនិងAV node ដោយទប់ស្កាត់ការបញ្ជូនសញ្ញាភ្ញោច(ប៉ូតង់ស្យែលសកម្ម)។