B1 + B6 + B12

ជាទូទៅ ឱសថនេះប្រើនៅក្នុងការព្យាបាលដូចខាងក្រោម ៖

- បំពេញតម្រូវការវីតាមីនបេ1(Benfotiamine) បេ6(Pyridoxine hydrochloride) បេ12(Cyanocobalamin)នៅក្នុងរាងកាយ សម្រាប់អ្នកដែលស្ថិតក្នុងស្ថានភាពដូចជា មានជំងឺដែលធ្វើអោយរាងកាយអស់ថាមពលច្រើន ស្ត្រីមានផ្ទៃពោះ ស្ត្រីបំបៅដោះកូន។ល។

- ជំងឺដែលអាចទាក់ទងនឹងការខ្វះឬមេតាបូលីសខុសប្រក្រតីនៃវីតាមីនទាំងនេះនៅក្នុងរាងកាយ រួមមាន ៖ អាការៈឈឺតាមសរសៃប្រសាទ ឈឺសាច់ដុំនិងសន្លាក់ អាការៈរលាកនិងស្ពឹកនៅតាមសរសៃប្រសាទអវៈយវៈ។

ករណីថ្នាំលេប：

ក្នុងឱសថ1គ្រាប់រួមមាន：Benfotiamine 69.15mg, Pyridoxine hydrochloride 50mg និង Cyanocobalamin 500μg។

មនុស្សពេញវ័យ：លេប1ថ្ងៃ 1～2គ្រាប់។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ករណីថ្នាំចាក់：

ក្នុងឱសថ1អំពូលរួមមាន：Thiamine disulphide phosphate 107.13mg, Pyridoxine hydrochloride 100mg និង Cyanocobalamin 1mg។

មនុស្សពេញវ័យ：ប្រើ1ថ្ងៃ1ដង 1អំពូល លាយជាមួយសេរ៉ូមគ្លុយកូស ឬ សេរ៉ូមប្រៃ ឬ ទឹកសម្រាប់លាយថ្នាំចាក់ 20mL ចាក់តាមសរសៃវ៉ែន ឬ ព្យួរសេរ៉ូមតាមសរសៃវ៉ែន។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

ផលរំខានរួមមាន ឡើងកន្ទួលក្រហម រមាស់ស្បែក។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ឡើងកន្ទួលក្រហមលើស្បែក សម្ពាធឈាមធ្លាក់ចុះ ឈឺទ្រូង ពិបាកដកដងហើម (អាការៈដូចទៅនឹងរោគប្រតិកម្មធ្ងន់ធ្ងរ)។ (ករណីថ្នាំចាក់：)

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថLevodopa - អាចធ្វើអោយសកម្មភាពនៃLevodopaថយចុះ។

ឱសថនេះ រួមមាន វីតាមីនបេ1(Benfotiamine) បេ6(Pyridoxine hydrochloride) និង បេ12(Cyanocobalamin) ដែលមានតួនាទីជាកូអង់ស៊ីម(Coenzyme)ចូលរួមនៅក្នុងប្រតិកម្មផ្សេងៗនៃរាងកាយ ជាពិសេសប្រតិកម្មទាក់ទងនឹងមុខងារនៃប្រព័ន្ធសរសៃប្រសាទ។