Aprindine hydrochloride

  • Pharmaceuticals and Medical Devices Agency នៃប្រទេសជប៉ុន (PMDA)

  • Pharmaceuticals and Medical Devices Agency នៃប្រទេសជប៉ុន (PMDA)

    • ប្រសិទ្ធិភាពព្យាបាល
    • កម្រិតប្រើប្រាស់
    • ហាមប្រើ
    • ផលរំខាន
    • ការប្រុងប្រយ័ត្នជាពិសេស
    • សកម្មភាពឱសថ
    • ប្រសិទ្ធិភាពព្យាបាល

      ករណីថ្នាំលេប:
      ជាទូទៅ ឱសថនេះប្រើនៅក្នុងការព្យាបាលជំងឺទាក់ទងនឹងចង្វាក់បេះដូងកើនឡើងខុសប្រក្រតី (Tachyarrhythmia) ករណីអ្នកជំងឺមិនអាចប្រើឱសថផ្សេងទៀតបានឬការប្រើឱសថផ្សេងទៀតមិនមានប្រសិទ្ធិភាព។
      ករណីថ្នាំចាក់:
      ជាទូទៅ ឱសថនេះប្រើនៅក្នុងការព្យាបាលជំងឺទាក់ទងនឹងចង្វាក់បេះដូងកើនឡើងខុសប្រក្រតី (Tachyarrhythmia)។

    • កម្រិតប្រើប្រាស់

      ករណីថ្នាំលេប:

      មនុស្សពេញវ័យ:ចាប់ផ្ដើមលេបពីកម្រិត1ថ្ងៃ40mg បែងចែកជា2~3ដងក្នុង1ថ្ងៃ។ ករណីប្រសិទ្ធិភាពមិនគ្រប់គ្រាន់ អាចបង្កើនកម្រិតដល់1ថ្ងៃ60mg បែងចែកជា2~3ដងក្នុង1ថ្ងៃ។ អាចបង្កើនឬបន្ថយកម្រិតប្រើប្រាស់ទៅតាមអាយុនិងរោគសញ្ញា។

      ករណីថ្នាំចាក់:

      ប្រើដោយពង្រាវឱសថនេះនៅក្នុងសេរ៉ូមគ្លុយកូស5%ជាដើមចំនួន10ដងជានិច្ចមុននឹងប្រើ។

      មនុស្សពេញវ័យ:ប្រើឱសថដែលពង្រាវនោះ 1ដង1.5~2.0mL/kg (កម្រិតឱសថ1.5~2.0mg/kg) ចាក់តាមសរសៃវ៉ែនយឺតៗក្នុងល្បឿន 5~10mL/នាទី ក្រោមការតាមដានសម្ពាធឈាមនិងចង្វាក់បេះដូងរបស់អ្នកជំងឺ។ កម្រិតអតិបរមានៃបរិមាណឱសថ(ពង្រាវរួច)សរុបគឺ 1ដង100mL (កម្រិតឱសថ100mg)។

    • ហាមប្រើ

      ករណីថ្នាំលេប និង ថ្នាំចាក់:

      ・អ្នកដែលមានបញ្ហាទាក់ទងនឹងការបញ្ជូនសញ្ញរវាងថតនៅក្នុងបេះដូងកម្រិតធ្ងន់ធ្ងរ(Complete Atrioventricular block ជាដើម)។

      ・អ្នកដែលមានជំងឺខ្សោយបេះដូងប៉ះពាល់ដល់ចរន្តឈាមក្នុងរាងកាយ(Congestive heart failure)កម្រិតធ្ងន់ធ្ងរ។

      ・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ។

    • ផលរំខាន

      វិលមុខ ឈឺក្បាល ញ័រដៃជើង រោគសញ្ញាក្រពះពោះវៀន សម្ពាធឈាចុះទាប ស្ទះការបញ្ជូនសញ្ញារវាងថតលើនិងថតក្រោមនៃបេះដូង(AV block)។ល។

    • ការប្រុងប្រយ័ត្នជាពិសេស

      ・មានប្រសិទ្ធិភាពចំពោះជំងឺចង្វាក់បេះដូងខុសប្រក្រតីដែលទាក់ទងនឹងថតក្រោមនៃបេះដូង ជាពិសេស ・Ventricular extrasystole

      និង Ventricular Tachycardia។

      គេប្រើឱសថ Aprindine hydrochloride ករណីឱសថផ្សេងទៀតមិនមានប្រសិទ្ធិភាព។

      ・ផលរំខានប៉ះពាល់ក្រពះពោះវៀនដែលបង្កដោយឱសថ Mexiletine hydrochloride អាចកាត់បន្ថយបានដោយការពិសារទឹកអោយបានច្រើន(1កែវពេញ)នៅពេលពិសារថ្នាំ។

    • សកម្មភាពឱសថ

      មានសកម្មភាពទៅលើសាច់ដុំនៅថតក្រោមនៃបេះដូង។ ឱសថប្រភេទនេះមានសកម្មភាពទប់ស្កាត់គ្រឿងចម្លងសូដ្យូម(Na channel) ដូចទៅនឹងឱសថប្រភេទIaដែរ ប៉ុន្តែរយៈពេលនៃការបញ្ជូនប៉ូតង់ស្បែលមានលក្ខណៈខ្លី ហើយរយៈពេលមិនចម្លងប៉ូតង់ស្បែល(Refractory period)ក៏ខ្លីផងដែរ។

*ព័ត៌មានឱសថត្រូវបានរៀបរៀងដោយ អ៊ីម៉ាតុគឹ មេឌីក (ខេមបូឌា) ដោយផ្អែកលើប្រភពព័ត៌មានខាងក្រោម។ សម្រាប់ព័ត៌មានលម្អិត សូមស្វែងរកនៅក្នុងក្រដាសព័ត៌មាននៃឱសថនីមួយៗ ឬ សាកសួរទៅកាន់ក្រុមហ៊ុនឱសថឬតំណាងចែកចាយនៃឱសថនីមួយៗ។

ប្រភពព័ត៌មាន៖

- ក្រដាសព័ត៌មាននៃឱសថសម្រាប់អ្នកជំនាញវេជ្ជសាស្ត្រដែលប្រើប្រាស់នៅប្រទេសជប៉ុន (Pharmaceutical and Medical Devices Agency, Pmda): https://www.pmda.go.jp

- ព័ត៌មានសង្ខេបនៃឱសថសម្រាប់អ្នកជំងឺដែលប្រើប្រាស់នៅប្រទេសជប៉ុន: http://www.rad-ar.or.jp