Arsenic trioxide

ជាទូទៅ ឱសថនេះប្រើនៅក្នុងការព្យាបាលជំងឺមហារីកគ្រាប់ឈាមសប្រភេទPromyelocytic leukemiaលក្ខណៈស្រួចស្រាវ ដែលរើឡើងវិញឬពិបាកព្យាបាល។

ថ្នាំចាក់：

ជាទូទៅ ប្រើឱសថនេះក្នុងកម្រិត 0.15mg/kg ដោយលាយជាមួយនឹងសូលុយស្យុងគ្លុយកូស5%ឬសូលុយស្យុងអំបិល(Saline) ដើម្បីទទួលបានសូលុយស្យុងចុងក្រោយបរិមាណ100～250mL រួចបញ្ចូលតាមសរសៃវ៉ែនរយៈពេល1～2ម៉ោង ទៅតាមករណីដូចខាងក្រោម៖

・ករណីការព្យាបាលដើម្បីជម្រុញស្ថានភាពជំងឹអោយឈានចូលដំណាក់កាលធូរស្រាល (Remission induction therapy): ប្រើក្នុងកម្រិតខាងលើ 1ថ្ងៃ1ដង រហូតដល់ស្ថានភាពនៃខួរឆ្អឹងមានភាពធូរស្រាល។ ចំនួនដងសរុបនៃការអនុវត្ត មិនត្រូវលើសពី60ដងនោះទេ។

・ករណីការព្យាបាលក្រោយឈានចូលដំណាក់កាលធូរស្រាល (Post-remission therapy): នៅពេលស្ថានភាពជំងឺបានឈានចូលដំណាក់កាលធូរស្រាលហើយ ត្រូវចាប់ផ្ដើមការព្យាបាលបន្ទាប់នៅ3～6សប្ដាហ៍ក្រោយបញ្ចប់ការព្យាបាលសម្រាប់Remission induction therapyខាងលើ ដោយប្រើក្នុងកម្រិតដូចខាងលើ 1ថ្ងៃ1ដង សរុបចំនួន25ដងក្នុងរយៈពេល5សប្ដាហ៍។

ប្រសិនបើក្នុងពេលបញ្ចូលឱសថ អ្នកជំងឹមានអាការៈសម្ពាធឈាមចុះទាប វិលមុខ មុខក្រហម ឈឺក្បាលជាដើម អាចពន្យាររយៈពេលពេលព្យួរសេរ៉ូមរហូតដល់4ម៉ោង។

・អ្នកដែលធ្លាប់មានរោគប្រតិកម្មជាមួយនឹងសារសារធាតុអាសេនិច(Arsenic, As)។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

ជាគោលការណ៍ អ្នកជំងឺដូចខាងក្រោមមិនត្រូវប្រើប្រាស់ឱសថនេះទេ។ ករណីចាំបាច់ត្រូវប្រើ ត្រូវតាមដានស្ថានភាពជំងឺនិងផលរំខានឱសថអោយបានដិតដល់។

・ស្ត្រីដែលអាចមានផ្ទៃពោះ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកគ្រាប់ឈាមស ជាពិសេស APL ហើយត្រូវតែជាមន្ទីរព្យាបាលដែលអាចអនុវត្តការសង្គ្រោះបន្ទាន់បាន។

・ត្រូវប្រុងប្រយ័ត្នចំពោះផលរំខានដែលធ្វើអោយកើតមានរោគសញ្ញានៃចង្វាក់បេះឌូងខុសប្រក្រតី ដូចជាQTអូសបន្លាយឬការស្ទះរវាងថតលើនិងថតក្រោមនៃបេះដូងជាដើម។ ការអូសបន្លាយនៃQT អាចនាំទៅដល់ជំងឺTorsade de pointes (TdP)ដែលអាចមានគ្រោះថ្នាក់ដល់ជីវិតរបស់អ្នកជំងឺ ដូច្នេះ ប្រសិនបើមានអាការៈភាំងស្មារតីម្ដងៗឬជីពចរដើរញាប់ជាដើម ត្រូវផ្អាកឬបញ្ឈប់ការប្រើឱសថនេះ។ ម្យ៉ាងទៀត មុននឹងប្រើឱសថនេះ អ្នកជំងឺត្រូវទទួលការពិនិត្យ12-lead Electrocardiogram ការពិនិត្យអេឡិចត្រូឡាយក្នុងឈាម(K, Ca, Mg)និងCreatinin។ ប្រសិនបើមានភាពខុសប្រក្រតីនៃកម្រិតអេឡិចត្រូឡាយ ត្រូវព្យាបាល និង ចៀសវាងឱសថដែលអាចធ្វើអោយQTអូសបន្លាយ ហើយត្រូវអនុវត្ត12-lead Electrocardiogram យ៉ាងហោចណាស់2ដងក្នុង1សប្ដាហ៍ ព្រមទាំងបន្តតាមដានចង្វាក់បេះដូងជានិច្ច។

・ឱសថនេះអាចបង្កផលរំខានធ្ងន់ធ្ងរជាបណ្ដុំរោគសញ្ញាAPL diff erentiation syndrome ដែលអាចមានគ្រោះថ្នាក់ដល់ជីវិតរបស់អ្នកជំងឺ។ ដូច្នេះត្រូវប្រុងប្រយ័ត្នចំពោះរោគសញ្ញាទាំងនេះ ហើយប្រសិនបើកើតមានជំងឹនេះ ត្រូវផ្អាកការប្រើប្រាស់ឱសថនេះរួចធ្វើការព្យាបាលអោយបានសមស្របដោយឱសថស្តេរ៉ូអ៊ីតជាដើម។