Anagrelide hydrochloride hydrate

ជាទូទៅ ឱសថនេះប្រើនៅក្នុងការព្យាបាលជំងឺកើនឡើងខុសប្រក្រតីនៃប្លាកែតក្នុងឈាមដែលគ្មានជំងឹផ្សេងជាដើមហេតុ (Essential thrombocythemiaឬEssential thrombocytosis)។

ថ្នាំលេប：

មនុស្សពេញវ័យ：ចាប់ផ្ដើមលេបពីកម្រិត1ដង0.5mg 1ថ្ងៃ2ដង។ អាចបង្កើនឬបន្ថយកម្រិតប្រើប្រាស់ទៅតាមស្ថានភាពរបស់អ្នកជំងឺ ដោយត្រូវទុកគម្លាតរយៈពេលយ៉ាងហោចណាស់1សប្ដាហ៍រវាងការបង្កើនកម្រិតម្ដងៗនិងបង្កើនម្ដង0.5mg/ថ្ងៃ ហើយមិនត្រូវប្រើលើសពី4ដងក្នុង1ថ្ងៃនោះទេ។ កម្រិតអតិបរមាប្រើគឺ2.5mg/1ដង ឬ 10mg/1ថ្ងៃ។

・អ្នកដែលធ្លាប់កើតមានរោគប្រតិកម្មជាមួយនឹងសារធាតុនៅក្នុងឱសថនេះ។

・អ្នកដែលមានបញ្ហាថ្លើមធ្ងន់ធ្ងរ។

ផលរំខានរួមមាន រោគសញ្ញាខ្វះឈាម ឈឺក្បាល បេះដូងលោតញាប់ រាករូស ហើម។ល។

ខាងក្រោមជាផលរំខានធ្ងន់ធ្ងរនៃឱសថនេះ ដូច្នេះ ប្រសិនបើមានអាការៈខាងក្រោម សូមរួសរាន់ទទួលការព្យាបាលពីវេជ្ជបណ្ឌិតជាបន្ទាន់។

- បេះដូងលោតញាប់ រួយខ្លួន ពិបាកដកដង្ហើម (បញ្ហាថ្លើម)

- បេះដូងលោតញាប់ បាត់បង់ស្មារតី ឈឺទ្រួង (QTអូសបន្លាយ ជំងឺចង្វាក់បេះដូងខុសប្រក្រតីទាក់ទងនឹងថតក្រោមនៃបេះដូង)

- ក្ដៅខ្លួន ក្អកស្ងួត (រលាកសួតប្រភេទInterstitial pneumonia)

- ឈាមច្រមុះ ឈាមអញ្ចាញធ្មេញ ស្នាមជាំស្វាយដោយសារហូរឈាមក្រោមស្បែក (រោគសញ្ញាហូរឈាម)។

ឱសថខាងក្រោម អាចប្រើរួមជាមួយនឹងឱសថនេះបាន ប៉ុន្តែត្រូវប្រុងប្រយ័ត្នចំពោះផលរំខានដែលអាចកើតមាន។

・ឱសថដែលមានសកម្មភាពទប់ស្កាត់ការប្រមូលផ្ដុំនៃប្លាកែត(ឱសថAspirin ឱសថClopidogrel ជាដើម) ឱសថប្រឆាំងកំណកឈាម(Warfarinជាដើម) ឱសថរំលាយកំណកឈាម(ឱសថUrokinase ឱសថAlteplase ជាដើម) - អាចធ្វើអោយហានិភ័យនៃការហូរឈាមកើនឡើង។

・ឱសថដែលមានសកម្មភាពទប់ស្កាត់cAMP PDE Ⅲ (ឱសថMilrinone ឱសថOlprinone ឱសថCilostazol ឱសថIbudilast ជាដើម) - អាចធ្វើអោយមានឥទ្ធិពលទៅលើប្រសិទ្ធភាពឬរយៈពេលធ្វើសកម្មភាពនៃឱសថAnagrelide។

・ឱសថដែលមានសកម្មភាពពន្យាររយៈពេលQTនៃចង្វាក់បេះដូង (ឱសថImipramine ឱសថPimozide ជាដើម) ឱសថព្យាបាលជំងឺចង្វាក់បេះដូងខុសប្រក្រតី(ឱសថQuinidine ឱសថProcainamide ឱសថDisopyramide ជាដើម) - អាចធ្វើអោយQTនៃចង្វាក់បេះដូងកាន់តែអូសបន្លាយ។

・ស្ត្រីមានផ្ទៃពោះឬស្ត្រីដែលអាចនឹងកំពុងមានផ្ទៃពោះ គួរប្រើឱសថនេះ ក្នុងករណីចាំបាច់ប៉ុណ្ណោះ។

・ស្ត្រីបំបៅដោះកូន មិនគួរប្រើប្រាស់ឱសថនេះទេ ព្រោះសារធាតុឱសថអាចជ្រៀតចូលក្នុងទឹកដោះម្តាយ។ ប្រសិនបើចាំបាច់ត្រូវប្រើឱសថនេះ ស្ត្រីគួរផ្អាកការបំបៅបណ្តោះអាសន្នក្នុងអំឡុងពេលប្រើប្រាស់ឱសថនេះ។

・អ្នកជំងឺជាស្ត្រីដែលអាចមានផ្ទៃពោះ គួរប្រើប្រាស់វិធីពន្យារកំណើតក្នុងអំឡុងពេលប្រើឱសថនេះ។

・ការប្រើឱសថនេះត្រូវស្ថិតក្រោមការគ្រប់គ្រងម៉ត់ចត់ពីវេជ្ជបណ្ឌិតដែលមានបទពិសោធន៍ច្រើនក្នុងការព្យាបាលជំងឺមហារីកសរីរាង្គផលិតគ្រាប់ឈាម។

・ដើម្បីដឹងអំពីប្រសិទ្ធភាពនៃឱសថនេះ អ្នកជំងឺត្រូវទទួលការពិនិត្យឈាមជាប្រចាំ។

・អ្នកដែលមានអាការៈងាយហូរឈាម ត្រូវប្រុងប្រយ័ត្នចំពោះរបួសដែលអាចកើតឡើង ហើយមុននឹងដកធ្មេញឬទទួលការវះកាត់ណាមួយ ត្រូវប្រាប់ទៅវេជ្ជបណ្ឌិតអំពីការប្រើឱសថនេះជាមុនសិន។

គេមិនច្បាស់អំពីគោលដៅសកម្មភាពនៃឱសថនេះទេ ប៉ុន្តែ គេសន្មតថាឱសថនេះមានសកម្មភាពទប់ស្កាត់ដំណើរការកកើតនិងដំណើរការវិវត្តទៅជាទម្រង់សកម្មនៃកោសិកាMegakaryocyte ដែលកោសិកានេះមានតួនាទីផលិតប្លាកែត។ ជាលទ្ធផល ចំនួនប្លាកែតក្នុងរាងកាយមានកម្រិតថយចុះ។