Atomoxetine hydrochloride

ជាទូទៅ ឱសថនេះប្រើនៅក្នុងការព្យាបាលជំងឺខ្វះការប្រុងប្រយ័ត្ននិងនៅមិនស្ងៀម (Attention deficit hyperactivity disorder, ADHD)។

ថ្នាំលេប：

- ចំពោះអ្នកជំងឺដែលមានអាយុក្រោម18ឆ្នាំ: ចាប់ផ្ដើមលេបពីកម្រិត1ថ្ងៃ0.5mg/kg (ថ្នាំទឹក0.4%ត្រូវនឹង0.125mL/kg) រួចបង្កើនដល់1ថ្ងៃ0.8mg/kg(ថ្នាំទឹក0.4%ត្រូវនឹង0.2mL/kg) ហើយដល់1ថ្ងៃ1.2mg/kg(ថ្នាំទឹក0.4%ត្រូវនឹង0.3mL/kg) បន្ទាប់មកប្រើជាប្រចាំក្នុងកម្រិត1ថ្ងៃ1.2~1.8mg/kg(ថ្នាំទឹក0.4%ត្រូវនឹង0.3~0.45mL/kg)។ ត្រូវទុកគម្លាតរយៈពេលយ៉ាងហោចណាស់1សប្ដាហ៍សម្រាប់ការបង្កើនកម្រិតប្រើប្រាស់ម្ដងៗ។ ប្រើឱសថនេះក្នុងកម្រិតខាងលើដោយបែងចែកជា2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញារបស់អ្នកជំងឺ ប៉ុន្តែ មិនត្រូវប្រើលើសពីកម្រិត1.8mg/kg(ថ្នាំទឹក0.4%ត្រូវនឹង0.45mL/kg)ឬ120mg(ថ្នាំទឹក0.4%ត្រូវនឹង30mL) ក្នុង1ថ្ងៃនោះទេ (កំណត់យកកម្រិតមួយណាដែលទាបជាង)។

- ចំពោះអ្នកជំងឺដែលមានអាយុចាប់ពី18ឆ្នាំឡើងទៅ: ចាប់ផ្ដើមលេបពីកម្រិត1ថ្ងៃ40mg(ថ្នាំទឹក0.4%ត្រូវនឹង10mL) រួចបង្កើនដល់1ថ្ងៃ80mg(ថ្នាំទឹក0.4%ត្រូវនឹង20mL) ហើយប្រើជាប្រចាំក្នុងកម្រិត1ថ្ងៃ80~120mg(ថ្នាំទឹក0.4%ត្រូវនឹង20~30mL)។ ត្រូវទុកគម្លាតរយៈពេលយ៉ាងហោចណាស់1សប្ដាហ៍សម្រាប់ការបង្កើនកម្រិតប្រើប្រាស់មកដល់1ថ្ងៃ80mg(ថ្នាំទឹក0.4%ត្រូវនឹង20mL) ហើយបន្ទាប់ពីនោះ ត្រូវទុកគម្លាតរយៈពេលយ៉ាងហោចណាស់2សប្ដាហ៍សម្រាប់ការបង្កើនកម្រិតប្រើប្រាស់ម្ដងៗ។ ប្រើឱសថនេះក្នុងកម្រិតខាងលើ1ថ្ងៃ1ដង ឬ ដោយបែងចែកជា2ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមរោគសញ្ញារបស់អ្នកជំងឺ ប៉ុន្តែ មិនត្រូវប្រើលើសពីកម្រិត120mg(ថ្នាំទឹក0.4%ត្រូវនឹង30mL) ក្នុង1ថ្ងៃនោះទេ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលកំពុងប្រើប្រាស់ឬស្ថិតក្នុងអំឡុងពេល2សប្ដាហ៍បន្ទាប់ពីឈប់ប្រើប្រាស់ឱសថទប់ស្កាត់អង់ស៊ីមMAO ដូចជា ឱសថSelegiline hydrochloride ឱសថRasagiline mesilate ជាដើម។

・អ្នកដែលមានបញ្ហាសរសៃឈាមក្នុងបេះដូងកម្រិតធ្ងន់ធ្ងរ។

・អ្នកដែលកំពុងមានឬធ្លាប់មានជំងឺមហារីកPheochromocytoma។

・អ្នកដែលមានជំងឺក្លូកូមប្រភេទបិទជិទ(Angle-closure glaucoma)។