Atovaquone + Proguanil hydrochloride

ជាទូទៅ ឱសថនេះប្រើនៅក្នុងការព្យាបាលឬបង្ការជំងឺគ្រុនចាញ់។

ឱសថនេះមិនមានប្រសិទ្ធិភាពកម្ចាត់ប៉ារ៉ាស៊ីតបង្កជំងឺគ្រុនចាញ់នៅពេលវាស្ថិតនៅជាទម្រង់Hypnozoite(ដំណាក់កាលសម្ងំ)នោះទេ។

ថ្នាំលេប：

・ករណីប្រើនៅក្នុងការព្យាបាល：

- មនុស្សពេញវ័យ：លេប1ថ្ងៃ1ដង 100mg/400mg (Atovaquone/Proguanil hydrochloride) ក្រោយបរិភោគអាហារ រយៈពេល3ថ្ងៃ។

- កុមារ：លេប1ថ្ងៃ1ដងក្រោយបរិភោគអាហារ រយៈពេល3ថ្ងៃ ដោយកំណត់កម្រិតប្រើប្រាស់ទៅតាមទម្ងន់របស់អ្នកជំងឺ ដូចខាងក្រោម៖

+ ទម្ងន់5kg～8kg：125mg/50mg(Atovaquone/Proguanil hydrochloride)

+ ទម្ងន់9kg～10kg：187.5mg/75mg(Atovaquone/Proguanil hydrochloride)

+ ទម្ងន់11kg～20kg：250mg/100mg(Atovaquone/Proguanil hydrochloride)

+ ទម្ងន់21kg～30kg：500mg/200mg(Atovaquone/Proguanil hydrochloride)

+ ទម្ងន់31kg～40kg：750mg/300mg(Atovaquone/Proguanil hydrochloride)

+ ទម្ងន់＞40kg：1000mg/400mg(Atovaquone/Proguanil hydrochloride)។

・ករណីប្រើនៅក្នុងការបង្ការ：

- មនុស្សពេញវ័យ：លេប1ថ្ងៃ1ដង 250mg/100mg (Atovaquone/Proguanil hydrochloride) ក្រោយបរិភោគអាហារ ដោយចាប់ផ្ដើមលេបចាប់ពី24～48ម៉ោងមុនទៅដល់តំបន់គ្រុនចាញ់រៀងរាល់ថ្ងៃ។ បន្តលេបឱសថនេះរៀងរាល់ថ្ងៃនៅក្នុងអំឡុងពេលស្នាក់នៅ និង ក្រោយពេលចាកចេញពីតំបន់គ្រុនចាញ់រយៈពេល7ថ្ងៃ។

- កុមារ：លេប1ថ្ងៃ1ដង ក្រោយបរិភោគអាហារ ក្នុងកម្រិតដែលកំណត់ទៅតាមទម្ងន់របស់អ្នកជំងឺ ដូចខាងក្រោម ដោយចាប់ផ្ដើមលេបចាប់ពី24～48ម៉ោងមុនទៅដល់តំបន់គ្រុនចាញ់រៀងរាល់ថ្ងៃ។ បន្តលេបឱសថនេះរៀងរាល់ថ្ងៃនៅក្នុងអំឡុងពេលស្នាក់នៅ និង ក្រោយពេលចាកចេញពីតំបន់គ្រុនចាញ់រយៈពេល7ថ្ងៃ។

+ ទម្ងន់11kg～20kg：62.5mg/25mg(Atovaquone/Proguanil hydrochloride)

+ ទម្ងន់21kg～30kg：125mg/50mg(Atovaquone/Proguanil hydrochloride)

+ ទម្ងន់31kg～40kg：187.5mg/75mg(Atovaquone/Proguanil hydrochloride)

+ ទម្ងន់＞40kg：250mg/100mg(Atovaquone/Proguanil hydrochloride)។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានបញ្ហាតម្រងនោមធ្ងន់ធ្ងរ (ករណីប្រើក្នុងការបង្ការជំងឺគ្រុនចាញ់ប៉ុណ្ណោះ)។

ផលរំខានរួមមាន ឈឺពោះឬអារម្មណ៍មិនស្រួលក្នុងពោះ ក្អួតចង្អោរ ឈឺក្បាល រមាស់ស្បែក រាករូសឬទល់លាមក ក្អក ដំបៅក្នុងមាត់ យល់សប្ដិចម្លែក។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- ក្ដៅខ្លួន ឡើងកន្ទួលក្រហមលើស្បែក កន្ទួលក្នុងមាត់និងមានអាការៈឈឺចាប់ (ជំងឺនៃបណ្តុំរោគសញ្ញាលើស្បែកភ្នាសនិងភ្នែក(Muco-cutaneo-ocular syndrome) ជំងឺស្លាប់កោសិកាស្បែក(TEN))

- បាត់បង់ចំណង់អាហារ ក្អួតចង្អោរ ខាន់លឿង (ជំងឺរលាកថ្លើម ជំងឺស្ទះទឹកប្រមាត់ ជាដើម)

- ពិបាកដកដង្ហើម កន្ទាលត្រអាក ស្បែកឡើងក្រហមនិងរមាស់ (រោគប្រតិកម្មធ្ងន់ធ្ងរ)

- អស់កម្លាំង ឈឺក្បាល វិលមុខ (ជំងឺប៉ះពាល់ប្រព័ន្ធផលិតឈាម)

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថប្រឆាំងកំណកឈាមWarfarin - អាចធ្វើអោយសកម្មភាពរបស់Warfarinកើនឡើង។

・ឱសថRifampicin, Rifabutin, Tetracycline, Metoclopramide, Indinavir - អាចធ្វើអោយកំហាប់ក្នុងឈាមនៃAtovaquoneធ្លាក់ចុះ។

・ឱសថZidovudine - អាចធ្វើអោយកំហាប់ក្នុងឈាមនៃZidovudineកើនឡើង។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះក្នុងករណីចាំបាច់តែប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・កម្រិតប្រើប្រាស់ឱសថនេះ ប្រែប្រួលទៅតាមទម្ងន់របស់អ្នកជំងឺ។

・ប្រសិនបើអ្នកជំងឺមានអាការៈរាករូសឬក្អួតចង្អោរ អាចធ្វើអោយការស្រូបសារធាតុឱសថAtovaquoneចូលទៅក្នុងរាងកាយមានការថយចុះ។ ដូច្នេះ ករណីអ្នកជំងឺក្អួតក្នុងអំឡុងពេល1ម៉ោងក្រោយពិសាថ្នាំនេះ គេគួរអោយអ្នកជំងឺពិសាថ្នាំដដែលនេះម្ដងទៀត។

ជាឱសថប្រឆាំងជំងឺគ្រុនចាញ់ ដែលផ្សំឡើងដោយសារធាតុឱសថចំនួន2។

- Atovaquone：មានប្រសិទ្ធិភាពបង្អាក់សកម្មភាពរបស់មីតូកុងទ្រីដែលមានមុខងារផលិតសារធាតុចាំបាច់នៅក្នុងការបង្កើតDNAសម្រាប់ការរស់រានរបស់ប៉ារ៉ាស៊ីតបង្កជំងឺគ្រុនចាញ់។

- Proguanil：មានប្រសិទ្ធិភាពបង្អាក់សកម្មភាពរបស់អង់ស៊ីមដែលចាំបាច់នៅក្នុងប្រតិកម្មបង្កើតDNAនៃកោសិការបស់ប៉ារ៉ាស៊ីតបង្កជំងឺគ្រុនចាញ់។

មានន័យថា សារធាតុឱសថទាំងពីរមានប្រសិទ្ធិភាពបង្អាក់សកម្មភាពផលិតDNAរបស់ប៉ារ៉ាស៊ីតតាមវិធីពីរផ្សេងគ្នា។