Azelnidipine

ជាទូទៅ ឱសថនេះប្រើនៅក្នុងការព្យាបាលជំងឺលើសសម្ពាធឈាម។

ថ្នាំលេប：

មនុស្សពេញវ័យ：លេប1ថ្ងៃ1ដង8~16mg ក្រោយអាហារពេលព្រឹក ដោយចាប់ផ្ដើមលេបពីកម្រិត1ថ្ងៃ1ដង8mgឬតិចជាងនេះ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញា ប៉ុន្តែ កម្រិតអតិបរមាប្រើក្នុង1ថ្ងៃគឺ16mg។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឱសថខាងក្រោម: ឱសថប្រឆាំងមេរោគផ្សិតប្រភេទអាហ្សូល(ឱសថItraconazole ឱសថMiconazole ឱសថFluconazole ឱសថFosfluconazole ឱសថVoriconazole) ឱសថប្រឆាំងវីរុសហ៊ីវប្រភេទទប់ស្កាត់ប្រូតេអាស(ឱសថដែលមានផ្ទុកRitonavir ឱសថSaquinavir ឱសថIndinavir ឱសថNelfinavir ឱសថAtazanavir ឱសថFosamprenavir ឱសថដែលមានផ្ទុកDarunavir) ឱសថដែលមានផ្ទុកCobicistat ឱសថOmbitasvir/Paritaprevir/Ritonavir។

・ដោយសារឱសថនេះទទួលប្រតិកម្មចម្បងពីថ្លើម ដូច្នេះ គេងាយប្រើចំពោះអ្នកជំងឺដែលមានបញ្ហាតម្រងនោម។

・ត្រូវប្រុងប្រយ័ត្ននៅពេលប្រើចំពោះអ្នកដែលមានជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure) ឬ ជំងឺស្ទះការបញ្ជូនសញ្ញាក្នុងបេះដូង។

・ហាមប្រើចំពោះស្ត្រីមានផ្ទៃពោះ ឬអ្នកដែលមានជំងឺខ្សោយបេះដូង ឬ អ្នកដែលកំពុងស្ថិតក្នុងដំណាក់កាលស្រួចស្រាវនៃអាការៈស្ទះសរសៃឈាមឬហូរឈាមក្នុងខួរក្បាល។

ទប់ស្កាត់ការហូរចូលនៃកាល់ស្យូម(Ca)ទៅក្នុងកោសិកាសាច់ដុំរលោងនៃសរសៃឈាម ដើម្បីពង្រីកសរសៃឈាម។